Erlent

Kim mættur aftur til starfa

Hallgerður Kolbrún E. Jónsdóttir skrifar
Kim var hinn hressasti á opnunarathöfn verksmiðjunnar.
Kim var hinn hressasti á opnunarathöfn verksmiðjunnar. AP/Korean Central News Agency

Kim Jong-un, einræðisherra Norður-Kóreu, mætti í gær á opnunarathöfn áburðarverksmiðju í útjaðri Pyongyang en hann hafði ekki sést opinberlega í tuttugu daga og héldu margir að Kim væri alvarlega veikur eða jafnvel fallinn frá vegna fjarveru sinnar.

Í gær bárust fregnir um að hann hafi verið viðstaddur við opnunarathöfnina með systur sinni en ekki var hægt að staðfesta það þar sem engar myndir höfðu birst. 

Kim klippir á rauðan borða til að marka opnun áburðarverksmiðjunnar. Kim Yo-jong, systir hans, stendur á bak við hann.AP/Korean Central News Agency

Á myndefninu sem birt var af norðurkóreskum yfirvöldum í morgun af einræðisherranum virtist hann hinn hressasti. Engin merki virðast um að hann hafi verið veikur. 

Sögur af hinum meintu veikindum eða jafnvel dauða Kim hafa verið háværar undanfarna daga en leiðtoginn sást síðast opinberlega þann 12. apríl síðastliðinn. 

Kim tekur undir lófatak vegna opnunar áburðarverksmiðjunnar.AP/Korean Central News Agency

Sögusagnirnar fóru á kreik eftir að hann missti af afmælishátíð afa síns, Kim Il-Sung, sem haldin er hátíðlega þann 15. apríl ár hvert enda ein mikilvægasta hátíð landsins.

Norður-Kórea
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið