Sögur af hversdaglegum atburðum í lífi fólks í hinum ýmsu minnihlutahópum Sylvía Rut Sigfúsdóttir skrifar 13. janúar 2021 08:00 Marta aðalleikkona þáttanna segir að það sé mikilvægt að fjölbreytni samfélagsins endurspeglist í afþreyingarefni eins og þáttunum Norms. Norms Á morgun verður frumsýnd ný íslensk vefsería sem kallast Norms. Þættirnir eru sex talsins og voru teknir upp í Reykjavík og í Berlín. Um er að ræða stutta þætti sem eru samtals um klukkustund að lengd. „Þættirnir segja frá Söru, ungri reykvískri konu sem á erfitt með að fóta sig í fyrirsjáanlegum hversdeginum. Drifin áfram af hvatvísi og sjálfseyðingarhvöt setur hún allt á hliðina, eyðileggur sambandið við unnustu sína og missir vinnuna. Til að flýja sjálfa sig og slúðrið í litla samfélaginu flytur hún ein síns liðs til Berlínar sem oft er kölluð borg hinna týndu. En vandamálin elta hana líka þangað. Hún reynir að endurskilgreina sjálfa sig og hefja nýtt líf á nýjum slóðum en hún finnur að fortíðin leitar hana uppi og áttar sig loks á að hjarta hennar varð mögulega eftir heima á Íslandi.“ Þættirnir eru samsuða af drama og kómedíu og með aðalhlutverk fer Marta Sveinbjörnsdóttir sem hin týnda, klaufalega en afar kunnuglega Sara. Þættina skrifar Sólveig Johnsen og þeim er leikstýrt af Júlíu Margréti Einarsdóttur. Báðar eru ungir listamenn sem hafa stigið sín fyrstu skref í íslenskum bókmenntaheimi. Sagan af því sem sameinar þau „Það er algjör ástríða okkar sem hóps að segja þessar sögur sem eru bara ekki sagðar nógu oft. Norms fjallar um hversdaglega atburði í lífi fólks sem tilheyrir hinum ýmsu minnihlutahópum. En í okkar þáttum, þrátt fyrir að hetjurnar okkar eigi sér ólíkan bakgrunn hvað varðar trú, kynþátt og kynhneigð til dæmis, erum við ekki að fókusa á hvað gerir þau ólík eða hvernig þau tilheyra minnihluta. Þetta er sagan af því sem sameinar þau, og sameinar okkur öll sem manneskjur.“ RVK Feminist Film Festival tók ákvörðun um að vera með sérflokk fyrir vefseríur til þess að geta frumsýnt þættina á hátíðinni. Júlía Margrét sem er rithöfundur og menntuð í handritaskrifum, þakkar hátíðinni fyrir hugrekkið og stuðninginn en þetta er fyrsta þáttaröðin sem hún leikstýrir. Ástríða hópsins er að segja sögur sem eru ekki sagðar nógu oft.Norms Lítið stressuð á tökustað Marta segir í samtali við Vísi að sérstaða Norms felist meðal annars í því að margar sögupersónur þáttanna eru hinsegin. „Það var mjög gaman að leika í þessu verkefni og fyrst og fremst er ég þakklát fyrir allt frábæra fólkið sem var að leika með mér og auðvitað þau sem komu að framleiðslunni sjálfri. Það kom mér á óvart hvað ég var lítið stressuð í tökunum sjálfum, það var enginn tími til þess. En ég var búin að hafa mjög góðan tíma í undirbúning og var í raun búin að taka þátt í hugmyndavinnunni og öllu ferlinu frá upphafi. Tökurnar sjálfar tóku svo ekki langan tíma en það var mjög mikil keyrsla, og allt á fullu heilu og hálfu sólarhringana. En þrátt fyrir tvær erfiðar vikur gekk nú allt bara vonum framar.“ Hún segist eiga eitthvað sameiginlegt með persónunni Söru, en annað sé þveröfugt. „Það eina sem mér dettur í hug er kannski þessi þrá til að skoða heiminn og leggja meiri áherslu á listsköpun heldur en ég finn mér tíma í. Held svo að ég hafi alveg getað speglað mig í öllu klúðrinu hjá henni og haft samúð með karakterum þrátt fyrir að hafa ekki beint verið í sömu aðstæðum,“ útskýrir Marta. Flugu strax heim aftur „Við erum semsagt hópur af skapandi fólki í Reykjavík og Berlín með sérstakan áhuga á kvikmyndagerð og fengum styrk frá Evrópu unga fólksins til þáttagerðarinnar. Kveikjan að handritinu varð til í sumarbústaðaferð kvenkyns meðlima hópsins um haustið 2018, tökur fóru fram haustið 2019 en svo seinkaði eftirvinnslunni um nokkra mánuði. Ég var þess vegna hluti af því að verkefnið varð til og var búin að vinna með þeim áður og stofna Lost Shoe Collective, sem er nú orðið að litlu framleiðslufyrirtæki. Okkur langaði einfaldlega að fá reynslu og búa okkur til tækifæri til að gera það sem við höfum gaman að, sem er að segja sögur og skapa myndheima og þannig.“ Þættirnir eru teknir upp í Reykjavík og í Berlín.Norms Það var heimsfaraldurinn sem breytti tímalínunni á verkefninu enda breyttist allt mjög hratt á vormánuðunum varðandi ferðalög og dvöl erlendis. „Aðallega þannig að við þurftum að seinka því að leggja lokahönd á þá og frumsýna hálfu ári seinna en stefnan var upphaflega. Höfum þurft að reiða okkur mikið á online samskipti. Það er svo kannski grátbroslegt að segja frá því að við vorum öll búin að fljúga út til Berlínar daginn áður en landamærum var alls staðar lokað í mars á síðasta ári. Við ætluðum að hafa vinnuviku og klára sem mest af eftirvinnslunni saman en lentum í meiriháttar panikki og flugum strax heim aftur. Ég er sem stendur í Barcelona á meðan ég er að klára nám í mannfræði og er komin með ágætis heimþrá. Það var þess vegna kærkomið að ná kvöldmat, þó ekki væri meira, með góðum vinum og samstarfsfólki frá Íslandi áður en við fórum heim í sóttkví.“ Konur í meirihluta Hópurinn er einstaklega þakklátur Erasmus skrifstofunni og öllum þeim sem komu að verkefninu með þeim. Marta segir að það sé sér mjög mikilvægt að fjölbreytni samfélagsins endurspeglist í afþreyingarefni eins og Norms. „Sérstaða þáttanna er helst að persónurnar eru ekki endilega þær stereótýpur sem sjást oftast í sjónvarpi og kvikmyndum. Söguhetjan er hinsegin, án þess að þættirnir snúist neitt sérstaklega um það. Yfirmaðurinn er kvenkyns, og konur í meirihluta - bæði sögupersónur og við framleiðsluna sjálfa.“ Aðalpersónan klæðist fatnaði sem er sérvalinn á hinum þekktu „second hand“ fatamörkuðum Berlínar. Tónsmíðar spútnik tónlistarkonunnar Gaby DeSpain og Unnar Andreu framleiðanda eru mikilvægur hluti af sögusviðiðinu og er í takt við nútímalegan ungmennakúltúr í Reykjavík og Berlín. „Ég mæli sérstaklega með tónlistinni í þáttunum sem þær Gaby DeSpain og Unnur Andrea voru svo ótrúlega góðar að leyfa okkur að nota,“ segir Marta. Eftir frumsýningu verða þættirnir gefnir út á stafrænum vettvangi. Hægt verður að fylgjast með Norms á Facebook og á Instagram sem @norms.webseries. Bíó og sjónvarp Kvikmyndagerð á Íslandi Mest lesið Talin ólíklegust til að komast áfram Lífið Bauð öllum bæjarbúum í matarboð Lífið „Æskuheimilið hans er bara rústir“ Lífið Vítalía og Arnar Grant í kossaflensi Lífið „Vildi greinilega ekki að einhver úr fjölskyldunni kæmi að honum“ Lífið „Ekki lengur þræll þess að finnast ég ekki nóg“ Lífið Myndavél frá afa algjör fjársjóður Tíska og hönnun Samantha Davis er látin Lífið Gult og glæsilegt einbýlishús Sölva til sölu Lífið Margrét Ýr og Reynir nýtt par Lífið Fleiri fréttir Bauð öllum bæjarbúum í matarboð Talin ólíklegust til að komast áfram „Æskuheimilið hans er bara rústir“ Gult og glæsilegt einbýlishús Sölva til sölu „Ekki lengur þræll þess að finnast ég ekki nóg“ Magnea fór upp á fjall á tryllitæki Margrét Ýr og Reynir nýtt par „Vildi greinilega ekki að einhver úr fjölskyldunni kæmi að honum“ Samantha Davis er látin Höfundur Kaupalkabókanna með krabbamein í heila Eva Ruza og Gunna Dís inn fyrir Gísla og Felix Nýbökuðu hjónin kíktu í kaffi til Guðna Bergur og Inga Lóa selja eitt glæsilegasta hús Garðabæjar Sofia Vergara með fjallmyndarlegum lækni Gunna Dís kynnir Eurovision í stað Gísla Marteins Vítalía og Arnar Grant í kossaflensi Fengu sér miðnætursnarl í Skotlandi Ási selur íbúðina eftir sambandsslitin Laufey í Vogue ásamt Rihönnu Gengur hundrað kílómetra með hundrað kílóa sleða Bassi Maraj og Patrekur í svínslegu stuði Með milljónir fylgjenda og lætur drauminn rætast í London Missti allar tærnar þrjátíu árum eftir að konan skar undan honum „Ég fæ það of fljótt, hvað get ég gert?“ Eyfi flutti Nínu með Hinsegin kórnum Steldu stíl nýja ráðherrans Litfögur listamannaíbúð í Hlíðunum Systkinin í Celebs frumfluttu lag Barnamenningarhátíðar Galvaskar á Gugguvaktinni Ragnar dillaði sér á Dillon og nýr ráðherra naut lífsins í Borgartúni Sjá meira
„Þættirnir segja frá Söru, ungri reykvískri konu sem á erfitt með að fóta sig í fyrirsjáanlegum hversdeginum. Drifin áfram af hvatvísi og sjálfseyðingarhvöt setur hún allt á hliðina, eyðileggur sambandið við unnustu sína og missir vinnuna. Til að flýja sjálfa sig og slúðrið í litla samfélaginu flytur hún ein síns liðs til Berlínar sem oft er kölluð borg hinna týndu. En vandamálin elta hana líka þangað. Hún reynir að endurskilgreina sjálfa sig og hefja nýtt líf á nýjum slóðum en hún finnur að fortíðin leitar hana uppi og áttar sig loks á að hjarta hennar varð mögulega eftir heima á Íslandi.“ Þættirnir eru samsuða af drama og kómedíu og með aðalhlutverk fer Marta Sveinbjörnsdóttir sem hin týnda, klaufalega en afar kunnuglega Sara. Þættina skrifar Sólveig Johnsen og þeim er leikstýrt af Júlíu Margréti Einarsdóttur. Báðar eru ungir listamenn sem hafa stigið sín fyrstu skref í íslenskum bókmenntaheimi. Sagan af því sem sameinar þau „Það er algjör ástríða okkar sem hóps að segja þessar sögur sem eru bara ekki sagðar nógu oft. Norms fjallar um hversdaglega atburði í lífi fólks sem tilheyrir hinum ýmsu minnihlutahópum. En í okkar þáttum, þrátt fyrir að hetjurnar okkar eigi sér ólíkan bakgrunn hvað varðar trú, kynþátt og kynhneigð til dæmis, erum við ekki að fókusa á hvað gerir þau ólík eða hvernig þau tilheyra minnihluta. Þetta er sagan af því sem sameinar þau, og sameinar okkur öll sem manneskjur.“ RVK Feminist Film Festival tók ákvörðun um að vera með sérflokk fyrir vefseríur til þess að geta frumsýnt þættina á hátíðinni. Júlía Margrét sem er rithöfundur og menntuð í handritaskrifum, þakkar hátíðinni fyrir hugrekkið og stuðninginn en þetta er fyrsta þáttaröðin sem hún leikstýrir. Ástríða hópsins er að segja sögur sem eru ekki sagðar nógu oft.Norms Lítið stressuð á tökustað Marta segir í samtali við Vísi að sérstaða Norms felist meðal annars í því að margar sögupersónur þáttanna eru hinsegin. „Það var mjög gaman að leika í þessu verkefni og fyrst og fremst er ég þakklát fyrir allt frábæra fólkið sem var að leika með mér og auðvitað þau sem komu að framleiðslunni sjálfri. Það kom mér á óvart hvað ég var lítið stressuð í tökunum sjálfum, það var enginn tími til þess. En ég var búin að hafa mjög góðan tíma í undirbúning og var í raun búin að taka þátt í hugmyndavinnunni og öllu ferlinu frá upphafi. Tökurnar sjálfar tóku svo ekki langan tíma en það var mjög mikil keyrsla, og allt á fullu heilu og hálfu sólarhringana. En þrátt fyrir tvær erfiðar vikur gekk nú allt bara vonum framar.“ Hún segist eiga eitthvað sameiginlegt með persónunni Söru, en annað sé þveröfugt. „Það eina sem mér dettur í hug er kannski þessi þrá til að skoða heiminn og leggja meiri áherslu á listsköpun heldur en ég finn mér tíma í. Held svo að ég hafi alveg getað speglað mig í öllu klúðrinu hjá henni og haft samúð með karakterum þrátt fyrir að hafa ekki beint verið í sömu aðstæðum,“ útskýrir Marta. Flugu strax heim aftur „Við erum semsagt hópur af skapandi fólki í Reykjavík og Berlín með sérstakan áhuga á kvikmyndagerð og fengum styrk frá Evrópu unga fólksins til þáttagerðarinnar. Kveikjan að handritinu varð til í sumarbústaðaferð kvenkyns meðlima hópsins um haustið 2018, tökur fóru fram haustið 2019 en svo seinkaði eftirvinnslunni um nokkra mánuði. Ég var þess vegna hluti af því að verkefnið varð til og var búin að vinna með þeim áður og stofna Lost Shoe Collective, sem er nú orðið að litlu framleiðslufyrirtæki. Okkur langaði einfaldlega að fá reynslu og búa okkur til tækifæri til að gera það sem við höfum gaman að, sem er að segja sögur og skapa myndheima og þannig.“ Þættirnir eru teknir upp í Reykjavík og í Berlín.Norms Það var heimsfaraldurinn sem breytti tímalínunni á verkefninu enda breyttist allt mjög hratt á vormánuðunum varðandi ferðalög og dvöl erlendis. „Aðallega þannig að við þurftum að seinka því að leggja lokahönd á þá og frumsýna hálfu ári seinna en stefnan var upphaflega. Höfum þurft að reiða okkur mikið á online samskipti. Það er svo kannski grátbroslegt að segja frá því að við vorum öll búin að fljúga út til Berlínar daginn áður en landamærum var alls staðar lokað í mars á síðasta ári. Við ætluðum að hafa vinnuviku og klára sem mest af eftirvinnslunni saman en lentum í meiriháttar panikki og flugum strax heim aftur. Ég er sem stendur í Barcelona á meðan ég er að klára nám í mannfræði og er komin með ágætis heimþrá. Það var þess vegna kærkomið að ná kvöldmat, þó ekki væri meira, með góðum vinum og samstarfsfólki frá Íslandi áður en við fórum heim í sóttkví.“ Konur í meirihluta Hópurinn er einstaklega þakklátur Erasmus skrifstofunni og öllum þeim sem komu að verkefninu með þeim. Marta segir að það sé sér mjög mikilvægt að fjölbreytni samfélagsins endurspeglist í afþreyingarefni eins og Norms. „Sérstaða þáttanna er helst að persónurnar eru ekki endilega þær stereótýpur sem sjást oftast í sjónvarpi og kvikmyndum. Söguhetjan er hinsegin, án þess að þættirnir snúist neitt sérstaklega um það. Yfirmaðurinn er kvenkyns, og konur í meirihluta - bæði sögupersónur og við framleiðsluna sjálfa.“ Aðalpersónan klæðist fatnaði sem er sérvalinn á hinum þekktu „second hand“ fatamörkuðum Berlínar. Tónsmíðar spútnik tónlistarkonunnar Gaby DeSpain og Unnar Andreu framleiðanda eru mikilvægur hluti af sögusviðiðinu og er í takt við nútímalegan ungmennakúltúr í Reykjavík og Berlín. „Ég mæli sérstaklega með tónlistinni í þáttunum sem þær Gaby DeSpain og Unnur Andrea voru svo ótrúlega góðar að leyfa okkur að nota,“ segir Marta. Eftir frumsýningu verða þættirnir gefnir út á stafrænum vettvangi. Hægt verður að fylgjast með Norms á Facebook og á Instagram sem @norms.webseries.
Bíó og sjónvarp Kvikmyndagerð á Íslandi Mest lesið Talin ólíklegust til að komast áfram Lífið Bauð öllum bæjarbúum í matarboð Lífið „Æskuheimilið hans er bara rústir“ Lífið Vítalía og Arnar Grant í kossaflensi Lífið „Vildi greinilega ekki að einhver úr fjölskyldunni kæmi að honum“ Lífið „Ekki lengur þræll þess að finnast ég ekki nóg“ Lífið Myndavél frá afa algjör fjársjóður Tíska og hönnun Samantha Davis er látin Lífið Gult og glæsilegt einbýlishús Sölva til sölu Lífið Margrét Ýr og Reynir nýtt par Lífið Fleiri fréttir Bauð öllum bæjarbúum í matarboð Talin ólíklegust til að komast áfram „Æskuheimilið hans er bara rústir“ Gult og glæsilegt einbýlishús Sölva til sölu „Ekki lengur þræll þess að finnast ég ekki nóg“ Magnea fór upp á fjall á tryllitæki Margrét Ýr og Reynir nýtt par „Vildi greinilega ekki að einhver úr fjölskyldunni kæmi að honum“ Samantha Davis er látin Höfundur Kaupalkabókanna með krabbamein í heila Eva Ruza og Gunna Dís inn fyrir Gísla og Felix Nýbökuðu hjónin kíktu í kaffi til Guðna Bergur og Inga Lóa selja eitt glæsilegasta hús Garðabæjar Sofia Vergara með fjallmyndarlegum lækni Gunna Dís kynnir Eurovision í stað Gísla Marteins Vítalía og Arnar Grant í kossaflensi Fengu sér miðnætursnarl í Skotlandi Ási selur íbúðina eftir sambandsslitin Laufey í Vogue ásamt Rihönnu Gengur hundrað kílómetra með hundrað kílóa sleða Bassi Maraj og Patrekur í svínslegu stuði Með milljónir fylgjenda og lætur drauminn rætast í London Missti allar tærnar þrjátíu árum eftir að konan skar undan honum „Ég fæ það of fljótt, hvað get ég gert?“ Eyfi flutti Nínu með Hinsegin kórnum Steldu stíl nýja ráðherrans Litfögur listamannaíbúð í Hlíðunum Systkinin í Celebs frumfluttu lag Barnamenningarhátíðar Galvaskar á Gugguvaktinni Ragnar dillaði sér á Dillon og nýr ráðherra naut lífsins í Borgartúni Sjá meira