Erlent

Fyrr­verandi for­seti Gana er látinn

Atli Ísleifsson skrifar
Jerry John Rawlings árið 1999. Hann stýrði Gana frá árinu 1981 til 2001 - fyrst sem leiðtogi herforingjastjórnar og síðar sem lýðræðislega kjörinn forseti.
Jerry John Rawlings árið 1999. Hann stýrði Gana frá árinu 1981 til 2001 - fyrst sem leiðtogi herforingjastjórnar og síðar sem lýðræðislega kjörinn forseti. Getty

Jerry John Rawlings, fyrrverandi forseti Gana, er látinn, 73 ára að aldri.

BBC segir frá því að sem háttsettur stjórnandi í flugher landsins hafi hann leitt valdarán hersins í tvígang. Fyrra skiptið var árið 1979 og kom hann völdunum þá í hendur borgaralegrar ríkisstjórnar, en tveimur árum síðar fór hann aftur fyrir valdaráni hersins.

Hann leiddi svo herstjórn landsins allt til ársins 1992 þegar haldnar voru þingkosningar í landinu. Hann var þá kjörinn fyrsti forseti landsins og lét af embætti forseta árið 2001 eftir að hafa setið tvö kjörtímabil.

BBC segir frá því að hann hafi verið mikill baráttumaður gegn spillingu þegar hann komst til valda árið 1979. Hann hafi borið ábyrgð á að nokkrir fyrrverandi leiðtogar landsins og hershöfðingjar hafi verið teknir af lífi í kjölfar ásakana um spillingu og óreiðu við rekstur ríkisins.

Fjölmiðlar í Gana segja að forsetinn fyrrverandi hafi andast á sjúkrahúsi í höfuðborginni Accra fyrr í dag.

Gana Andlát
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið