Dómstóll í Haag í Hollandi hefur beint því til þarlendra stjórnvalda að aflétta útgöngubanni sem komið hafði verið á til að hefta útbreiðslu kórónuveirunnar.
Dómstóllinn segir útgöngubannið ekki hafa stoð í stjórnarskrá og því skuli því aflétt fyrir 3. mars þegar núverandi reglur renna út.
Útgöngubannið gildir alla daga frá 21 á kvöldin og til 4:30 á morgnana.
Útgöngubanninu í Hollandi hefur verið mótmælt harðlega og undir lok síðasta mánaðar kom til mikilla óeirða víða í landinu.
Talsmenn ríkisstjórnar Hollands hafa sagt ríkisstjórnina ætla að vega og meta ákvörðun dómstólsins áður en gripið verði til einhverra ráðstafana.
Nokkur hundruð mótmælendur hafa verið handteknir í Evrópsku borgunum Brussel, Búdapest og Vín þar sem hörðum aðgerðum vegna kórónuveirufaraldursins hefur verið mótmælt. Í austurrísku höfuðborginni Vín hefur hópur fólks úr röðum ný-nasista til að mynda komið saman til mótmæla.
Óeirðalögregla var kölluð út í Eindhoven í Hollandi í gærkvöldi vegna mótmælenda sem hópuðust á götur borgarinnar til að mótmæla nýju útgöngubanni í borginni sem tók gildi í gærkvöldi vegna útbreiðslu Covid-19 á svæðinu.
