„Það eru margir sem þurfa að fá smá viðbótar ljós í hversdaginn“ Sylvía Rut Sigfúsdóttir skrifar 17. desember 2020 13:01 Sólveig Kolbrún Pálsdóttir er markaðs- og kynningarstjóri Ljóssins. Áður en hún tók við því starfi hafði hún nýtt sér þjónustu Ljóssins í kjölfar þess að hún greindist með krabbamein. vísir/vilhelm Í kvöld klukkan 19:30 fer fram árlegt aðventukvöld Ljóssins, endurhæfingar- og stuðningsmiðstöðvar fyrir krabbameinsgreinda. Þetta árið fer viðburðurinn fram í streymi á Facebook-síðu Ljóssins og bjóða þau alla landsmenn velkomna. „Tryggvi Rafnsson leikari mun stýra stundinni með sinni einstöku lagni, Selma Björns og Vignir syngja okkur í jólaskap, Beggi Ólafs les úr bók sinni 10 skref í átt að innihaldsríkara lífi, Gerður Kristný les úr nýrri barnabók sinni Iðunn & afi pönk, Bjarni Fritzson les úr nýjustu bók sinni um Orra Óstöðvandi og Kristín Sigurðardóttir les úr bók sinni Blóðrauður sjór. Við vonum að þið takið þátt með okkur heima í þessari hátíðlegu stund.“ Viðburðurinn, sem stendur í um klukkustund, er sniðinn svo að bæði ungir sem aldnir geti notið stundarinnar saman. „Á hverju ári höldum við hátíðlegt kvöld fyrir alla þjónustuþega Ljóssins. Í ljósi aðstæðna í ár getum við ekki tekið á móti fólkinu okkar í hús en vildum ekki hætta við viðburðinn. Við ákváðum því að fá gott fólk með okkur í lið og streyma gleðinni faglega heim til allra á Facebook-síðu Ljóssins. Það gefur okkur einnig tækifæri á að færa þjóðinni allri gleðina heim en við vitum að það eru margir sem þurfa að fá smá viðbótar ljós í hversdaginn“ segir Sólveig Kolbrún Pálsdóttir, markaðs- og kynningarstjóri Ljóssins. Aðventukvöld Ljóssins fer fram í streimi á Facebook klukkan 19:30 í kvöld.Ljósið Umbreyttu þjónustunni Ljósið er endurhæfingar- og stuðningsmiðstöð fyrir einstaklinga sem greinst hafa með krabbamein og aðstandendur þeirra. Í Ljósinu fá einstaklingar þverfaglega endurhæfingu sem gerir þeim kleift að takast á við lífið í breyttum aðstæðum. „Heimsfaraldurinn hefur haft mikil áhrif á starfsemina en við höfum gert allt sem mögulegt er til að halda uppi þjónustustigi og að okkar mati hefur það tekist mjög vel,“ segir Erna Magnúsdóttir forstöðukona Ljóssins í samtali við Vísi. „Í upphafi ársins byrjuðum við að plana heilmikla afmælisdagskrá en í ár er Ljósið 15 ára. Þegar heimsfaraldurinn skall á varð okkur strax ljóst að við yrðum að skipta um gír og í stað allra þessara skemmtilegu viðburða sem stóðu til myndum við setja allan okkar fókus á þá fórum við í að umbreyta þjónustunni okkar. Frá því í mars höfum við innleitt stafrænu lausnina Proency til að meta andlega heilsu, við byrjuðum að veita fjarviðtöl í gegnum Kara Connect, settum rafrænan kynningarfund í loftið og bjóðum nú upp á rafræna skráningu í þjónustu í Ljósið. Í haust færðum við öll fræðslunámskeið í stafrænt form og það hefur gefist vel. Við erum nú með aukna áherslu á að fólkið okkar haldi endurhæfingunni áfram heima og höfum því boðið öllum að ganga í Facebook-hóp sem heitir Ljósið heima en þar er dagskrá með æfingum, pistlum, streymum og fjarfundum í hverri viku. Að auki breyttum við árlegu tímariti Ljóssins, Ljósablaðinu í stafræna útgáfu og nú næst ætlum við að bjóða öllu okkar fólki að njóta aðventugleðinnar okkar heima í gegnum Facebook og auk þess allri þjóðinni að njóta með okkur.