Innlent

Kostnaður vegna for­seta­kosninganna tæpar 416 milljónir

Elín Margrét Böðvarsdóttir skrifar
Guðni Th. Jóhannesson og Guðmundur Franklin Jónsson buðu sig báðir fram til embættis forseta Íslands í kosningunum sem fram fóru í sumar.
Guðni Th. Jóhannesson og Guðmundur Franklin Jónsson buðu sig báðir fram til embættis forseta Íslands í kosningunum sem fram fóru í sumar. Vísir

Kostnaður vegna forsetakosninganna í sumar nam tæpum 416 milljónum króna. Það er um 75 milljónum meira en kostnaður vegna síðustu forsetakosninga þar á undan, árið 2016. Þetta kemur fram í svari dómsmálaráðuneytisins við fyrirspurn fréttastofu sem send var í sumar. 

Þá lá ekki endanlega fyrir hver heldarkostnaður hins opinbera vegna kosninganna yrði en nú liggur það fyrir samkvæmt svari ráðuneytisins sem barst í dag. 

Nákvæm heildarupphæð kostnaðar er 415.896.807 krónur. Það er innan fjárheimildar þar sem gert var ráð fyrir að kostnaður vegna forsetakosninga gæti numið allt að 432,2 milljónum króna.

Kostnaður vegna forsetakosninganna 2016 nam 341 milljón króna. Ráðstafanir sem gerðar voru vegna Covid-19 fólu í sér aukinn kostnað, meðal annars ráðstöfun sem gripið var til til að fólki í sóttkví yrði gert kleift að kjósa.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.