Guðjón Valur hættur Óskar Ófeigur Jónsson skrifar 29. apríl 2020 10:38 Guðjón Valur Sigurðsson hefur leikið sinn síðasta leik. Vísir/EPA Guðjón Valur Sigurðsson hefur spilaði sinn síðasta handboltaleik en hann hefur tekið þá ákvörðun að hætta að spila en síðasta tímabilið hans var með franska stórliðinu Paris Saint Germain. Guðjón Valur hefur spilað lengur en flestir því hann verður 41 árs í haust. Hann fór út í atvinnumennsku árið 2001 og spilaði því í nítján ár sem atvinnumaður. Guðjón Valur er markahæsti landsliðsmaður Íslands frá upphafi og enginn hefur tekið þátt í fleiri stórmótum fyrir Íslands hönd. Fyrsti landsleikur hans var árið 1999 og Guðjón spilaði því með íslenska landsliðnu á þremur mismunandi áratugum. Guðjón Valur skoraði alls 1879 mörk í 365 landsleikjum og á heimsmetið yfir flest mörk fyrir landslið. Hann er líka markahæsti leikmaður EM frá upphafi og varð markakóngur á HM í Þýskalandi 2007. Guðjón Valur tók alls þátt í 22 stórmótum fyrir Íslands hönd og skoraði þar 701 mark í 138 leikjum sem er að sjálfsögðu allt met. Guðjón Valur var með á ellefu Evrópumótum, átta heimsmeistaramótum og þremur Ólympíuleikum. Guðjón Valur var í silfurliði Íslands á ÓL í Peking 2008 sem og í bronsliðinu á EM í Austurríki 2010. Guðjón Valur var þrisvar sinnum valinn í úrvalsliðið á stórmóti eða á Ólympíuleikunum í Peking og svo á Evrópumótunum 2012 og 2014. Guðjón Valur hóf ferill sinn hjá Gróttu og spilaði síðan með KA áður en hann fór út í atvinnumennsku í Þýskalandi. Guðjón Valur hefur síðan spilað með mörgum af stærstu klúbbum heims eins og Kiel, Rhein Neckar Löwen, Barcelona og nú síðast Paris Saint Germain. „Handboltinn hefur opnað mér heim sem fáum auðnast og ég hefði aldrei ímyndað mér að ég ætti eftir að upplifa þegar ég var ungur gutti í Gróttu. Það sem eftir lifir eru minningarnar, bæði þær sætu og þær sáru, og fólkið sem ég hef kynnst á leiðinni. Takk fyrir mig,“ skrifaði Guðjón Valur meðal annars í færslu sinni sem er bæði á íslensku og á ensku. Guðjón Valur er enn af þeim fáu leikmönnum sem hafa náð því að skora yfir tvö þúsund mörk í þýsku úrvalsdeildinni í handbolta sem er að flestum talin vera sú sterkasta og sú erfiðasta í heimi. Guðjón Valur skoraði alls 2105 mörk í 459 leikjum í þýsku deildinni fyrir TuSEM Essen, VfL Gummersbach, Rhein-Neckar Löwen og THW Kiel. Guðjón Valur varð alls sjö sinnum landsmeistari, fyrst með AG Kaupmannahöfn í Danmörku 2012 en svo tvisvar þýskur meistari með Kiel (2013, 2014), tvisvar spænskur meistari með Barcelona (2015, 2016), þýskur meistari með Rhein-Neckar Löwen (2017) og loks franskur meistari með Paris Saint-Germain (2020). Guðjón Valur vann einnig Meistaradeildina með Barcelona (2015) og EHF-bikarinn með TUSEM Essen (2005). View this post on Instagram Jæja, það er komið að þeim tímapunkti sem allt íþróttafólk nær á sínum ferli. Eftir 25 ár í meistaraflokki og 21 ár í landsliðinu er loksins kominn tími á að skórnir fari á hilluna. Á svona tímamótum langar mig að þakka öllum sem hafa stutt við bakið á mér í gegnum súrt og sætt. Samherjum, þjálfurum, læknum, sjúkraþjálfurum, liðsstjórum, stuðningsmönnum og öllum hinum, líka mótherjum. Síðast en ekki síst langar mig að þakka fjölskyldu minni fyrir ómetanlegan stuðning og þá sérstaklega konunni minni og börnunum. Þóra, Ína, Jóna og Jason, þið hafið gert það þess virði að standa í þessu í öll þessi ár. Handboltinn hefur opnað mér heim sem fáum auðnast og ég hefði aldrei ímyndað mér að ég ætti eftir að upplifa þegar ég var ungur gutti í Gróttu. Það sem eftir lifir eru minningarnar, bæði þær sætu og þær sáru, og fólkið sem ég hef kynnst á leiðinni. Takk fyrir mig, Guðjón Valur Well, it s come to that time in my career that all athletes reach eventually. After 25 years at the senior level and 21 years in the national team, I ve decided to retire. At this point in my life I would like to thank all of those who have stood by me through thick and thin. Teammates, coaches, doctors, physios, team managers, supporters and all the others, including opponents. Last but not least I would like to thank my family, especially my wife and children. Þóra, Ína, Jóna and Jason, you have made this all worthwhile all these years. Handball has opened a world to me few have had the privilege to experience. What remains are the memories, the sweet and the sour, and the people I ve met along the way. Takk, Guðjón Valur A post shared by Gudjon Valur Sigurdsson (@gudjonvalur9) on Apr 29, 2020 at 3:28am PDT Handbolti Tímamót KA Mest lesið Grunur um nauðgun á heimili Schumachers Formúla 1 Vildi ekki að börnin sín myndu alast upp í Englandi Enski boltinn Þrír markverðir valdir en enginn Bjarki Már Handbolti Sigurbjörn hættur: „Árangurinn hefur verið stórkostlegur“ Sport Eina árið sem KR féll: Stjörnustríð, Elvis kvaddi og SÁÁ komið á fót Íslenski boltinn Vann Littler og keppir á HM í fyrsta sinn Sport Zaha segir ásakanir Mateta ógeðslegar Enski boltinn Sjáðu bestu mörkin úr leikjum Liverpool og Man. Utd Enski boltinn Potter á að töfra Svía inn á HM Fótbolti Báru saman lið Rikka G og Egils Ploder í Fantasýn: „Rikka gengur aðeins betur“ Enski boltinn Fleiri fréttir Gott kvöld fyrir Stiven og félaga Þrír markverðir valdir en enginn Bjarki Már Haukar einir á toppnum og HK á hraðri leið upp töfluna Tíu marka kvöld hjá Orra í Meistaradeildinni KA-menn fögnuðu fjórða sigrinum í röð og nú á móti Val Ekki góð ferð til Lemgo hjá Hauki og félögum Meira harpix á milli Íslands, Færeyja og Grænlands Gæti misst af HM ef hún fær ekki vegabréf fyrir nýfædda dóttur sína Fórnaði frægasta hári handboltans Portúgalarnir í skýjunum yfir gestrisni Framara Hafa unnið 31 af síðustu 33 leikjum í deild og Meistaradeild „Mér finnst þetta bara ömurlegt“ Varnaræfingar bitnuðu á sóknarleiknum Ísland - Færeyjar 22-24 | Þungt kvöld í Úlfarsárdal Viktor Gísli í sigurliði í Meistaradeildinni Magdeburg hélt sigurgöngunni áfram í Meistaradeildinni „Við skulum ekki tala mikið um það“ Nefndin svaf á verðinum og Ívar Logi slapp eftir „hræðilegt“ brot Eins í íþróttum og jarðgöngum Hæstánægð þrátt fyrir krefjandi áskoranir utan vallar Uppgjörið: Fram - Porto 26-38 | Vel studdur Þorsteinn fer glaður til Portúgals „Allt þetta fólk sem kemur að þessu á þvílíkan heiður skilinn“ Donni öflugur í sigri á Spáni Íslendingar í Evrópudeild: Óðinn raðaði inn mörkum í Sviss „Þá geta menn alveg eins verið heima í stofu í Playstation“ Snýr aftur í landsliðið eftir að hafa fengið blóðtappa í heila og farið í hjartaaðgerð Langþráður sigur FH fyrir austan fjall Daníel meiddist við myndbandsgerð fyrir HSÍ Haukar skelltu ÍBV í Eyjum Íslensku strákarnir klikkuðu ekki á skoti í stórsigri Sjá meira
