Atvinnulíf

Að komast í gegnum vinnudaginn eftir svefnlausa nótt

Rakel Sveinsdóttir skrifar
Margir hafa upplifað tilfinninguna í lífinu að þeim finnist hreinlega þurfa að trekkja þá í gang.
Margir hafa upplifað tilfinninguna í lífinu að þeim finnist hreinlega þurfa að trekkja þá í gang. Getty Images

Fólk getur verið ósofið í vinnunni af ýmsum ástæðum.  Kannski er skýringin ung börn en kannski sofnuðum við ekki af fjárhagsáhyggjum eða streitu.  Síðdegiskaffi og orkudrykkir deginum áður höfðu kannski geta áhrif og stundum förum við of seint að sofa því við erum einfaldlega að vafra á netinu eða horfum á sjónvarpið fram á nótt.  

En hver eru bestu ráðin til að koma okkur í gegnum svona dag?  Kaffi og orkudrykkir út daginn? Nei varla.

Hér eru 6 einföld ráð sem virka.

 

  1.  Drekktu vatn.

Einkenni vökvaskorts eru meðal annars þau að okkur finnst við vera syfjuð og þreytt.  Að drekka vatn er því alltaf gott og ekki síst á erfiðum dögum.  Til að hressa okkur enn betur við er til dæmis hægt að bæta sítrónu í vatnið.

 

  1.  Teygðu úr þér og hreyfðu þig.

Að skella sér í ræktina er besta leiðin til að byggja upp orku.  Eftir svefnlausa nótt er hætta á að svo verði þó ekki raunin.  Fyrir fólk sem starfar í kyrrsetu er mikilvægt að standa reglulega upp yfir daginn.  Helst að teygja aðeins úr sér og reyna að örva blóðrásina með einhverri hreyfingu.  Göngutúr í nokkrar mínútur er frábært ráð og í rauninni allt sem hjálpar til við að örva blóðrásina.

 

  1. Léttur hádegisverður og millimál.

Hamborgari og franskar í hádeginu er ekki málið á svona degi.  Reyndu að velja þér máltíð sem er létt í maga því oft verðum við syfjuð af þungum máltíðum.  Trefjar og prótein úr ávöxtum, grænmeti, kjúkling, fisk eða jógúrt gefur orku.

Að þamba kaffi allan daginn er ekkert endilega leiðin til að halda úti vinnudaginn eftir svefnlausa nótt. Mögulega endar þú líka með að sofna ekki næstu nótt fyrir vikið. Vísir/Getty

  1. Súrefni.

Ef þú mögulega kemst aðeins út úr húsi skaltu endilega grípa tækifærið því það að komast út í súrefnið er vægast sagt hressandi.

 

  1.  Tyggjó.

Já, sumir mæla með tyggjó og segja það geta hjálpað til í smá stund.  Sérstaklega er mælt með mintubragði.

 

  1. Forgangsraðaðu verkefnum dagsins.

Veldu verkefnin vel þá daga þar sem þú veist að þú ert ekki upp á þitt besta.  Aðalmálið er að forðast verkefni sem þú veist að þú hefur ekki einbeitingu til að klára, en klára þó þau verkefni sem eru áríðandi.  Annað skaltu geyma þar til orkan þín og getan til að vera skilvirkari er til staðar. 

 


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.