Mesta eyðing regnskóga í Brasilíu frá 2008

Atli Ísleifsson skrifar 1. desember 2020 07:54

Eyðing regnskóganna í Brasilíu á þessu ári er meiri en hún hefur verið frá árinu 2008. Alls hafa rúmir 11 þúsund ferkílómetrar verið ruddir frá ágúst 2019 og fram í júlí á þessu ári og er það 9,5 prósenta aukning frá fyrra ári.

Amasónskógurinn er mikilvæg kolefnisgeymsla en gróðurinn hægir á hækkandi hitastigi jarðarinnar.

Brasilískir vísindamenn segja ljóst að kjör Jairs Bolsonaro forseta hafi augljóslega flýtt fyrir eyðingu skóganna á ný en forsetinn hefur talað fyrir auknum landbúnaði og námugreftri á svæðinu.

Auk þess að vera gríðarlega mikilvægur hlekkur í loftslagsmálum jarðar er Amasónsvæðið einnig heimili um þriggja milljóna dýrategunda og þar búa einnig um ein milljón brasilískra frumbyggja.

Brasilía Loftslagsmál

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.