Erlent

Tugir söfnuðust saman í Liverpool eftir að barir lokuðu: „Hjarðónæmi, hér komum við“

Telma Tómasson skrifar
Myndin er tekin í Liverpool í gærkvöldi þar sem fjöldi manns nýtti tækifærið og fór á pöbbana áður en þeim var lokað vegna útbreiðslu kórónuveirunnar.
Myndin er tekin í Liverpool í gærkvöldi þar sem fjöldi manns nýtti tækifærið og fór á pöbbana áður en þeim var lokað vegna útbreiðslu kórónuveirunnar. Getty/Christopher Furlong

Tugir söfnuðust saman á torgi í miðborg Liverpool í gærkvöldi nokkrum klukkustundum áður en hertar aðgerðir vegna kórónuveirunnar tóku gildi.

Notuðu fæstir andlitsgrímur og sinntu ekki fjarlægðatakmörkunum, eftir því sem fram kemur í frétt á Sky News.

Myndskeiðum hefur verið deilt á samfélagsmiðlum þar sem fólk dansar, syngur og hrópar á Concert-torgi, þar sem næturlífið er jafnan hvað fjörugast í borginni.

Lögreglan skarst í leikinn og þurfti að dreifa mannfjöldanum, en margir hrópuðu ,,hjarðónæmi, hér komum við.“

Gripið hefur verið til hertra aðgerða í Bretlandi til að stemma stigu við útbreiðslu kórónuveirunnar og eru þær hvað mestar í Liverpool og nágrenni þar sem smitstuðullinn er mjög hár.

Læknar, sem Sky News ræddi við, voru hneykslaðir á framferði borgarbúa í gærkvöldi og töldu framferði þeirra sýna að þeim stæði á sama um alvarleg veikindi og dauðsföll vegna Covid-19.

Faraldur kórónuveiru (COVID-19) Bretland England
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið