Erlent

Nýja af­brigði kórónu­veirunnar komið til Banda­ríkjanna

Gunnar Reynir Valþórsson skrifar
Bólusetningar eru hafnar í Bandaríkjunum en Joe Biden verðandi forseti hefur harðlega gagnrýnt Trump og ríkisstjórn hans fyrir að standa illa að skipulagningu bólusetninga.
Bólusetningar eru hafnar í Bandaríkjunum en Joe Biden verðandi forseti hefur harðlega gagnrýnt Trump og ríkisstjórn hans fyrir að standa illa að skipulagningu bólusetninga. Getty/Paul Hennessy

Hið nýja afbrigði kórónuveirunnar sem gert hefur usla á Bretlandseyjum hefur nú fundist í fyrsta sinn í Bandaríkjunum.

Afbrigðið fannst í tvítugum manni í Colorado sem hefur ekkert ferðast út fyrir landsteinana og því er óljóst hvernig hann smitaðist, að því er breska ríkisútvarpið greinir frá.

Fleiri en nítján milljónir manna hafa nú smitast af veirunni í Bandaríkjunum og rúmlega 337 þúsund manns hafa látið lífið af hennar völdum, fleiri en í nokkru öðru landi.

Nýja afbrigðið virðist vera mun meira smitandi en önnur sem uppgötvast hafa en ekkert bendir til þess að það sé hættulegra eða að bóluefni vinni ekki á því.

Bólusetningar eru hafnar í Bandaríkjunum en Joe Biden verðandi forseti gagnrýndi í gær Donald Trump fráfarandi forseta og ríkisstjórn hans harðlega fyrir að standa sig illa í skipulagningu bólusetninga í landinu.

Til stóð að um áramót væri búið að bólusetja 20 milljónir manna í landinu en þeim hefur aðeins tekist að sprauta rétt rúmar tvær milljónir manna.

Faraldur kórónuveiru (COVID-19) Bandaríkin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið