Fresta barnamótum og landsliðsæfingum vegna veirunnar

Sindri Sverrisson skrifar 24. september 2020 10:59

Kvennalandsliðið í handbolta átti að koma saman til æfinga í Vestmannaeyjum en það bíður betri tíma. VÍSIR/BÁRA

Barnamótum í handbolta og æfingabúðum landsliða hefur verið frestað vegna þeirrar bylgju kórónuveirusmita sem nú er á Íslandi.

HSÍ tilkynnti um þessa ákvörðun mótanefndar og stjórnar í dag, sem tekin er í þeim tilgangi að sporna gegn útbreiðslu veirunnar. Á meðal þess sem slegið er á frest eru æfingabúðir A-landsliðs kvenna sem áttu að hefjast í Vestmannaeyjum næsta mánudag.

Eftirtöldum viðburðum er frestað:

1. A landslið kvenna, æfingavika 28. sept - 4. okt

2. Yngri landslið, æfingahelgi 30. sept – 4. okt

3. Fjölliðamót hjá KA, Þór og ÍBV í 5. -6. flokki eldri karla og kvenna, 2- 4. október.

4. Fjölliðamót hjá Haukum og Fjölni í 7. flokki karla og kvenna, 2.-4. október

HSÍ ætlar að vera í sambandi við sín aðildarfélög varðandi þessa viðburði með það í huga að koma þeim fyrir síðar ef hægt er, fari svo að óvissuástandið sem nú sé skýrist.

Handbolti Faraldur kórónuveiru (COVID-19) Íþróttir barna

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.