“ Enn meiri einangrun Erna segir að þau hafi gert allt til að halda starfseminni gangandi fyrir fólk sem hefur fengið krabbamein og aðstandendur, þó að það sé vissulega með breyttu sniði. „Eins og gefur að skilja er færra fólk að koma í hús á vikulega kynningarfundi og að auki þá gera samkomutakmarkanir það að verkum að við getum ekki tekið á móti fólki með sama hætti og áður. Í upphafi faraldursins voru yfir 500 manns sem sóttu mánaðarlega þjónustu í Ljósið. Rafræn þjónusta hefur tekið við að mörgu leiti en við fundum það vel í sumar, þegar vel gekk að halda faraldrinum í skefjum, að fjöldi koma í hús yfir sumartímann hefur aldrei verið jafn mikill. Þannig takturinn í gegnum faraldurinn er sannarlega breyttur en við erum að gera okkar besta að mæta þörfum okkar þjónustuþega.“ Áhrif útbreiðslu kórónuveirunnar hér á landi hefur haft töluverð áhrif á líðan skjólstæðinga Ljóssins síðustu mánuði. „Heimsfaraldurinn hefur gert það að verkum að margir, sem undir venjulegum kringumstæðum væru að passa upp á sína heilsu sökum ónæmisbælingar og annara ástæðna, þurfa að halda sig í enn meiri einangrun. Þetta hefur auðvitað mikil áhrif á þá aðila og gerir daglegt líf þeirra enn flóknara. Þetta eykur á sama tíma áhyggjur aðstandenda en Ljósið veitir aðstandendum einnig stuðning.“ Ljósið þjónustar þá sem greinast frá 16 ára aldri og sinna einnig fjölskyldumeðlimum en nánari upplýsingar um starfsemina má finna á vefsíðu Ljóssins. Viðburðurinn hefst klukkan 19:30 í kvöld og má finna frekari upplýsingar á Facebook síðu Ljóssins. Faraldur kórónuveiru (COVID-19) Heilbrigðismál Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið „Ég dreg mig í hlé og fer bara og stofna kaffihús“ Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið Fataherbergið seldi henni íbúðina strax Tíska og hönnun Krakkatían: Kolbeinn kafteinn, langspil og hvolpar Lífið Fréttatía vikunnar: Lögreglan, körfubolti og frambjóðendur Lífið Tróð upp í Norræna partýinu Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Sjá meira
„Tryggvi Rafnsson leikari mun stýra stundinni með sinni einstöku lagni, Selma Björns og Vignir syngja okkur í jólaskap, Beggi Ólafs les úr bók sinni 10 skref í átt að innihaldsríkara lífi, Gerður Kristný les úr nýrri barnabók sinni Iðunn & afi pönk, Bjarni Fritzson les úr nýjustu bók sinni um Orra Óstöðvandi og Kristín Sigurðardóttir les úr bók sinni Blóðrauður sjór. Við vonum að þið takið þátt með okkur heima í þessari hátíðlegu stund.“ Viðburðurinn, sem stendur í um klukkustund, er sniðinn svo að bæði ungir sem aldnir geti notið stundarinnar saman. „Á hverju ári höldum við hátíðlegt kvöld fyrir alla þjónustuþega Ljóssins. Í ljósi aðstæðna í ár getum við ekki tekið á móti fólkinu okkar í hús en vildum ekki hætta við viðburðinn. Við ákváðum því að fá gott fólk með okkur í lið og streyma gleðinni faglega heim til allra á Facebook-síðu Ljóssins. Það gefur okkur einnig tækifæri á að færa þjóðinni allri gleðina heim en við vitum að það eru margir sem þurfa að fá smá viðbótar ljós í hversdaginn“ segir Sólveig Kolbrún Pálsdóttir, markaðs- og kynningarstjóri Ljóssins. Aðventukvöld Ljóssins fer fram í streimi á Facebook klukkan 19:30 í kvöld.Ljósið Umbreyttu þjónustunni Ljósið er endurhæfingar- og stuðningsmiðstöð fyrir einstaklinga sem greinst hafa með krabbamein og aðstandendur þeirra. Í Ljósinu fá einstaklingar þverfaglega endurhæfingu sem gerir þeim kleift að takast á við lífið í breyttum aðstæðum. „Heimsfaraldurinn hefur haft mikil áhrif á starfsemina en við höfum gert allt sem mögulegt er til að halda uppi þjónustustigi og að okkar mati hefur það tekist mjög vel,“ segir Erna Magnúsdóttir forstöðukona Ljóssins í samtali við Vísi. „Í upphafi ársins byrjuðum við að plana heilmikla afmælisdagskrá en í ár er Ljósið 15 ára. Þegar