Guðmundur Ágúst Kristjánsson endaði í 13. sæti Open de Bretagne mótsins í golfi sem er hluti af Áskorendamótaröð Evrópu. Birgir Leifur Hafþórsson varð í 31. sæti.
Þeir Guðmundur Ágúst og Birgir Leifur höfðu verið jafnir allt mótið en það breyttist í dag þegar Guðmundur Ágúst spilaði heldur betri hring heldur en Birgir Leifur.
Guðmundur byrjaði hringinn ekki sérlega vel, fékk einn fugl en þrjá skolla á fyrstu fimm holunum. Hann fékk fugl á sjöundu holu og kláraði fyrri níu því á einu höggi yfir pari. Seinni níu holurnar fóru heldur betur, þá sló Guðmundur fyrir þremur fuglum og var skollalaus.
Samtals spilaði hann því hringinn í dag á tveimur höggum undir pari sem skilaði honum á fjögur högg undir par í mótinu.
Birgir Leifur byrjaði líka illa í dag og fékk hann þrjá skolla á fyrstu níu holunum. Fyrsti og eini fugl hrings Birgis Leifs kom á 13. holu og kláraði hann hringinn á tveimur höggum yfir pari. Það þýddi að hann endar mótið á pari eftir fjóra hringi.
Allir kylfingar hafa lokið leik á mótinu og klárði Guðmundur Ágúst í 13. - 19. sæti. Birgir Leifur þurfti að sætta sig við 31. - 33. sæti.
Sigurvegari mótsins var Þjóðverjinn Sebastian Heisele, hann spilaði hringina fjóra á þrettán höggum undir pari.
Guðmundur endaði þrettándi í Frakklandi
Ástrós Ýr Eggertsdóttir skrifar

Mest lesið


Álftnesingar krækja í lykilmann Keflavíkur
Körfubolti

Kæra Coote vegna ummæla sinna um Jürgen Klopp
Enski boltinn

„Ég á erfitt með að trúa þessu upp á hreinræktaðan Árbæing“
Íslenski boltinn

Giftu sig í miðju hlaupi
Sport





Versta staða Fylkismanna í næstum því fjörutíu ár
Íslenski boltinn