Myndin er ekki af Maddý

Ljósmyndin sem farið hefur eins og eldur í sinu um heimsbyggðina er ekki af Madeleine McCann eins og sumir hafa haldið fram. Fréttastofa Sky sjónvarpsstöðvarinnar segist hafa heimildir fyrir því að stúlkan á myndinni sé frá Marokkó.

Fréttir þessa efnis frá Marokkó hafa enn ekki verið staðfestar en fréttamaður frá Sky á svæðinu segir að stúlkan sé sennilega bóndadóttir. Hann sagði hana vera töluvert líka Madeleine McCann sem hvarf af hótelherbergi í Portúgal í maí.

Myndin af stúlkunni var tekin af spænskum ferðamanni í síðasta mánuði.