Háskalegur akstur og hættuleg árás á samvisku grunaðs morðingja Kolbeinn Tumi Daðason skrifar 21. september 2020 08:01 Kort af ofsaakstri ákærða. Fyrst fylgir hann rauðu línunni frá Hringbraut í vestri að Keldnaholti. Þá tekur við bláa línan aftur í vesturátt þar til hann snýr við í kringum Kringluna og fylgir svo grænu línunni út úr bænum. Grafík/Hjalti Beðið er eftir sakhæfismati í máli þrítugs karlmanns sem ákærður er fyrir að hafa orðið móður sinni að bana í íbúð í Hafnarfirði í apríl. Hann er sömuleiðis ákærður fyrir sérstaklega hættulega líkamsárás á sambýlismann móður sinnar á sama tíma. Karlmaðurinn hefur áður komist í kast við lögin en hann sætir einnig ákæru fyrir stórfelld umferðarlagabrot þar sem hann keyrði meðal annars á tæplega 200 kílómetra hraða um höfuðborgina. Lögreglu barst tilkynning á öðrum tímanum aðfaranótt 6. apríl og hélt á vettvang. Þá var konan, sem hefði orðið sextug í september, látin. Sonur konunnar og sambýlismaður hennar voru báðir handteknir á vettvangi. Sambýlismaðurinn var fljótlega látinn laus en sonurinn úrskurðaður í gæsluvarðhald. Í ákæru á hendur karlmanninum fyrir manndráp segir að hann hafi stungið móður sína tvisvar sinnum með hnífi í brjóstið. Gekk hnífurinn inn í brjóstslagæðina, efra blað hægra lungans og í efri holæð, með þeim afleiðingum að konan lést vegna blóðmissis. Bótakröfur frá sambýlismannium og systrum Í ákærunni fyrir árásina á sambýlismann konunnar kemur fram að hann hafi veist með ofbeldi að honum, skorið með hnífi í andlitið og stungið í vinstri handlegg með þeim afleiðingum að sambýlismaðurinn hlaut þriggja sentímetra langan skurð á höku og tvo skurði á vinstri upphandlegg, fimm og sex sentímetra djúpa. Málið er til meðferðar hjá Héraðsdómi Reykjaness.Vísir/Vilhelm Krafist er fjögurra milljóna króna í miskabætur af hálfu tveggja dætra konunnar og sömuleiðis rúmlega 800 þúsund króna vegna útlagðs útfararkostnaðar. Þá fer sambýlismaður konunnar fram á eina milljón króna í miskabætur. Karlmaðurinn hefur ekki enn tekið afstöðu til ákærunnar en málið var þingfest í Héraðsdómi Reykjaness um miðjan júlí. Anna Barbara Andradóttir, saksóknari hjá Embætti héraðssaksóknara, segir í samtali við fréttastofu að enn sé beðið eftir sakhæfismati. Lögregla á vettvangi fimm klukkustundum fyrr Svo virðist sem koma hefði mátt í veg fyrir að svo fór sem fór. Lögreglan í Hafnarfirði var kölluð til vegna ástands mannsins um kvöldmatarleytið, fimm tímum áður en konan lést. Samkvæmt heimildum fréttastofu glímir karlmaðurinn við geð- og fíknivandamál. Hann hafði búið hjá móður sinni og sambýlismanni hennar um tíma. Heimildir fréttastofu herma að móðirin hafi glímt við veikindi og fyrr um kvöldið höfðu hún og sambýlismaður hennar kallað til lögreglu á heimilið þar sem móðirin gat ekki sofið vegna ástands sonarins. Lögreglumenn mættu á staðinn og voru þar í nokkurn tíma, ræddu við manninn og fóru svo. Tæplega fimm klukkustundum síðar er maðurinn grunaður um að hafa ráðist á móður sína og sambýlismann hennar með þeim afleiðingum að sambýlismaðurinn slasaðist og móðirin lést. Karl Steinar Valsson er yfirlögregluþjónn hjá miðlægri deild lögreglu á höfuðborgarsvæðinu.Vísir/Baldur Hrafnkell Karl Steinar Valsson yfirlögregluþjónn hjá miðlægri deild lögreglu tjáði fréttastofu í apríl að viðbrögð lögreglu við fyrsta útkallinu hefðu þegar sætt skoðun embættisins og ekkert komið fram um að vinnubrögð lögreglumanna