Innlent

Enginn sé betri en Bjarni í að koma sér úr vandræðum

Tryggvi Páll Tryggvason skrifar
Ríkisstjórnarfundur í Ráðherrabústaðnum
Ríkisstjórnarfundur í Ráðherrabústaðnum Foto: Vilhelm Gunnarsson/Vilhelm Gunnarsson

Baldur Þórhallsson, prófessor í stjórmálafræði við Háskóla Íslands, telur að hér á landi sé enginn stjórnmálamaður betri í að koma sér út úr vandræðum en Bjarni Benediktsson, formaður Sjálfstæðisflokksins.

Þetta kemur fram í greiningu Baldurs á stöðunni sem upp er kominn eftir að Bjarni virti ekki sóttvarnarreglur í Ásmundarsal á Þorláksmessu.

Eigendur staðarins hafa viðurkennt að grímunotkun þar hafi verið ábótavant, þar sem of margir hafi verið samankomnir til að trygga fjarlægðarmörk, auk þess sem að Bjarni hefur sagst sjá mjög eftir því að hafa verið í aðstæðum þar sem sóttvarnarreglur voru ekki hafðar í heiðri.

Ýmsir hafa kallað eftir afsögn Bjarna vegna málsins, sem segist reyndar ekki hafa íhugað að segja af sér embætti.

Ýmsar hefðir sem virðast gilda

Í færslu á Facebook spyr Baldur hvenær ráðherra segi af sér og hvenær ekki, áður en að hann greinir þá stöðu sem upp er kominn og fer yfir þau viðmið sem virðast hafa gilt um afsagnir ráðherra hér á landi.

„Mestu máli skiptir afstaða forystufólks og stofnana flokks ráðherra. Þetta var raunin þegar Sigmundur Davíð og Albert sögðu af sér. Einnig getur afstaða grasrótar flokks skipt miklu eins og í máli Guðmundar Árna,“ skrifar Baldur.

Vísar hann þar í afsögn Sigmundar Davíðs Gunnlaugssonar árið 2016 þar sem hann missti stuðning þingflokks Framsóknarflokksins, afsögn Alberts Guðmundssonar sem iðnaðarráðherra árið 1987 eftir að hafa misst stuðning Þorsteins Pálssonar þáverandi formanns Sjálfstæðisflokksins.

Vísar hann einnig til afsagnar Guðmundar Árna Stefánssonar sem félagsmálaráðherra árið 1994, en Guðmundur Árni sagðist hafa tekið þá ákvörðun eftir að rætt við stuðningsmenn sína.

Kröfur stjórnarandstæðinga skipti engu máli

Þá segir Baldur að skoðun samstarfsflokka í ríkisstjórn geti einnig haft áhrif á afsögn ráðherra og vísar hann þar til afsagnar Sigríðar Andersen árið 2018, auk þess sem að eftirfylgni fjölmiðla auk lögreglurannsóknar, í tilfelli Hönnu Birnu Kristjánsdóttur árið 2014, geti haft áhrif til afsagnar.

Baldur Þórhallsson stjórnmálafræðingur.Kristinn Ingvarsson

Bætir Baldur því að kröfur stjórnarandstöðu til afsagnar virðist ekki hafa nein áhrif.

„Ráðherrar segja heldur ekki af sér þó andstæðingar þeirra kalli eftir afsögn á twitter,“ skrifar Baldur.

Víkur hann þá máli að Sjálfstæðisflokknum, sem Baldur segir að sýni gjarnan mikla þolinmæði þegar einhvers konar krafa komi upp um að ráðherra flokksins segi af sér.

„Það hefur ekki breyst. Þá er líka mikilvægt að halda til haga að sú hefð hefur myndast hér á landi að forsætisráðherra og flokkar skipta sér sjaldnast af ráðherraskipan samstarfsflokka sinna í ríkisstjórn. Þeir standa með fáeinum undantekningum ávalt að baki ráðherrum stjórnarinnar. Í raun má segja að almennt sé litið á annað sem kröfu um stjórnarslit. - En hvað þá með mál Bjarna? Almennt má telja að það muni lúta ofangreindum lögmálum,“ skrifar Baldur.

Bjarni sé líklega í sterkari stöðu innan flokksins

Þá virðist Bjarni, að mati, Baldurs einnig njóta trausts samflokksmanna sinna.

„Hann er líklega í sterkari stöðu innan flokksins í dag en oft áður. Bjarni hefur líka margoft sýnt að enginn stjórnmálamaður á landinu er betri að koma sér út úr vandræðum,“ skrifar Baldur.

Þá metur Baldur stöðuna sem svo að Katrín Jakobsdóttir, formaður VG, og Sigurður Ingi Jóhannsson, formaður Framsóknarflokksins, séu það miklir „reynsluboltar í pólitíkinni“ að samstarfið muni standa af sér þennan „brotsjó“.

Ríkisstjórnin hafi verið mynduð til að tryggja stöðugleika og VG undir stjórn Katrínar muni ekki leika sama leik og Björt framtíð gerði árið 2017 þegar flokkurinn sleit stjórnarsamstarfi við Sjálfstæðisflokkinn og Viðreisn.

„Björt framtíð fór flatt á því að slíta stjórnarsamstarfinu á sínum tíma. Katrín myndaði þessa ríkisstjórn til þess að þannig mál myndu ekki endurtaka sig. - Svo getur fólk haft ólíkar skoðanir á þessum hefðum og vinnubrögðum,“ skrifar Baldur.


Tengdar fréttir

Eig­endurnir segja fjölda­tak­markanir í Ás­mundar­sal ekki hafa verið brotnar

Eigendur Ásmundarsalar segja að reglur um fjöldatakmarkanir eða opnunartíma hafi ekki verið brotnar á Þorláksmessu á sýningu sem fjármálaráðherra sótti. Fjöldi í húsinu hafi ekki farið yfir fimmtíu manns en salurinn hafi leyfi fyrir þeim fjölda. Grímunotkun hafi hins vegar verið ábótavant og því ljóst að mistök hafi verið gerð í að tryggja sóttvarnir.

Píratar vilja minnihlutastjórn VG og Framsóknar og kosningar í vor

Píratar segjast tilbúnir til að styðja minnihluta stjórn Vinstri grænna og Framsóknarflokks gegn því að gengið verði til kosninga í vor. Þeir segjast með þessu vera að rétta fram sáttarhönd í kjölfarið á meintum sóttvarnarbrotum fjármálaráðherra.

Lögregla skoðar misbrest í upplýsingagjöf

Lögreglan á höfuðborgarsvæðinu segir það hafa verið mistök að tilgreina ráðherra í tilkynningu til fjölmiðla á aðfangadag um samkvæmi í Ásmundarsal sem lögregla stöðvaði. 

Málið óheppilegt en mikilvægt að horfa á stóru myndina

Sigurður Ingi Jóhannsson samgönguráðherra segist vonsvikinn yfir því að Bjarni Benediktsson fjármálaráðherra hafi virt sóttvarnarreglur að vettugi. Hins vegar sé bólusetning handan við hornið og því sé mikilvægt að halda í samstöðuna svo hægt sé að komast í gegnum heimsfaraldurinn.

Er­lendir miðlar fjalla um veisluna í Ás­mundar­sal: „Harka­leg gagn­rýni á ís­lenskan ráð­herra“

„Það er ekki bara kuldinn sem hefur látið íslenska fjármála- og efnahagsráðherrann roðna um eyrun.“ Svo hefst frétt danska miðilsins B.T. þar sem fjallað er um veru Bjarna Benediktssonar í fjölmennu samkvæmi á Þorláksmessu sem lögregla leysti upp. „Harkaleg gagnrýni á íslenskan ráðherra: Var gripinn í stóru partýi af lögreglu,“ en svo hljóðar fyrirsögn fréttarinnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.