Viðskipti innlent

Brottrekstur Lárusar úrskurðaður ólögmætur

Kristín Ólafsdóttir skrifar
Lárus Sigurður Lárusson.
Lárus Sigurður Lárusson. Aðsend

Landsréttur sneri í dag við úrskurði Héraðsdóms Reykjavíkur um að víkja Lárusi Sigurði Lárussyni lögmanni úr starfi skiptastjóra þrotabús fasteignafélagsins Þórodds ehf.

Héraðsdómur Reykjavíkur úrskurðaði í lok október að Lárusi skyldi vikið úr starfi skiptastjóra þrotabúsins vegna brots á starfs- og trúnaðarskyldum. Ástæðan var sögð framferði Lárusar í tengslum við sölu á verðmætustu eign þrotabúsins, fasteigninni Þóroddsstöðum við Skógarhlíð í Reykjavík.

Fram kemur í úrskurði héraðsdóms að áður en til gjaldþrotaskipta kom hafi eignin verið til sölu hjá fasteignasölunni Mikluborg. Kauptilboð upp á 200 milljónir hafi borist í eignina og verið samþykkt, en salan ekki gengið í gegn þar sem kaupandi hafi ekki getað fjármagnað kaupin.

Þóroddsstaðir eru byggðir árið 1927 og var upphaflega býli, Er um að ræða þrílyft steinhús, um 400 fermetrar að stærð.Já.is

Eftir að félagið hafi verið tekið til gjaldþrotaskipta og Lárus skipaður skiptastjóri, hafi húsið verið tekið úr sölu hjá fasteignasölunni en selt stuttu síðar til sama kaupanda í gegnum fasteignasölu eiginmanns og samstarfsmanns Lárusar, Sævars Þórs Jónssonar, og þá fyrir 130 milljónir króna.

Lárus sagðist í yfirlýsingu vegna málsins í nóvember hafna því að eiginhagsmunir hefðu ráðið för og kærði úrskurðinn til Landsréttar. Hann baðst jafnframt lausnar sem formaður Menntasjóðs námsmanna eftir að dómur héraðsdóms var kveðinn upp.

Hefði átt að hafa gögnin tilbúin á skiptafundi

Landsréttur kosmt að þeirri niðurstöðu að Lárusi hefði borið að kynna sér betur byggingarrétt sem þinglýst hafði verið á Þórodsstöðum. Dómurinn taldi þó að það hefði ekki haft umtalsverð áhrif á söluverð eignarinnar.

Einnig hefði Lárus mátt gera sér grein fyrir því að hann þyrfti að hafa sölugögn vegna sölu eignarinnar tilbúin til afhendingar á skiptafundi í júní 2020 og að honum hefði borið að halda ágreiningsfund um umdeildar kröfur í búið eins fljótt og honum var unnt.

Á hinn bóginn taldi dómurinn að framferði Lárusar hefði ekki verið slíkt að efni hafi staðið til að víkja honum fyrirvaralaust úr starfi skiptastjóra. Úrskurður héraðsdóms verði því felldur úr gildi. Idac ehf. og Ríkisútvarpinu ohf. var jafnframt gert að greiða honum 496 þúsund krónur í kærumálskostnað.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ARION
2,11
64
5.740.358
ICEAIR
0,68
39
20.032
SYN
0,35
3
10.857
SKEL
0,28
2
85
ICESEA
0
4
107

Mesta lækkun dagsins


Félag
Br.%
Fjöldi
Velta*
VIS
-2,19
12
179.042
MAREL
-2,09
39
533.374
REITIR
-1,48
3
26.600
EIK
-1,42
3
18.367
FESTI
-1,13
4
89.356
Velkomin á Vísi. Þessi vefur notar vafrakökur. Sjá nánar.