Innlent

0,25 prósent starfsfólks með mótefni

Vésteinn Örn Pétursson skrifar
Páll Matthíasson forstjóri Landspítalans.
Páll Matthíasson forstjóri Landspítalans. Vísir/Egill

Aðeins 0,25 prósent klínísks starfsfólks Landspítalans er með mótefni við Covid-19, samkvæmt niðurstöðum nýlegrar rannsóknar sem gerð var á starfsliði spítalans.

Þetta kemur fram í forstjórapistli Páls Matthíassonar, forstjóra Landspítalans, sem birtist á vef spítalans í dag.

Í pistlinum segir Páll að í upphafi faraldurs kórónuveirunnar hérlendis hafi það verið ein helsta áskorun spítalans hve margir starfsmenn þurftu að fara í sóttkví.

„Nú höfum við hins vegar haft grímuskyldu í starfseminni frá því í sumar og það hefur forðað mörgum frá því að þurfa að fara í sóttkví,“ ritar Páll og ítrekar tilmæli til starfsfólks um grímunotkun þegar ekki er unnt að virða fjarlægðartakmörk.

Páll segir góða vísu aldrei of oft kveðna, og vísar í því samhengi til vísu sem hann segir frá farsóttarnefnd:

„Ef þú notar grímu

og notar hana rétt

þá yrkjum við um þig rímu

og búum til um það frétt.“



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.