hefðu átt að vera með öðrum hætti. Öll samskipti af heimilinu væru til á búkmyndavélum og hefðu verið yfirfarin. Mat embættisins væri að ekki hafi verið lagaskilyrði fyrir hendi til að fjarlægja manninn af heimilinu í fyrra skiptið. Málavextir hefðu verið kynntir héraðssaksóknara. Háskalegur akstur um höfuðborgina Telja má ótrúlega mildi að enginn hafi slasast alvarlega þegar karlmaðurinn ók Skoda Octavia bifreið, á gríðarlegum hraða og undir áhrifum áfengis og fíkniefna um höfuðborgina með lögregluna á eftir sér tveimur árum fyrr. Atburðurinn átti sér stað aðfaranótt miðvikudagsins 6. júní 2018 og er hann ákærður fyrir margföld umferðarlagabrot umrædda nótt. Ók hann um tíma gegn umferð, fór yfir á rauðu ljósi oftar en einu sinni og tók U-beygjur þar sem slíkt er ekki heimilt. Litlu mátti muna nokkrum sinnum að árekstur yrði við aðra bíla. Hæst mældist hraði hans 197 kílómetrar. Maðurinn ók um höfuðborgina endilanga með lögreglu á eftir sér.Vísir/Vilhelm Eftirförina má sjá á kortinu hér að neðan. Hún hófst á gömlu Hringbraut, barst alla leið að hringtorginu við Lambhaga þar sem Vesturlands- og Suðurlandsvegur mætast, svo aftur Miklubraut í vestur að Kringlunni og svo enn á ný í austurátt alla leið á Þingvallaveg. Á Kjósárskarðsvegi ók hann utan vegar og framhjá lögreglubifreið sem lagt hafði verið þvert á veginn. Þar náði hann ekki beygju í veginum, ók aftur utan vegar og enn á ný inn á veginn þar til lögreglubifreið ók að bílnum svo árekstur varð. Rann bíll mannsins af veginum og lauk akstrinum. Kort af ofsaakstri ákærða. Fyrst fylgir hann rauðu línunni frá Hringbraut í vestri að Keldnaholti í austri. Þá tekur við bláa línan aftur í vesturátt þar til hann snýr við í kringum Kringluna og fylgir svo grænu línunni út úr bænum. Fór hann nokkrum sinnum yfir á rauðu ljósi, ók gegn akstursstefnu og var nálægt því að klessa á aðra bíla.Grafík/Hjalti Amfetamín fannst við leit í hanskahólfi hans. Í blóði mældist vínandamagn 0,8 prómill og sömuleiðis amfetamín og kókaín. Lýsing á akstri ákærða umrædda nótt. Flúði lögreglu á ný Í september ári síðar var karlmaðurinn kominn á aðra Skoda Octavia bifreið. Ók hann austur Bústaðaveg við Hringbraut og stöðvaði bíl sinn við verslunina Kvikk við Bústaðaveg. Lögregla bað hann um að sýna ökuskírteini sem hann gerði ekki. Ók hann af stað og stöðvaði ekki fyrr en á bílastæðinu við Sprengisand. Vínandamagn í blóði mældist 1,85 prómill sem svarar til um tíu lítilla bjóra sé miðað við töflu á heimasíðu FÍB. Sömuleiðis mældist kókaín í blóði hans. Í desember sama ár var hann stöðvaður ölvaður undir stýri í Breiðholti. Mældist vínandamagn í blóði 1,47 prómill en auk þess var amfetamín í blóði hans. Fréttin hefur verið uppfærð. Í fyrri útgáfu var sambýlismaður hinnar látnu titlaður stjúpfaðir hins grunaða. Réttara er að tala um sambýlismann. Dómsmál Grunaður um manndráp í Hafnarfirði Hafnarfjörður Lögreglumál Lögreglan Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Horfa á bíómyndir og senda tölvupósta á meðan þeir keyra Innlent Forsetavaktin 2024: Hver verður sjöundi forseti lýðveldisins? Innlent Segir alvarlegt hvernig Katrín tjáði sig um Persónuvernd Innlent Gantz hótar að segja af sér vegna ósættis við Netanjahú Erlent Bergvin dæmdur fyrir að áreita þrjár konur Innlent Ástand Fico enn alvarlegt Erlent Ekki megrunarlyf heldur lyf við offitu Innlent Býst við aukinni sókn Rússa Erlent „Nú á dögunum tók sonur minn líf sitt innan veggja fangelsisins“ Innlent Of þung en annars hraust á Ozempic Innlent Fleiri fréttir Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Sjá meira
Beðið er eftir sakhæfismati í máli þrítugs karlmanns sem ákærður er fyrir að hafa orðið móður sinni að bana í íbúð í Hafnarfirði í apríl. Hann er sömuleiðis ákærður fyrir sérstaklega hættulega líkamsárás á sambýlismann móður sinnar á sama tíma. Karlmaðurinn hefur áður komist í kast við lögin en hann sætir einnig ákæru fyrir stórfelld umferðarlagabrot þar sem hann keyrði meðal annars á tæplega 200 kílómetra hraða um höfuðborgina. Lögreglu barst tilkynning á öðrum tímanum aðfaranótt 6. apríl og hélt á vettvang. Þá var konan, sem hefði orðið sextug í september, látin. Sonur konunnar og sambýlismaður hennar voru báðir handteknir á vettvangi. Sambýlismaðurinn var fljótlega látinn laus en sonurinn úrskurðaður í gæsluvarðhald. Í ákæru á hendur karlmanninum fyrir manndráp segir að hann hafi stungið móður sína tvisvar sinnum með hnífi í brjóstið. Gekk hnífurinn inn í brjóstslagæðina, efra blað hægra lungans og í efri holæð, með þeim afleiðingum að konan lést vegna blóðmissis. Bótakröfur frá sambýlismannium og systrum Í ákærunni fyrir árásina á sambýlismann konunnar kemur fram að hann hafi veist með ofbeldi að honum, skorið með hnífi í andlitið og stungið í vinstri handlegg með þeim afleiðingum að sambýlismaðurinn hlaut þriggja sentímetra langan skurð á höku og tvo skurði á vinstri upphandlegg, fimm og sex sentímetra djúpa. Málið er til meðferðar hjá Héraðsdómi Reykjaness.Vísir/Vilhelm Krafist er fjögurra milljóna króna í miskabætur af hálfu tveggja dætra konunnar og sömuleiðis rúmlega 800 þúsund króna vegna útlagðs útfararkostnaðar. Þá fer sambýlismaður konunnar fram á eina milljón króna í miskabætur. Karlmaðurinn hefur ekki enn tekið afstöðu til ákærunnar en málið var þingfest í Héraðsdómi Reykjaness um miðjan júlí. Anna Barbara Andradóttir, saksóknari hjá Embætti héraðssaksóknara, segir í samtali við fréttastofu að enn sé beðið eftir sakhæfismati. Lögregla á vettvangi fimm klukkustundum fyrr Svo virðist sem koma hefði mátt í veg fyrir að svo fór sem fór. Lögreglan í Hafnarfirði var kölluð til vegna ástands mannsins um kvöldmatarleytið, fimm tímum áður en konan lést. Samkvæmt heimildum fréttastofu glímir karlmaðurinn við geð- og fíknivandamál. Hann hafði búið hjá móður sinni og sambýlismanni hennar um tíma. Heimildir fréttastofu herma að móðirin hafi glímt við veikindi og fyrr um kvöldið höfðu hún og sambýlismaður hennar kallað til lögreglu á heimilið þar sem móðirin gat ekki sofið vegna ástands sonarins. Lögreglumenn mættu á staðinn og voru þar í nokkurn tíma, ræddu við manninn og fóru svo. Tæplega fimm klukkustundum síðar er maðurinn grunaður um að hafa ráðist á móður sína og sambýlismann hennar með þeim afleiðingum að sambýlismaðurinn slasaðist og móðirin lést. Karl Steinar Valsson er yfirlögregluþjónn hjá miðlægri deild lögreglu á höfuðborgarsvæðinu.Vísir/Baldur Hrafnkell Karl Steinar Valsson yfirlögregluþjónn hjá miðlægri deild lögreglu tjáði fréttastofu í apríl að viðbrögð lögreglu við fyrsta útkallinu hefðu þegar sætt skoðun embættisins og ekkert komið fram um að vinnubrögð lögreglumanna hefðu átt að vera með öðrum hætti. Öll samskipti af heimilinu væru til á búkmyndavélum og hefðu verið yfirfarin. Mat embættisins væri að ekki hafi verið lagaskilyrði fyrir hendi til að fjarlægja manninn af heimilinu í fyrra skiptið. Málavextir hefðu verið kynntir héraðssaksóknara. Háskalegur akstur um höfuðborgina Telja má ótrúlega mildi að enginn hafi slasast alvarlega þegar karlmaðurinn ók Skoda Octavia bifreið, á gríðarlegum hraða og undir áhrifum áfengis og fíkniefna um höfuðborgina með lögregluna á eftir sér tveimur árum fyrr. Atburðurinn átti sér stað aðfaranótt miðvikudagsins 6. júní 2018 og er hann ákærður fyrir margföld umferðarlagabrot umrædda nótt. Ók hann um tíma gegn umferð, fór yfir á rauðu ljósi oftar en einu sinni og tók U-beygjur þar sem slíkt er ekki heimilt. Litlu mátti muna nokkrum sinnum að árekstur yrði við aðra bíla. Hæst mældist hraði hans 197 kílómetrar. Maðurinn ók um höfuðborgina endilanga með lögreglu á eftir sér.Vísir/Vilhelm Eftirförina má sjá á kortinu hér að neðan. Hún hófst á gömlu Hringbraut, barst alla leið að hringtorginu við Lambhaga þar sem Vesturlands- og Suðurlandsvegur mætast, svo aftur Miklubraut í vestur að Kringlunni og svo enn á ný í austurátt alla leið á Þingvallaveg. Á Kjósárskarðsvegi ók hann utan vegar og framhjá lögreglubifreið sem lagt hafði verið þvert á veginn. Þar náði hann ekki beygju í veginum, ók aftur utan vegar og enn á ný inn á veginn þar til lögreglubifreið ók að bílnum svo árekstur varð. Rann bíll mannsins af veginum og lauk akstrinum. Kort af ofsaakstri ákærða. Fyrst fylgir hann rauðu línunni frá Hringbraut í vestri að Keldnaholti í austri. Þá tekur við bláa línan aftur í vesturátt þar til hann snýr við í kringum Kringluna og fylgir svo grænu línunni út úr bænum. Fór hann nokkrum sinnum yfir á rauðu ljósi, ók gegn akstursstefnu og var nálægt því að klessa á aðra bíla.Grafík/Hjalti Amfetamín fannst við leit í hanskahólfi hans. Í blóði mældist vínandamagn 0,8 prómill og sömuleiðis amfetamín og kókaín. Lýsing á akstri ákærða umrædda nótt. Flúði lögreglu á ný Í september ári síðar var karlmaðurinn kominn á aðra Skoda Octavia bifreið. Ók hann austur Bústaðaveg við Hringbraut og stöðvaði bíl sinn við verslunina Kvikk við Bústaðaveg. Lögregla bað hann um að sýna ökuskírteini sem hann gerði ekki. Ók hann af stað og stöðvaði ekki fyrr en á bílastæðinu við Sprengisand. Vínandamagn í blóði mældist 1,85 prómill sem svarar til um tíu lítilla bjóra sé miðað við töflu á heimasíðu FÍB. Sömuleiðis mældist kókaín í blóði hans. Í desember sama ár var hann stöðvaður ölvaður undir stýri í Breiðholti. Mældist vínandamagn í blóði 1,47 prómill en auk þess var amfetamín í blóði hans. Fréttin hefur verið uppfærð. Í fyrri útgáfu var sambýlismaður hinnar látnu titlaður stjúpfaðir hins grunaða. Réttara er að tala um sambýlismann.
Dómsmál Grunaður um manndráp í Hafnarfirði Hafnarfjörður Lögreglumál Lögreglan Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Horfa á bíómyndir og senda tölvupósta á meðan þeir keyra Innlent Forsetavaktin 2024: Hver verður sjöundi forseti lýðveldisins? Innlent Segir alvarlegt hvernig Katrín tjáði sig um Persónuvernd Innlent Gantz hótar að segja af sér vegna ósættis við Netanjahú Erlent Bergvin dæmdur fyrir að áreita þrjár konur Innlent Ástand Fico enn alvarlegt Erlent Ekki megrunarlyf heldur lyf við offitu Innlent Býst við aukinni sókn Rússa Erlent „Nú á dögunum tók sonur minn líf sitt innan veggja fangelsisins“ Innlent Of þung en annars hraust á Ozempic Innlent Fleiri fréttir Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Sjá meira