Ríkisstjórnin ætlast til að bankarnir standi með fyrirtækjum í vanda Heimir Már Pétursson skrifar 23. mars 2020 16:39 Vegna kórónuveirunnar eru þingmenn hvattir til að vera eins lítið í þingsal og hægt er og fylgjast með umræðum annars staðar frá og að þingflokkar velji sér talsmenn í einstökum málum. Vísir/Frikki Fjármálaráðherra segir stjórnvöld ætlast til þess að viðskiptabankarnir standi með þeim fyrirtækjum sem væru í miklum vanda vegna tekjufalls. Þá komi til greina að skoða leiðir til að létta á gjalddögum vegna skila á virðisaukaskatti. Bjarni Benediktsson fjármálaráðherra mælti fyrir tveimur frumvörpum á Alþingi í dag. Annars vegar frumvarpi um aðgerðir til að mæta efnahagslegum áhrifum í kjölfar heimsfaraldur kórónuveiru sem kynntar hafa verið og hins vegar frumvarpi um fjáraukalög þessa árs. Í síðarnefnda frumvarpinu er gert ráð fyrir um tuttugu milljarða útgjaldaauka á þessu ári. Bjarni Benediktsson, fjármála- og efnahagsráðherra.Vísir/vilhelm Í aðgerðafrumvarpinu (bandorminum) er gert ráð fyrir breytingum á ýmsum lögum um skatta og gjöld og fleira. Bjarni sagði kórónufaraldurinn hafa mikil áhrif á afkomu fyrirtækja og heimila og einnig ríkissjóðs. Oddný G. Harðardóttir þingflokksformaður Samfylkingarinnar sagðist telja þær aðgerðir sem Alþingi hefði þegar samþykkt til að mynda um bætur á móti skertu starfshlutfalli og laun í sóttkví skipta gríðarlega miklu máli. Oddný G. Harðardóttir hefur áhyggjur af atvinnuleysinu.Vísir/Vilhelm „En þær eru almennar og þær eru tímabundnar. Ég hef áhyggjur af fyrirtækjum sem eru í algjöru frosti og hafa fyrir þennan skell sagt upp fólki. Ég hef áhyggjur af sveitarfélögum sem þetta ástand bitnar sérstaklega á,“ sagði Oddný. Atvinnuleysi á Suðurnesjum væri til að mynda komið í 11% og spurði hún hvort til greina kæmi að hækka atvinnuleysisbætur. Fyrirtæki hvött til að færa launakostnað á ríkið Fjármálaráðherra minnti á að ríkisstjórnin hefði hækkað atvinnuleysisbætur um tæp tuttugu prósent fyrir tæpum tveimur árum í einu skrefi. Aðgerðir stjórnvalda nú miðuðu að því að sporna gegn auknu atvinnuleysi. „Við erum beinlínis að hvetja fyrirtæki til að lækka starfshlutfall og að ríkissjóður taki á sig launakostnaðinn.,“ sagði Bjarni. Þetta væru stórtækustu aðgerðir til að forða atvinnuleysi og styðja við fólk sem ella hefði lent á atvinnuleysisskrá sem nokkru sinni hafi verið ráðist í. Stjórnvöld ætluðst til að bankarnir stæðu með þeim fyrirtækjum sem væru í miklum vanda vegna tekjufalls en hafi staðið í skilum árum eða jafnvel áratugum saman. „Við gerum sömuleiðis ráð fyrir því að eigendur, þar sem það getur átt við, styðji við sín félög. Ríkið er hér að koma með mjög stórt innlegg. Það er mikilvægt að við fáum skýr svör frá viðskiptabönkunum um með hvaða hætti þeir ætli að stíga inn í þessa mynd. Sveitarfélögin hafa sömuleiðis hlutverki að gegna,“ sagði Bjarni. Svo yrði að meta á næstu mánuðum hvort nægjanlega hafi verið að gert. Birgir Þórarinsson spyr um hlutverk bankanna.visir/vilhelm Bankarnir nýti svigrúm sitt til aðstoða fyrirtæki og heimili Birgir Þórarinsson þingmaður Miðflokksins sagði að verið væri að gefa mikið eftir gagnvart bönkunum með niðurfellingu bankaskattsins og spurði fjármálaráðherra hvernig ætti að tryggja að bankarnir kæmu að aðgerðum óháð eignarhaldi þeirra. Fjármálaráðherra sagði ljóst að eiginfjárstaða bankanna væri gríðarlega sterk sögulega og í alþjóðlegum samanburði meðal annars vegna kröfu stjórnvalda um hátt eiginfjárhlutfall þegar betur áraði. „Þannig að nú er svigrúm til að losa aðeins um ólarnar sem eftirlitið hefur á fjármálakerfinu, leyfa þeim að hreyfa sig meira og láta þetta eiginfé fara í vinnslu.,“ sagði Bjarni. Þorsteinn Víglundsson varaformaður Viðreisnar spurði fjármálaráðherra hvers vegna virðisaukaskatturinn hafi verið undanskilinn varðandi mögulegan greiðslufrest á opinberum gjöldum í aðgerðum ríkisstjórnarinnar. Stjórn og stjórnarandstaðan ræða efnahagsaðgerðir ríkisstjórnarinnar vegna kórónufaraldurinsFoto: Vilhelm Gunnarsson/Vilhelm Gunnarsson „Það er alveg ljóst að greiðsluflæðið í atvinnulífinu er einfaldlega að þorna upp á næstu vikum og mánuðum. Þess vegna er mjög mikilvægt að ríkið sem er í stöðunni til þess taki aðeins áhættuna með atvinnulífinu okkar. Því á endanum snýst þetta um að taka áhættuna með atvinnulífinu til að vernda störf,“ sagði Þorsteinn. Hann spurði hvort það hefði því ekki verið skynsamlegra að kveða á um almenna greiðslufresti á opinberum gjöldum á næstu þremur mánuðum. Stjórnvöld skoða tilhliðranir með virðisaukaskattinn Bjarni sagði stjórnvöld vera að skoða virðisaukaskattinn og væntanlega þá að horfa til gjalddaga hinn 5. apríl næst komandi. Virðisaukaskatturinn væri sérstakur að því leyti að fyrirtækin væru í hlutverki innheimtumanns hans fyrir ríkissjóð. „En ég hef óskað eftir því sérstaklega að við skoðum með hvaða hætti væri hægt að liðka fyrir fyrirtækjum sem eru í lausafjárskorti og greiðslufrestir vegna virðisaukaskatts gætu hjálpað við þessar aðstæður,“ sagði fjármálaráðherra. Það kæmi vel til greina að stíga frekari skref varðandi virðisaukaskattinn. Stjórnarandstöðuflokkarnir ítrekuðu allir að náið samráð yrði haft við þá um næstu skref og nýjar aðgerðir. Fyrstu umræðu um aðgerðafrumvarpið, fjáraukalög þessa árs, breytingar á sveitarstjórnarlögum til að auka svigrúm þeirra og frumvarp um borgaralega skyldu fólks í almannavörnum lauk skömmu fyrir klukkan fjögur og eru þau mál því öll komin til nefnda. Næsti þingfundur hefur verið boðaður klukkan 13:30 á morgun. Alþingi Vinnumarkaður Íslenskir bankar Ríkisstjórn Katrínar Jakobsdóttur Mest lesið Hafnaði hermönnum Trump: „Fullveldið er ekki til sölu“ Erlent Fjórtán börn handtekin eftir að drengur lést í eldsvoða Erlent Segist hafa skipað hæfasta fólkið þvert á athugasemdir verkfræðinga Innlent „Maður skyldi ætla að það þurfi tiltekið siðferði til að starfa í lögreglunni“ Innlent Ekki nein þörf á notkun kjarnorkuvopna og vonar að svo verði ekki Erlent Afstýrðu sprengjutilræði á tveggja milljóna manna tónleikum Lady Gaga Erlent Föður rafmyntajöfurs rænt og skorinn af honum fingur Erlent Býður upp á sögugöngu um svæðið sem hún vill vernda Innlent Vakinn af „ölvunarsvefni“ inni á baði og brást ókvæða við Innlent Til marks um „skringilega“ skautun víða um heim Erlent Fleiri fréttir Brottfararstöð fyrir hælisleitendur og fasteignamarkaður í ójafnvægi Óvenjulítill snjór á hálendinu auki rýrnun jökla í sumar Segist hafa skipað hæfasta fólkið þvert á athugasemdir verkfræðinga Bæjarstjóri Ölfus biðlar til ríkisins vegna Garðyrkjuskólans „Maður skyldi ætla að það þurfi tiltekið siðferði til að starfa í lögreglunni“ Snjólaust á fjöllum og Garðyrkjuskólinn grútnar niður Njósnamálið, hræringar í evrópskum stjórnmálum og fjárhagur borgarinnar Eldur í bíl við fjölbýlishús í Urriðaholti Vakinn af „ölvunarsvefni“ inni á baði og brást ókvæða við Býður upp á sögugöngu um svæðið sem hún vill vernda Sex ára framtíðar sauðfjárbóndi á Rangárvöllum Samfylkingin bætir við sig og sauðburður á fullu Sinueldur við Landvegamót Sigldi ölvaður utan í annan bát og endaði í grjótgarði Kvartöld liðin frá jarðskjálftunum 17. júní á Suðurlandi Samfylkingin með 29 prósenta fylgi „Þetta hefur verið sorgleg þróun“ Mörg hundruð óseldar fasteignir og sótt í sund Rykið dustað af sólbekkjunum Nágrannaerjur, grjótkast og „víðáttuölvuðum“ veitt eftirför Nýtt 44 herbergja hjúkrunarheimili byggt í Hveragerði „Þetta er vítahringur sem endurtekur sig í sífellu!“ Öskrandi reiður í vandræðum með að leigja rafskútu Glussakerfið ónýtt eftir brunann Hefur áhyggjur af arftaka sínum Sér fram á bjarta framtíð fyrir börnin þökk sé styrknum Umtöluð frelsissvipting og stórslösuð sjónvarpsstjarna Búið að innsigla Kastrup: „Góður að taka á móti fólki en ömurlegur í tölvupóstum“ Tifandi tímasprengjan sem grunuð er um frelsissviptingu „Ekki bara rekinn heldur á staðnum og fyrirvaralaust“ Sjá meira
Fjármálaráðherra segir stjórnvöld ætlast til þess að viðskiptabankarnir standi með þeim fyrirtækjum sem væru í miklum vanda vegna tekjufalls. Þá komi til greina að skoða leiðir til að létta á gjalddögum vegna skila á virðisaukaskatti. Bjarni Benediktsson fjármálaráðherra mælti fyrir tveimur frumvörpum á Alþingi í dag. Annars vegar frumvarpi um aðgerðir til að mæta efnahagslegum áhrifum í kjölfar heimsfaraldur kórónuveiru sem kynntar hafa verið og hins vegar frumvarpi um fjáraukalög þessa árs. Í síðarnefnda frumvarpinu er gert ráð fyrir um tuttugu milljarða útgjaldaauka á þessu ári. Bjarni Benediktsson, fjármála- og efnahagsráðherra.Vísir/vilhelm Í aðgerðafrumvarpinu (bandorminum) er gert ráð fyrir breytingum á ýmsum lögum um skatta og gjöld og fleira. Bjarni sagði kórónufaraldurinn hafa mikil áhrif á afkomu fyrirtækja og heimila og einnig ríkissjóðs. Oddný G. Harðardóttir þingflokksformaður Samfylkingarinnar sagðist telja þær aðgerðir sem Alþingi hefði þegar samþykkt til að mynda um bætur á móti skertu starfshlutfalli og laun í sóttkví skipta gríðarlega miklu máli. Oddný G. Harðardóttir hefur áhyggjur af atvinnuleysinu.Vísir/Vilhelm „En þær eru almennar og þær eru tímabundnar. Ég hef áhyggjur af fyrirtækjum sem eru í algjöru frosti og hafa fyrir þennan skell sagt upp fólki. Ég hef áhyggjur af sveitarfélögum sem þetta ástand bitnar sérstaklega á,“ sagði Oddný. Atvinnuleysi á Suðurnesjum væri til að mynda komið í 11% og spurði hún hvort til greina kæmi að hækka atvinnuleysisbætur. Fyrirtæki hvött til að færa launakostnað á ríkið Fjármálaráðherra minnti á að ríkisstjórnin hefði hækkað atvinnuleysisbætur um tæp tuttugu prósent fyrir tæpum tveimur árum í einu skrefi. Aðgerðir stjórnvalda nú miðuðu að því að sporna gegn auknu atvinnuleysi. „Við erum beinlínis að hvetja fyrirtæki til að lækka starfshlutfall og að ríkissjóður taki á sig launakostnaðinn.,“ sagði Bjarni. Þetta væru stórtækustu aðgerðir til að forða atvinnuleysi og styðja við fólk sem ella hefði lent á atvinnuleysisskrá sem nokkru sinni hafi verið ráðist í. Stjórnvöld ætluðst til að bankarnir stæðu með þeim fyrirtækjum sem væru í miklum vanda vegna tekjufalls en hafi staðið í skilum árum eða jafnvel áratugum saman. „Við gerum sömuleiðis ráð fyrir því að eigendur, þar sem það getur átt við, styðji við sín félög. Ríkið er hér að koma með mjög stórt innlegg. Það er mikilvægt að við fáum skýr svör frá viðskiptabönkunum um með hvaða hætti þeir ætli að stíga inn í þessa mynd. Sveitarfélögin hafa sömuleiðis hlutverki að gegna,“ sagði Bjarni. Svo yrði að meta á næstu mánuðum hvort nægjanlega hafi verið að gert. Birgir Þórarinsson spyr um hlutverk bankanna.visir/vilhelm Bankarnir nýti svigrúm sitt til aðstoða fyrirtæki og heimili Birgir Þórarinsson þingmaður Miðflokksins sagði að verið væri að gefa mikið eftir gagnvart bönkunum með niðurfellingu bankaskattsins og spurði fjármálaráðherra hvernig ætti að tryggja að bankarnir kæmu að aðgerðum óháð eignarhaldi þeirra. Fjármálaráðherra sagði ljóst að eiginfjárstaða bankanna væri gríðarlega sterk sögulega og í alþjóðlegum samanburði meðal annars vegna kröfu stjórnvalda um hátt eiginfjárhlutfall þegar betur áraði. „Þannig að nú er svigrúm til að losa aðeins um ólarnar sem eftirlitið hefur á fjármálakerfinu, leyfa þeim að hreyfa sig meira og láta þetta eiginfé fara í vinnslu.,“ sagði Bjarni. Þorsteinn Víglundsson varaformaður Viðreisnar spurði fjármálaráðherra hvers vegna virðisaukaskatturinn hafi verið undanskilinn varðandi mögulegan greiðslufrest á opinberum gjöldum í aðgerðum ríkisstjórnarinnar. Stjórn og stjórnarandstaðan ræða efnahagsaðgerðir ríkisstjórnarinnar vegna kórónufaraldurinsFoto: Vilhelm Gunnarsson/Vilhelm Gunnarsson „Það er alveg ljóst að greiðsluflæðið í atvinnulífinu er einfaldlega að þorna upp á næstu vikum og mánuðum. Þess vegna er mjög mikilvægt að ríkið sem er í stöðunni til þess taki aðeins áhættuna með atvinnulífinu okkar. Því á endanum snýst þetta um að taka áhættuna með atvinnulífinu til að vernda störf,“ sagði Þorsteinn. Hann spurði hvort það hefði því ekki verið skynsamlegra að kveða á um almenna greiðslufresti á opinberum gjöldum á næstu þremur mánuðum. Stjórnvöld skoða tilhliðranir með virðisaukaskattinn Bjarni sagði stjórnvöld vera að skoða virðisaukaskattinn og væntanlega þá að horfa til gjalddaga hinn 5. apríl næst komandi. Virðisaukaskatturinn væri sérstakur að því leyti að fyrirtækin væru í hlutverki innheimtumanns hans fyrir ríkissjóð. „En ég hef óskað