Golf

Sportpakkinn: Allir bestu kylfingarnir með á Genesis mótinu í Kaliforníu

Óskar Ófeigur Jónsson skrifar
Tiger Woods hefur aldrei náð að fagna sigri á Genesis mótinu.
Tiger Woods hefur aldrei náð að fagna sigri á Genesis mótinu. Getty/David Cannon

Golfurum er boðið upp á mikla veislu næstu daga því allar stjörnurnar ætla að mæta til leiks á Genesis PGA-mótinu í Kaliforníu þar á meðal Tiger Woods sem hefur aldrei unnið það. Arnar Björnsson kynnti sér mótið betur.

Norður Írinn Rory McIllroy komst í efsta sætið á heimslistanum í vikunni en þar var hann síðast fyrir 5 árum. Aðeins fjórir kylfingar hafa verið lengur í toppsætinu, Tiger Woods í 883 vikur, Greg Norman (331) og Nick Faldo (97). McIllroy sækir hart að Faldo en hann hefur verið í 1. sætinu í 96 vikur.

McIllroy skákaði Brooks Koepka úr 1. sætinu. Báðir keppa á Genesis mótinu sem byrjar á Riviera vellinum í Pacific Palisades annað kvöld. Af 10 stigahæstu kylfingum heims vantar aðeins Webb Simpson sem er í sjöunda sæti.

Fyrst var keppt á þessu móti fyrir 94 árum, Bubba Watson hefur sigrað þrisvar á þessu móti, 2014, 2016, 2018. Þrír af 12 sigrum hans hafa komið á þessu móti.

 

Klippa: Sportpakkinn: Allir bestu kylfingarnir með á Genesis mótinu í Kaliforníu





Tiger Woods, sem er í áttunda sæti, hefur margoft keppt á mótinu en hefur aldrei náð að vinna. Hann varð í 15. sæti í fyrra, 8 höggum á eftir sigurvegaranum J. B. Holmes.

„Ég hef spilað oft á þessu móti og það er sárt að hafa ekki sigrað á mínum heimaslóðum á móti sem mér er mjög kært. Mér hefur vegnað vel á mótum í San Diego og Sherwood en ekki hérna. Vonandi tekst mér það núna og við getum átt gott spjall á sunnudaginn. Mér hefur alltaf gengið illa að pútta á þessu móti þrátt fyrir að hafa spilað marga hringi á vellinum“, sagði Tiger Woods.

Hér fyrir ofan má sjá frétt Arnars Björnssonar um mótið.

Bein útsending frá Riverside vellinum byrjar á Stöð 2 golf klukkan 19.00 í kvöld.

Heimslistinn í golfi

1. Rory McIllroy

2. Brooks Koepka

3. Jon Rham

4. Justin Thomas

5. Dustin Johnson

6. Patrick Cantley

7. Webb Simpson (ekki með)

8. Tiger Woods

9. Xander Schauffele

10. Justin Rose

11. Tommy Fleetwood (ekki með)

12. Tony Finau

13. Patrick Reed

14. Adam Scott

15. Louis Oosthuizen (ekki með)

    ----

19. Marc Leishman

23. Hideki Matsuyama

38. Jason Day

41. Sergio Garcia

45. Bubba Watson

55. Phil Mickelson


Tengdar fréttir

Rory ætlar að hanga á toppsæti heimslistans

Rory McIlroy komst á mánudaginn í efsta sæti heimslistans í golfi í fyrsta sinn síðan í september árið 2015 og hann ætlar ekkert að gefa sætið eftir á næstunni.




Fleiri fréttir

Sjá meira


×