Innlent

Loka skrif­stofu vegna smits hjá starfs­manni Nausta­varar

Kristín Ólafsdóttir skrifar
Tveir starfsmenn stoðdeildar í Hafnarfirði þurftu að fara í sóttkví eftir samskipti við smitaða starfsmann Naustavarar.
Tveir starfsmenn stoðdeildar í Hafnarfirði þurftu að fara í sóttkví eftir samskipti við smitaða starfsmann Naustavarar. Hrafnista

Starfsmaður íbúðaleigufélagsins Naustavarar, sem þjónustar m.a. dvalarheimilið Hrafnistu, greindist með kórónuveiruna um helgina. Aðrir starfsmenn hafa þurft að fara í sóttkví vegna smitsins, auk þess sem loka hefur þurft skrifstofu Naustavarar og Sjómannadagsráðs við Brúnaveg 9.

Þetta kemur fram í tilkynningu frá Sigurði Garðarssyni, framkvæmdastjóra Naustavarar. Þegar hefur verið haft samband við alla sem voru í nánum samskiptum við starfsmanninn frá og með síðasta föstudegi og þeir settir í sóttkví.

Þá eru tveir starfsmenn á stoðdeild Hrafnistu í Hafnarfirði, sem starfsmaðurinn hitti á föstudag, einnig komnir í sóttkví.

„Að öðru leyti hefur tilfellið ekki áhrif á starfsemi Hrafnistu þar sem viðkomandi heimsótti ekki hjúkrunardeildir heimilanna,“ segir í tilkynningu.

Naustavör byggir og rekur leiguíbúðir fyrir eldri borgara. Félagið er dótturfélag Sjómannadagsráðs.

Faraldur kórónuveiru (COVID-19) Eldri borgarar Hafnarfjörður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið