Lundinn finnur griðland í Flatey á Skjálfanda

Lundinn virðist vera búinn að finna sér griðland norður í Flatey á Skjálfandaflóa, samkvæmt rannsóknum Náttúrustofu Norðausturlands.

Fyrir 25 árum voru þar aðeins örfá pör en í sumar voru pörin orðin átta þúsund. Lunda fjölgar víðar norðaustanlands sem bendir til þess að fæðuskilyrði fari batnandi á svæðinu, gagnstætt því sem hefur gerst suðvestanlands.

Stærsta lundabyggðinn á þessum slóðum er í Lágey og þar hefur fjölgað um tíu þúsund pör á undanförnum tveimur áratugum. Eftir sem áður er langmest af lunda í Vestmannaeyjum og í Breiðafirði.