Guðjón Valur Sigurðsson hefur spilaði sinn síðasta handboltaleik en hann hefur tekið þá ákvörðun að hætta að spila en síðasta tímabilið hans var með franska stórliðinu Paris Saint Germain. Guðjón Valur hefur spilað lengur en flestir því hann verður 41 árs í haust. Hann fór út í atvinnumennsku árið 2001 og spilaði því í nítján ár sem atvinnumaður. Guðjón Valur er markahæsti landsliðsmaður Íslands frá upphafi og enginn hefur tekið þátt í fleiri stórmótum fyrir Íslands hönd. Fyrsti landsleikur hans var árið 1999 og Guðjón spilaði því með íslenska landsliðnu á þremur mismunandi áratugum. Guðjón Valur skoraði alls 1879 mörk í 365 landsleikjum og á heimsmetið yfir flest mörk fyrir landslið. Hann er líka markahæsti leikmaður EM frá upphafi og varð markakóngur á HM í Þýskalandi 2007. Guðjón Valur tók alls þátt í 22 stórmótum fyrir Íslands hönd og skoraði þar 701 mark í 138 leikjum sem er að sjálfsögðu allt met. Guðjón Valur var með á ellefu Evrópumótum, átta heimsmeistaramótum og þremur Ólympíuleikum. Guðjón Valur var í silfurliði Íslands á ÓL í Peking 2008 sem og í bronsliðinu á EM í Austurríki 2010. Guðjón Valur var þrisvar sinnum valinn í úrvalsliðið á stórmóti eða á Ólympíuleikunum í Peking og svo á Evrópumótunum 2012 og 2014. Guðjón Valur hóf ferill sinn hjá Gróttu og spilaði síðan með KA áður en hann fór út í atvinnumennsku í Þýskalandi. Guðjón Valur hefur síðan spilað með mörgum af stærstu klúbbum heims eins og Kiel, Rhein Neckar Löwen, Barcelona og nú síðast Paris Saint Germain. „Handboltinn hefur opnað mér heim sem fáum auðnast og ég hefði aldrei ímyndað mér að ég ætti eftir að upplifa þegar ég var ungur gutti í Gróttu. Það sem eftir lifir eru minningarnar, bæði þær sætu og þær sáru, og fólkið sem ég hef kynnst á leiðinni. Takk fyrir mig,“ skrifaði Guðjón Valur meðal annars í færslu sinni sem er bæði á íslensku og á ensku. Guðjón Valur er enn af þeim fáu leikmönnum sem hafa náð því að skora yfir tvö þúsund mörk í þýsku úrvalsdeildinni í handbolta sem er að flestum talin vera sú sterkasta og sú erfiðasta í heimi. Guðjón Valur skoraði alls 2105 mörk í 459 leikjum í þýsku deildinni fyrir TuSEM Essen, VfL Gummersbach, Rhein-Neckar Löwen og THW Kiel. Guðjón Valur varð alls sjö sinnum landsmeistari, fyrst með AG Kaupmannahöfn í Danmörku 2012 en svo tvisvar þýskur meistari með Kiel (2013, 2014), tvisvar spænskur meistari með Barcelona (2015, 2016), þýskur meistari með Rhein-Neckar Löwen (2017) og loks franskur meistari með Paris Saint-Germain (2020). Guðjón Valur vann einnig Meistaradeildina með Barcelona (2015) og EHF-bikarinn með TUSEM Essen (2005). View this post on Instagram Jæja, það er komið að þeim tímapunkti sem allt íþróttafólk nær á sínum ferli. Eftir 25 ár í meistaraflokki og 21 ár í landsliðinu er loksins kominn tími á að skórnir fari á hilluna. Á svona tímamótum langar mig að þakka öllum sem hafa stutt við bakið á mér í gegnum súrt og sætt. Samherjum, þjálfurum, læknum, sjúkraþjálfurum, liðsstjórum, stuðningsmönnum og öllum hinum, líka mótherjum. Síðast en ekki síst langar mig að þakka fjölskyldu minni fyrir ómetanlegan stuðning og þá sérstaklega konunni minni og börnunum. Þóra, Ína, Jóna og Jason, þið hafið gert það þess virði að standa í þessu í öll þessi ár. Handboltinn hefur opnað mér heim sem fáum auðnast og ég hefði aldrei ímyndað mér að ég ætti eftir að upplifa þegar ég var ungur gutti í Gróttu. Það sem eftir lifir eru minningarnar, bæði þær sætu og þær sáru, og fólkið sem ég hef kynnst á leiðinni. Takk fyrir mig, Guðjón Valur Well, it s come to that time in my career that all athletes reach eventually. After 25 years at the senior level and 21 years in the national team, I ve decided to retire. At this point in my life I would like to thank all of those who have stood by me through thick and thin. Teammates, coaches, doctors, physios, team managers, supporters and all the others, including opponents. Last but not least I would like to thank my family, especially my wife and children. Þóra, Ína, Jóna and Jason, you have made this all worthwhile all these years. Handball has opened a world to me few have had the privilege to experience. What remains are the memories, the sweet and the sour, and the people I ve met along the way. Takk, Guðjón Valur A post shared by Gudjon Valur Sigurdsson (@gudjonvalur9) on Apr 29, 2020 at 3:28am PDT
Handbolti Tímamót KA Mest lesið Grunur um nauðgun á heimili Schumachers Formúla 1 Vildi ekki að börnin sín myndu alast upp í Englandi Enski boltinn Þrír markverðir valdir en enginn Bjarki Már Handbolti Sigurbjörn hættur: „Árangurinn hefur verið stórkostlegur“ Sport Eina árið sem KR féll: Stjörnustríð, Elvis kvaddi og SÁÁ komið á fót Íslenski boltinn Vann Littler og keppir á HM í fyrsta sinn Sport Zaha segir ásakanir Mateta ógeðslegar Enski boltinn Sjáðu bestu mörkin úr leikjum Liverpool og Man. Utd Enski boltinn Potter á að töfra Svía inn á HM Fótbolti Báru saman lið Rikka G og Egils Ploder í Fantasýn: „Rikka gengur aðeins betur“ Enski boltinn Fleiri fréttir Gott kvöld fyrir Stiven og félaga Þrír markverðir valdir en enginn Bjarki Már Haukar einir á toppnum og HK á hraðri leið upp töfluna Tíu marka kvöld hjá Orra í Meistaradeildinni KA-menn fögnuðu fjórða sigrinum í röð og nú á móti Val Ekki góð ferð til Lemgo hjá Hauki og félögum Meira harpix á milli Íslands, Færeyja og Grænlands Gæti misst af HM ef hún fær ekki vegabréf fyrir nýfædda dóttur sína Fórnaði frægasta hári handboltans Portúgalarnir í skýjunum yfir gestrisni Framara Hafa unnið 31 af síðustu 33 leikjum í deild og Meistaradeild „Mér finnst þetta bara ömurlegt“ Varnaræfingar bitnuðu á sóknarleiknum Ísland - Færeyjar 22-24 | Þungt kvöld í Úlfarsárdal Viktor Gísli í sigurliði í Meistaradeildinni Magdeburg hélt sigurgöngunni áfram í Meistaradeildinni „Við skulum ekki tala mikið um það“ Nefndin svaf á verðinum og Ívar Logi slapp eftir „hræðilegt“ brot Eins í íþróttum og jarðgöngum Hæstánægð þrátt fyrir krefjandi áskoranir utan vallar Uppgjörið: Fram - Porto 26-38 | Vel studdur Þorsteinn fer glaður til Portúgals „Allt þetta fólk sem kemur að þessu á þvílíkan heiður skilinn“ Donni öflugur í sigri á Spáni Íslendingar í Evrópudeild: Óðinn raðaði inn mörkum í Sviss „Þá geta menn alveg eins verið heima í stofu í Playstation“ Snýr aftur í landsliðið eftir að hafa fengið blóðtappa í heila og farið í hjartaaðgerð Langþráður sigur FH fyrir austan fjall Daníel meiddist við myndbandsgerð fyrir HSÍ Haukar skelltu ÍBV í Eyjum Íslensku strákarnir klikkuðu ekki á skoti í stórsigri Sjá meira