Innlent

Fengu undan­þágu á síðustu stundu til að mæta á Laugar­dals­völl

Tryggvi Páll Tryggvason skrifar
Oliver Holt, íþróttafréttamaður hjá Daily Mail, með grímu fyrir utan Laugardalsvöll á laugardaginn.
Oliver Holt, íþróttafréttamaður hjá Daily Mail, með grímu fyrir utan Laugardalsvöll á laugardaginn. @OllieHolt22

Í kringum tuttugu erlendir blaðamenn komu hingað til lands í tengslum við landsleik Íslands og Englands á laugardaginn. Nokkrir af þeim komu skömmu fyrir leik eftir að hafa sótt um, og fengið, heimild til þess að fara í svokallaða aðlagaða sóttkví.

Eins og greint hefur frá í íslenskum fjölmiðlum komu nokkrir enskir blaðamenn hingað til lands að minnsta kosti fimm dögum fyrir leik. Þeir, líkt og aðrir, sem koma hingað til lands þurftu að fara í skimun við komuna til landsins og vera í sóttkví þangað til niðurstöður seinni skimunar lá fyrir. Sóttkvíin lagðist misvel í blaðamennina, eins og Vísir hefur greint frá.

Frá leiknum um helgina.Vísir/Hulda

Ekki lögðu þó allir erlendir blaðamenn sem vildi fylgjast með leiknum í það að fara í fimm daga sóttkví. Þannig greindi Oliver Holt, blaðamaður á Daily Mail, að hann hafi komið hingað til lands til þess að fylgjast með leiknum. 

Ef marka má Twitter-færslu hans var hann þó hér aðeins í skamma stund en hann birti meðfylgjandi mynd af sér fyrir utan Laugardalsvöll á laugardaginn.

„Reykjavík er svo falleg borg. Ég hef reyndar einungis séð miðborgina í gegnum rúðuna á leigubíl, en ég myndi vilja koma aftur. Landslagið er frábært líka. Ég hef reyndar líka bara séð það í gegnum rúðuna á leigubíl,“ skrifar Holt á Twitter.

Í samtali við Vísi segir Kjartan Hreinn Njálsson, aðstoðarmaður landlæknis að um tuttugu erlendir blaðamenn hafi komið hingað til lands til að fylgjast með leiknum. Sumir hafi lokið sóttkví en nokkrir aðrir hafi sótt um og fengið heimild til að fara í svokallaða aðlagaða sóttkví, þar sem fylgja þurfi sérstökum reglum, sem lesa má hér.

Samkvæmt þeim þurfa blaðamennirnir almennt að fylgja sóttvarnarreglum í hvívetna en fá hins vegar leyfi til þess að sinna þeirri vinnu sem þeir komu hingað til lands að sinna, í þessu tilfelli landsleikur Íslands og Englands. Segir Holt að þetta leyfi hafi fengist á síðustu stundu en þó í tæka tíð.


Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×