Grunnskólakennarar samþykktu kjarasamning

Atli Ísleifsson skrifar 23. október 2020 11:59

Félagar í Félagi grunnskólakennara hafa samþykkt nýgerðan kjarasamning við Samband íslenskra sveitarfélaga.

Frá þessu greinir á vef Kennarasambandsins, en atkvæðagreiðsla hófst föstudaginn 16. október og lauk klukkan ellefu í dag.

Alls voru 5.305 á kjörskrá og greiddu alls 3.642 manns atkvæði, eða tæp 69 prósent.

Úrslit atkvæðagreiðslunnar eru svohljóðandi:

Já sögðu 2.667 eða 73,23%
Nei sögðu 913 eða 25,07%
Auðir voru 62 eða 1,70%

Kjarasamningur Félags grunnskólakennara og Sambands íslenskra sveitarfélaga var undiritaður í Karphúsinu, húsi ríkissáttasemjara, að kvöldi 7. október síðastliðinn.

Gildistími nýja samningsins er frá 1. september 2020 til 31. desember 2021.

Vinnumarkaður Kjaramál Skóla - og menntamál

Tengdar fréttir

Grunnskólakennarar undirrita nýjan kjarasamning

Félag grunnskólakennara og samninganefnd Sambands íslenskra sveitarfélaga skrifuðu undir nýjan kjarasamning á ellefta tímanum í kvöld.

7. október 2020 23:21

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.