Innlent

Grunn­skóla­starfs­maður hand­tekinn grunaður um brot gegn barn­ungri dóttur sinni

Hallgerður Kolbrún E. Jónsdóttir skrifar
Myndefni fannst á heimili mannsins sem innihélt barnaníð.
Myndefni fannst á heimili mannsins sem innihélt barnaníð. Vísir/Vilhelm

Karlmaður var í þarsíðustu viku handtekinn vegna gruns um að hann hafi beitt barnunga dóttur sína kynferðislegu ofbeldi. Maðurinn er á fertugsaldri og er starfsmaður í grunnskóla á höfuðborgarsvæðinu. Frá þessu var greint í kvöldfréttum RÚV.

Þann 2. desember barst lögreglu ábending um manninn og var hann handtekinn sama dag. Manninum var sleppt að lokinni skýrslutöku en við húsleit heima hjá manninum fannst myndefni sem inniheldur barnaníð og er talið að hluti þess hafi verið framleitt hér á landi. Lagt var hald á einhverja muni af heimili mannsins og eru þeir nú í rannsókn.

Ekki var talin ástæða til að fara fram á gæsluvarðhald yfir manninum og ekki er talið að hann hafi brotið gegn fleiri börnum samkvæmt frétt RÚV.

Þá kemur fram að bæði skólayfirvöld og bæjaryfirvöld í því bæjarfélagi sem maðurinn starfar í hafi verið upplýstir um málið. Þó hafi foreldrar barna í skólanum ekki verið látnir vita af málinu þar sem ekki er talið að hann hafi brotið gegn öðrum börnum.

Ofbeldi gegn börnum Skóla - og menntamál Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið