Hver er Iðnaðarmaður Íslands 2020?

 Sérstök dómnefnd fór svo yfir allar tilnefningar. Hún hefur valið tíu einstaklinga sem þóttu skara framúr og hefst nú kosning á Iðnaðarmanni Íslands 2020.

Þetta er í sjötta skiptið sem Iðnaðarmaðurinn er valinn hér á Vísi. Árið 2015 var Arnór Davíð Pétursson pípari valinn, 2016 var það Halldóra Þorvarðardóttir blikksmiður, 2017 Auður Linda Sonjudóttir, 2018 Kristín Snorradóttir skrúðgarðyrkjufræðingur og 2019 Malín Frid loftlínurafvirki.

Kosningin stendur yfir til hádegis mánudaginn 14. desember. Í kjölfarið verður sigurvegarinn kynntur. Hér fyrir neðan má sjá keppendur og lesa meðmælabréfin sem fylgdu tilnefningum þeirra. Þar fyrir neðan er síðan kosningin sjálf og hvetjum við alla til að taka þátt.

Anton Kári Halldórsson

Meðmælabréf: Anton Kári Halldórsson stóð upp frá skrifstofustólnum (sveitastjórastólnum), dustaði rykið af hamrinum og fór í byggingavinnu.

Guðrún Svava Gómez bifvélavirki

Meðmælabréf: Guðrún Svava er frábær bifvélavirki, vandvirk og kann vel til verka. Hún tók meðal annars þátt í herferðinni #kvennastarf.

Linda Þorvaldsdóttir málari

Meðmælabréf: Linda, aka Mæja Málari, er hörkuduglegur málari hjá Landspítalanum. Hún hefur verið einn af framlínu iðnaðarmönnum þjóðfélagsins á síðustu og verstu. Er einnig þekkt sem Mæja Málari í auglýsingu Fortis.

Halldór Viðar Jakobsson prentari

Meðmælabréf: Halldór Viðar er yfirprentari hjá Ísafoldarprentsmiðju. Þessi 47 ára drengur hefur prentað blöð og bækur í nærri 30 ár. Fyrir viku síðan bjargaði hann lífi manns sem hann hafði kynnst fimm mínútum áður með því að hnoða og blása í hann lífi þar til að sjúkrabíllinn kom. Hann er ávallt til staðar fyrir aðra. Betri vin er ekki hægt að hugsa sér. Halldór hjólar í hvaða veðri sem er til vinnu og er gítarleikari rokkbandssins Sjúðann.

Helgi Ólafsson rafvirki

Meðmælabréf: Helgi rafvirki er 92 ára og hvergi hættur. Býðst til þess að borga fyrir að fá að vinna.

Margrét Pétursdóttir hársnyrtimeistari

Meðmælabréf: Margrét er hárgreiðslumeistari á Sauðárkróki. Hún hefur staðið vaktina í rúm fjörutíu ár eða síðan 1979. Margrét gerir alla glæsilega, bæði lifandi og liðna. Eins hefur hún ekki sett það fyrir sig að vinna á aðfangadag og gamlársdag svo að allir sem vilja komist vel til fara í sínar veislur. Með þessu öllu saman hefur hún haldið heimili og alið upp fjögur fyrirmyndarbörn.

Helgi Sveinbjörnsson Slakkakóngur

Meðmælabréf: Helgi er einn mesti naglinn, aðal spaðinn. Hann er á hinum herrans aldri 71 árs og vinnur í dýragarðinum Slakka allt árið. Auk þess er hann stanslaust smíðandi, hvort sem það eru bústaðir, dýrahús, girðingar eða annað. Hann getur reddað öllu, hvort sem það er suða eða að setja upp ljós eða rafmagn, kallinn reddar því. 

Glódís Tara hársnyrtir

Meðmælabréf: Glódís Tara er hársnyrtir á Modus og gatari á Bleksmiðjunni. Hún er eðaltöffari en jafnframt gull af manneskju sem dæmir engan. Glódís Tara klippir og snyrtir heimilislausa karlmenn frítt og talar ekkert um það.

Lena Magnúsdóttir hársnyrtimeistari

Meðmælabréf: Lena er algjör snillingur með skærin fyrir hvaða aldur sem er. Hvort sem þú ert krabbameinssjúklingur eða þriggja ára strumpur. Hjá henni eru metnaður og fagmennska í fyrirrúmi.

Victor Hjörvarsson bifvélavirki

Meðmælabréf: Victor er ungur strákur sem opnaði sitt eigið verkstæði á þessu ári og er því framúrskarandi bifvélavirki.

Jæja, þá er komið að því. Hver er iðnaðarmaður Íslands 2020? Taktu þátt í kosningunni hér fyrir neðan.