Innlent

Erill hjá lögreglu vegna vímuefnaaksturs

Sylvía Hall skrifar
Tvær líkamsárásir voru tilkynntar í gær og í nótt.
Tvær líkamsárásir voru tilkynntar í gær og í nótt. Vísir

Lögregla sinnti í það minnsta sex útköllum frá klukkan 15 í gær þar til klukkan 5 í morgun vegna vímuefnaaksturs á höfuðborgarsvæðinu, en ökumennirnir voru undir áhrifum áfengis eða fíkniefna. Þá var tilkynnt um innbrot í bifreið síðdegis í gær.

Þetta kemur fram í dagbók lögreglunnar á höfuðborgarsvæðinu.

Tvær líkamsárásir voru tilkynntar frá klukkan 15 í gær, sú fyrri á fimmta tímanum í gær og seinni á ellefta tímanum í gærkvöldi. Meintir árásarmenn voru handteknir í bæði skiptin.

Í tvígang var tilkynnt um þjófnað úr verslun, í fyrra skiptið skömmu fyrir átta í gærkvöldi þar sem einstaklingur hafði verið staðinn að þjófnaði í verslun í vesturbæ Reykjavíkur. Í seinna skiptið var tilkynnt um þjófnað í matvöruverslun á þriðja tímanum í nótt.

Rétt eftir klukkan tíu í gærkvöld var lögregla kölluð til vegna einstaklings sem hafði verið að spreyja á húsvegg í miðbæ Reykjavíkur.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×