Erlent

Segjast hafa ráðið leið­toga al-Qa­eda á Arabíu­skaga af dögum

Atli Ísleifsson skrifar
Quasim al-Raymi hafði verið leiðtogi hópsins frá árinu 2015.
Quasim al-Raymi hafði verið leiðtogi hópsins frá árinu 2015. Skjáskot

Bandarísk yfirvöld segjast hafa ráðið leiðtoga hryðjuverkasamtakanna Al-Qaeda á Arabíuskaga af dögum.

Í tilkynningu frá Donald Trump forseta segir að Quasim al-Raymi, sem verið hefur leiðtogi hópsins frá árinu 2015 hafi verið felldur í loftárás Bandaríkjamanna í Jemen. Al-Raymi er sagður hafa skipulagt fjölda árása um árabil.

Al-Qaeda á Arabíuskaga var stofnað árið 2009 og hafa samtökin aðallega starfað í Jemen.

Sögusagnir af dauða Al-Raymi byrjuðu að heyrast í janúar en hafa ekki fengist staðfestar fyrr en nú en árásin á að hafa átt sér stað í desember.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.