Dregið var í 32 liða úrslit bikarkeppni karla í körfubolta í dag. Stórleikur þeirra er viðureign Vals og Tindastóls.
Í pottinum voru 25 lið en bikarmeistarar Stjörnunnar, Höttur, Sindri, Keflavík, Skallagrímur, Hrunamenn og Fjölnir B sitja hjá í 32 liða úrslitum.
Tveir innbyrðis leikir liða úr Domino's deildinni verða í 32 liða úrslitunum. Valur mætir Tindastóli eins og áður sagði og Þór Ak. tekur á móti KR. Grindavík, silfurlið bikarkeppninnar í fyrra, sækir Hamar, eitt af sterkustu liðum 1. deildar heim.
Leikirnir í 32 liða úrslitunum fara fram 11.-13. október.
32 liða úrslit bikarkeppni karla
- Valur - Tindastóll
- Þór Ak. - KR
- Hamar - Grindavík
- ÍA - Þór Þ.
- Breiðablik - Njarðvík
- Selfoss - Álftanes
- Fjölnir - Haukar
- Reynir S. - Vestri
- KV - ÍR
