Los Angeles Lakers er komið í úrslit NBA-deildarinnar eftir sigur á Denver Nuggets, 117-107, í fimmta leik liðanna í undanúrslitunum.
Lakers vann einvígið örugglega 4-1 en leikurinn í nótt var mjög jafn og skemmtilegur. Mestu munaði um frábæran leik LeBron James sem er á leið í sitt tíunda úrslitaeinvígi.
@KingJames puts the game away with the triple in #PhantomCam! #LakeShow #WholeNewGame pic.twitter.com/j9pjzhkUtb
— NBA (@NBA) September 27, 2020
LeBron gerði 38 stig, tók sextán fráköst og gaf tíu stoðsendingar í liði Lakers. Magnaður. Anthony Davis bætti við 27 stigum.
Nikola Jokic var stigahæstur hjá Nuggets með tuttugu stig og sjö fráköst.
Þetta er í fyrsta sinn í áratug sem Lakers kemst í úrslitaeinvígið og mótherjinn þar verður annað hvort Miami eða Boston.
@KingJames takes over for 9 straight points down the stretch @Lakers advance to the #NBAFinals presented by YouTube TV! #LakeShow pic.twitter.com/OuKDE5VFnn
— NBA (@NBA) September 27, 2020
Þar standa leikar 3-2 fyrir Miami en sjötti leikur liðanna fer fram í kvöld.
