Innlent

Gunnar Þormar er látinn

Eiður Þór Árnason skrifar
Gunnar Þormar vann lengi að réttinda- og hagsmunamálum fatlaðs fólks hér á landi.
Gunnar Þormar vann lengi að réttinda- og hagsmunamálum fatlaðs fólks hér á landi. Samsett

Gunnar Þormar, tannlæknir og fyrsti formaður Landssamtakanna Þroskahjálpar, er látinn. Hann lést á hjartadeild Landspítalans við Hringbraut sunnudaginn 3. janúar.  

Gunnar tók ríkan þátt í stofnun samtakanna allt frá byrjun sem var ætlað að sameina krafta þeirra félaga sem unnu að réttinda- og hagsmunamálum fatlaðs fólks hér á landi. Hann var kosinn fyrsti formaður Þroskahjálpar árið 1976.

„Alla tíð fylgdist hann vel með starfsemi samtakanna og var óragur við að segja skoðanir sínar til lofs eða lasts. Gunnar barðist mjög fyrir bættri tannlæknaþjónustu við fólk með þroskahömlun og starfaði sjálfur til margra ára, sem sérhæfður tannlæknir fyrir fólk með þroskahömlun,“ segir á vef samtakanna þar sem Gunnars er minnst. 

Gunnar sat um árabil í stjórn húsbyggingasjóðs Þroskahjálpar. 

„Þar tók hann þátt í að móta þá stefnu sjóðsins að húsnæði sem ekki væri nógu gott fyrir alla, væri ekki boðlegt fyrir fatlað fólk heldur. Enn þann dag í dag þarf því miður of oft að ítreka þetta.“

Að lokum þakkar forsvarsfólk Þroskahjálpar Gunnari fyrir starf í þágu samtakanna og mikilvægt framlag í baráttunni fyrir réttindum fólks með þroskahömlun og votta aðstandendum hans samúð sína.

Andlát Félagasamtök
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið