Viðskipti innlent

Reynir Bjarni tekur við sem fram­kvæmda­stjóri hjá Valitor

Eiður Þór Árnason skrifar
Reynir Bjarni hefur starfað hjá Valitor frá árinu 2004. 
Reynir Bjarni hefur starfað hjá Valitor frá árinu 2004.  Valitor

Reynir Bjarni Egilsson hefur tekið við starfi framkvæmdastjóra Útgáfulausna hjá Valitor en á sama tíma sameinuðust deildirnar Útgáfulausnir og Útgáfuvinnsla undir nafni þeirrar fyrrgreindu.

Frá þessu er greint í tilkynningu frá fyrirtækinu en Reynir Bjarni hefur langa reynslu af störfum á greiðslukortamarkaði og starfað hjá Valitor frá árinu 2004. Þar hefur hann meðal annars starfað við söluráðgjöf, fjármál, vörustýringu og nú síðast sem stjórnandi á vöruþróunar- og rekstrarsviði. Reynir Bjarni er með B.Sc í viðskiptafræði frá Háskóla Íslands og meistaragráðu í fjármálum fyrirtækja frá Háskólanum í Reykjavík.

Útgáfulausnir Valitor sinna allri þjónustu, rekstri og hugbúnaðarþróun sem snýr að bönkum og sparisjóðum í tengslum við útgáfu greiðslukorta.

Valitor er með leyfi frá Visa og MasterCard til útgáfu greiðslukorta og Útgáfulausnir koma að útgáfu allra Visa greiðslukorta á Íslandi í samstarfi við banka og sparisjóði, er fram kemur í tilkynningu. Samhliða því halda Útgáfalausnir úti kerfum sem gera farsímagreiðslur mögulegar, bjóða upp á endurkröfuþjónustu og sinna neyðarþjónustu til korthafa utan opnunartíma banka og sparisjóða.

Íslenskir bankar Greiðslumiðlun Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið