Körfubolti

Dómari bað plötusnúðinn um að lækka í Herra hnetusmjöri

Ingvi Þór Sæmundsson skrifar
Sigmundur Már Herbertsson biður plötusnúðinn í Blue-höllinni að lækka í græjunum.
Sigmundur Már Herbertsson biður plötusnúðinn í Blue-höllinni að lækka í græjunum. stöð 2 sport

Skemmtileg uppákoma varð í leik Keflavíkur og Grindavíkur í Domino's deild karla í gær þegar einn dómaranna bað plötusnúðinn í Blue-höllinni um að slökkva á tónlistinni á meðan leikurinn var í gangi.

Eftir að Keflvíkingar skoruðu undir lok 1. leikhluta spilaði plötusnúðurinn lag með Herra hnetusmjöri.

Hann var þó ekkert að flýta sér að slökkva á laginu sem var enn í gangi þegar Grindvíkingar voru komnir í sókn.

Sigmundur Már Herbertsson stöðvaði þá leikinn og bað plötusnúðinn vinsamlegast um að lækka í græjunum sem hann og gerði.

„Málið er að Simmi er AC/DC gæi, hann fílar ekki svona íslenskt rapp. Hann var bara að biðja hann um að skipta um lag,“ sagði Jón Halldór Eðvaldsson í léttum dúr í Domino's Körfuboltakvöldi í gær.

Klippa: Domino's Körfuboltakvöld - Bað plötusnúðinn um að lækka

Keflavík sigraði Grindavík, 94-67, og hefur unnið alla fimm leiki sína í Domino's deildinni og er á toppi hennar. Á föstudaginn mæta Keflvíkingar Stjörnumönnum í stórleik í Garðabænum.


Domino's Körfuboltakvöld er uppgjörsþáttur Stöðvar 2 Sports um Domino's-deildir karla og kvenna í körfubolta og er á dagskrá öll föstudagskvöld. Upptökur af þættinum má nálgast á sjónvarpsvef Stöðvar 2. Domino's-deildin er hluti af Stöð 2 Sport Ísland.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.