Stjórnmálaleiðtogi út úr skápnum

Leiðtogi Frjálslynda demókrataflokksins í Þýskalandi, Guido Westerwelle, kom út úr skápnum í viðtali við tímaritið Der Spiegel í dag. Westerwelle hefur tekið þátt í fjölda samkoma undanfarnar vikur þar sem hann hefur lagt áherslu á aukin réttindi samkynhneigðra para í þjóðfélaginu. Hann hefur t.a.m. talað fyrir rétti þeirra til að ættleiða börn og að samkynhneigðir njóti sömu kjara í skattamálum og gagnkynhneigð pör í Þýskalandi. Westerwelle hefur ferðast á milli samkomanna með ónefndum karlmanni og höfðu vangaveltur um gagnkynhneigð stjórnmálaleiðtogans því vaknað. Hann tók svo af allan vafa í viðtalinu í Der Spiegel. Borgarstjóri Berlínar, Klaus Wowereit, varð einn vinsælasti stjórnmálamaður Þýskalands þegar hann viðurkenndi samkynhneigð sína rétt fyrir borgarstjórnarkosningarnar sem hann svo vann.