eftir því sérstaklega að við skoðum með hvaða hætti væri hægt að liðka fyrir fyrirtækjum sem eru í lausafjárskorti og greiðslufrestir vegna virðisaukaskatts gætu hjálpað við þessar aðstæður,“ sagði fjármálaráðherra. Það kæmi vel til greina að stíga frekari skref varðandi virðisaukaskattinn. Stjórnarandstöðuflokkarnir ítrekuðu allir að náið samráð yrði haft við þá um næstu skref og nýjar aðgerðir. Fyrstu umræðu um aðgerðafrumvarpið, fjáraukalög þessa árs, breytingar á sveitarstjórnarlögum til að auka svigrúm þeirra og frumvarp um borgaralega skyldu fólks í almannavörnum lauk skömmu fyrir klukkan fjögur og eru þau mál því öll komin til nefnda. Næsti þingfundur hefur verið boðaður klukkan 13:30 á morgun.
Alþingi Vinnumarkaður Íslenskir bankar Ríkisstjórn Katrínar Jakobsdóttur Mest lesið Hafnaði hermönnum Trump: „Fullveldið er ekki til sölu“ Erlent Fjórtán börn handtekin eftir að drengur lést í eldsvoða Erlent Segist hafa skipað hæfasta fólkið þvert á athugasemdir verkfræðinga Innlent „Maður skyldi ætla að það þurfi tiltekið siðferði til að starfa í lögreglunni“ Innlent Ekki nein þörf á notkun kjarnorkuvopna og vonar að svo verði ekki Erlent Afstýrðu sprengjutilræði á tveggja milljóna manna tónleikum Lady Gaga Erlent Föður rafmyntajöfurs rænt og skorinn af honum fingur Erlent Býður upp á sögugöngu um svæðið sem hún vill vernda Innlent Vakinn af „ölvunarsvefni“ inni á baði og brást ókvæða við Innlent Til marks um „skringilega“ skautun víða um heim Erlent Fleiri fréttir Brottfararstöð fyrir hælisleitendur og fasteignamarkaður í ójafnvægi Óvenjulítill snjór á hálendinu auki rýrnun jökla í sumar Segist hafa skipað hæfasta fólkið þvert á athugasemdir verkfræðinga Bæjarstjóri Ölfus biðlar til ríkisins vegna Garðyrkjuskólans „Maður skyldi ætla að það þurfi tiltekið siðferði til að starfa í lögreglunni“ Snjólaust á fjöllum og Garðyrkjuskólinn grútnar niður Njósnamálið, hræringar í evrópskum stjórnmálum og fjárhagur borgarinnar Eldur í bíl við fjölbýlishús í Urriðaholti Vakinn af „ölvunarsvefni“ inni á baði og brást ókvæða við Býður upp á sögugöngu um svæðið sem hún vill vernda Sex ára framtíðar sauðfjárbóndi á Rangárvöllum Samfylkingin bætir við sig og sauðburður á fullu Sinueldur við Landvegamót Sigldi ölvaður utan í annan bát og endaði í grjótgarði Kvartöld liðin frá jarðskjálftunum 17. júní á Suðurlandi Samfylkingin með 29 prósenta fylgi „Þetta hefur verið sorgleg þróun“ Mörg hundruð óseldar fasteignir og sótt í sund Rykið dustað af sólbekkjunum Nágrannaerjur, grjótkast og „víðáttuölvuðum“ veitt eftirför Nýtt 44 herbergja hjúkrunarheimili byggt í Hveragerði „Þetta er vítahringur sem endurtekur sig í sífellu!“ Öskrandi reiður í vandræðum með að leigja rafskútu Glussakerfið ónýtt eftir brunann Hefur áhyggjur af arftaka sínum Sér fram á bjarta framtíð fyrir börnin þökk sé styrknum Umtöluð frelsissvipting og stórslösuð sjónvarpsstjarna Búið að innsigla Kastrup: „Góður að taka á móti fólki en ömurlegur í tölvupóstum“ Tifandi tímasprengjan sem grunuð er um frelsissviptingu „Ekki bara rekinn heldur á staðnum og fyrirvaralaust“ Sjá meira