Viðskipti innlent

Innkalla aftur Ford Kuga bíla

Atli Ísleifsson skrifar
Á vef Neytendastofu segir að ástæða innköllunarinnar sé að rannsóknir Ford hafi leitt í ljós að við afar sjaldgæfar aðstæður geti drifrafhlaða bílsins þurft að losa sig við heitar lofttegundir til þess að minnka þrýsting og hita.
Á vef Neytendastofu segir að ástæða innköllunarinnar sé að rannsóknir Ford hafi leitt í ljós að við afar sjaldgæfar aðstæður geti drifrafhlaða bílsins þurft að losa sig við heitar lofttegundir til þess að minnka þrýsting og hita.

Bílaumboðið Brimborg hefur ákveðið að innkalla 22 Ford Kuga PHEV bíla af árgerð 2019-20.

Á vef Neytendastofu segir að ástæða innköllunarinnar sé að rannsóknir Ford hafi leitt í ljós að við afar sjaldgæfar aðstæður geti drifrafhlaða bílsins þurft að losa sig við heitar lofttegundir til þess að minnka þrýsting og hita.

„Við sérstakar aðstæður getur hitin af þessari virkni haft áhrif á aðra íhluti og í versta falli valdið eldhættu. Til að fyrirbyggja að þetta geti gerst hefur Ford ákveðið að bæta við loftstýringu.

Í millitíðinni til að gæta ítrasta öryggis viljum við taka sérstaklega fram að setja bílinn EKKI í hleðslu og keyra hann eingöngu í þeirri stillingu sem bílinn fer í við ræsingu, „AUTO EV“,“ segir í tilkynningunni.

Þetta er í annað sinn í mánuðinum sem innkalla þarf bíla af gerðinni Ford Kuga, en í byrjun mánaðar greindi Neytendastofa frá því að innkalla hafi þurft Ford Kuga PHEV. Þá var ástæða innköllunarinnar sögð vera að skoða þurfi tengi í tölvu fyrir hybrid rafhlöðu en tengið gæti orsakað of mikinn hita í rafhlöðu bílanna.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×