Handbolti

Arnar Daði: Ég er ekki að fara að skáka og máta Patta og Aron Kristjáns

Arnar Daði Arnarsson kom Gróttu upp í efstu deild í fyrstu tilraun sem aðalþjálfari í meistaraflokksbolta. 
Arnar Daði Arnarsson kom Gróttu upp í efstu deild í fyrstu tilraun sem aðalþjálfari í meistaraflokksbolta.  vísir/s2s

Arnar Daði Arnarsson, þjálfari nýliða Gróttu í Olís-deild karla, var svekktur með jafntefli sinna manna gegn Stjörnunni í kvöld.

„Annan leikinn í röð er ég svekktur að sækja ekki tvo punkta“ sagði þjálfari Gróttu, Arnar Daði Arnarsson, þjálfari Gróttu, eftir jafntefli við Stjörnuna, 25-25

„Ég er bara stoltur af strákunum, við erum að smíða liðið saman og fá nýja leikmenn inn. Jói er að koma inn, Griffin er búinn að ná einhverjum fjórum æfingum svo við erum enn að rúlla liðinu og finna hvað hentar okkur best“ sagði Arnar Daði, ánægður með að fá Jóhann Reynir og Daníel Griffin inn í hópinn eftir meiðsli

„Ég þarf allavega ekki að hafa áhyggjur af framhaldinu ef þetta er framlagið sem strákarnir ætla að sýna í hverjum leik, en spurningin er bara hvort þeir sýni þetta í hverjum einasta leik“

Grótta spilaði eins leik gegn Haukum í 1. umferð þar sem þeir hægðu á leiknum sem var jafn og spennandi frá fyrstu mínútu. Úrslitin réðust þá einnig í lokasókninni líkt og í dag. Arnar Daði telur að frammistaða Gróttu í dag sýnir að ekki hafi verið um neina byrjendaheppni að ræða í fyrsta leik

„Ég tók alveg eftir þeirri umræðu að þetta hefði kannski verið byrjendaheppni. Ég hamraði á því alla helvítis vikuna að fylgjast með umræðunni og vonandi náði ég að kveikja í strákunum að þetta væri ekki nein byrjendaheppni“

Arnar Daði segir að reynsluleysið sé hans og tekur hann aftur á sig reynsluleysi eftir þennan leik líkt og hann gerði eftir tapið gegn Haukum

„Ég tek þetta bara á mig, þetta er mitt fyrsta tímabil í efstu deild. Það er enginn að segja mér það að ég sé að fara að skáka og máta Patta eða Aron Kristjáns. Mér finnst ég allavega hafa skákað þá, Aron mátaði mig en það er pattstaða hjá mér og Patta núna„ sagði Arnar Daði að lokum



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.