heimsfaraldurinn skall á varð okkur strax ljóst að við yrðum að skipta um gír og í stað allra þessara skemmtilegu viðburða sem stóðu til myndum við setja allan okkar fókus á þá fórum við í að umbreyta þjónustunni okkar. Frá því í mars höfum við innleitt stafrænu lausnina Proency til að meta andlega heilsu, við byrjuðum að veita fjarviðtöl í gegnum Kara Connect, settum rafrænan kynningarfund í loftið og bjóðum nú upp á rafræna skráningu í þjónustu í Ljósið. Í haust færðum við öll fræðslunámskeið í stafrænt form og það hefur gefist vel. Við erum nú með aukna áherslu á að fólkið okkar haldi endurhæfingunni áfram heima og höfum því boðið öllum að ganga í Facebook-hóp sem heitir Ljósið heima en þar er dagskrá með æfingum, pistlum, streymum og fjarfundum í hverri viku. Að auki breyttum við árlegu tímariti Ljóssins, Ljósablaðinu í stafræna útgáfu og nú næst ætlum við að bjóða öllu okkar fólki að njóta aðventugleðinnar okkar heima í gegnum Facebook og auk þess allri þjóðinni að njóta með okkur.“ Enn meiri einangrun Erna segir að þau hafi gert allt til að halda starfseminni gangandi fyrir fólk sem hefur fengið krabbamein og aðstandendur, þó að það sé vissulega með breyttu sniði. „Eins og gefur að skilja er færra fólk að koma í hús á vikulega kynningarfundi og að auki þá gera samkomutakmarkanir það að verkum að við getum ekki tekið á móti fólki með sama hætti og áður. Í upphafi faraldursins voru yfir 500 manns sem sóttu mánaðarlega þjónustu í Ljósið. Rafræn þjónusta hefur tekið við að mörgu leiti en við fundum það vel í sumar, þegar vel gekk að halda faraldrinum í skefjum, að fjöldi koma í hús yfir sumartímann hefur aldrei verið jafn mikill. Þannig takturinn í gegnum faraldurinn er sannarlega breyttur en við erum að gera okkar besta að mæta þörfum okkar þjónustuþega.“ Áhrif útbreiðslu kórónuveirunnar hér á landi hefur haft töluverð áhrif á líðan skjólstæðinga Ljóssins síðustu mánuði. „Heimsfaraldurinn hefur gert það að verkum að margir, sem undir venjulegum kringumstæðum væru að passa upp á sína heilsu sökum ónæmisbælingar og annara ástæðna, þurfa að halda sig í enn meiri einangrun. Þetta hefur auðvitað mikil áhrif á þá aðila og gerir daglegt líf þeirra enn flóknara. Þetta eykur á sama tíma áhyggjur aðstandenda en Ljósið veitir aðstandendum einnig stuðning.“ Ljósið þjónustar þá sem greinast frá 16 ára aldri og sinna einnig fjölskyldumeðlimum en nánari upplýsingar um starfsemina má finna á vefsíðu Ljóssins. Viðburðurinn hefst klukkan 19:30 í kvöld og má finna frekari upplýsingar á Facebook síðu Ljóssins.
Faraldur kórónuveiru (COVID-19) Heilbrigðismál Mest lesið Hvernig bíla eiga frambjóðendur? Bílablinda, lögregluleyfi og draumur um Volvo Lífið „Ég dreg mig í hlé og fer bara og stofna kaffihús“ Lífið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið Fataherbergið seldi henni íbúðina strax Tíska og hönnun Krakkatían: Kolbeinn kafteinn, langspil og hvolpar Lífið Fréttatía vikunnar: Lögreglan, körfubolti og frambjóðendur Lífið Tróð upp í Norræna partýinu Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Krakkatían: Kolbeinn kafteinn, langspil og hvolpar Hvernig bíla eiga frambjóðendur? Bílablinda, lögregluleyfi og draumur um Volvo Vinskapurinn og gleðin staðið upp úr Mörg hundruð manns á opnun kosningamiðstöðvar Katrínar Tróð upp í Norræna partýinu Gaman að geta grætt fólk á góðan hátt Bakaríið í beinni Fréttatía vikunnar: Lögreglan, körfubolti og frambjóðendur Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Bakaríið í beinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Sjá meira