Barnið á batavegi eftir slys í Hörgársveit

Kristín Ólafsdóttir skrifar 26. október 2020 10:15

Barnið var fyrst flutt á Sjúkrahúsið á Akureyri. Þaðan fór það með sjúkraflugi til Reykjavíkur. Vísir/vilhelm

Barnið sem flutt var á sjúkrahús í Reykjavík eftir slys á leikskólanum Álfasteini í Hörgársveit á föstudag er á batavegi og virðist ekki hafa slasast alvarlega. Lögregla á Norðurlandi eystra rannsakar tildrög slyssins.

Lögregla og sjúkraflutningamenn voru kallaðir út að leikskólanum um klukkan tvö á föstudag. Barnið var fyrst flutt á sjúkrahúsið á Akureyri og þaðan með sjúkraflugi til Reykjavíkur.

Samkvæmt upplýsingum frá lögreglu á Norðurlandi eystra virðist barnið hafa komist „óskaddað“ frá slysinu. Lögregla getur ekki staðfest hvort barnið liggi enn á sjúkrahúsi í Reykjavík. Þá er rannsókn á slysinu ekki lokið en frekari upplýsinga um tildrög þess er að vænta síðar í dag.

Lögreglumál Hörgársveit

Tengdar fréttir

Alvarlegt slys á barni í Hörgársveit

Alvarlegt slys varð á barni á leikskólanum Álfasteini í Hörgársveit í dag.

23. október 2020 23:20

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.