Í efsta sæti gæðakönnunar

Hyundai Getz var í efsta sæti gæðakönnunar breska neytendablaðsins Which nýlega en hann var laus við bilanir þá tólf mánuði sem könnunin náði yfir. Fyrsta sætinu deildi Getz með Mazda 323, MG ZT/ZT-T, Toyota Corolla og Toyota Corolla Verso en allir þessir bílar reyndust líkt og Getz áreiðanlegastir með enga bilun. Könnunin sem er árlegur liður hjá Which fór fram í janúar síðastliðnum og var spurningalisti sendur út til átta hundruð manna úrtaks úr hópi áskrifenda blaðsins. Af þeim skiluðu sér 34.277 svör sem náðu til 150 mismunandi bílgerða og voru þær elstu allt að átta ára gamlar. Spurt var um bilanir í þremur mismunandi liðum sem skiptust í óökufærni, galla og umkvartanir. Niðurstöðurnar sýna hlutfall allra tveggja ára bíla og yngri sem voru án bilana síðustu tólf mánuði.