Auba­mey­ang fékk beint rautt í jafn­tefli Arsenal gegn Palace

Arsenal gerði 1-1 jafntefli við Crystal Palace á útivelli í dag en Pierre-Emerick Aubameyang fékk beint rautt spjald í leiknum.

Arsenal komst yfir á 12. mínútu en þar var að verki Pierre-Emerick Aubameyang eftir magnaða sókn Arsenal-liðsins.

Liðið spilaði boltanum átján sínum á milli sín áður en Aubameyang skoraði eftir laglega stungusendingu frá Lacazette.

No player has scored more Premier League goals away from home this season (9) than Pierre-Emerick Aubameyang.

Arsenal have scored 12 in total. pic.twitter.com/PDm1RvlUFQ

— Squawka Football (@Squawka) January 11, 2020

Staðan var 1-0 fyrir Skytturnar í hálfleik.

Jordan Ayew jafnaði metin á níundu mínútu síðari hálfleiks. Skot hans fór af David Luiz og yfir Bernd Leno í markinu.

Arsenal varð svo fyrir áfalli á 67. mínútu er Aubameyang fékk rautt spjald eftir groddaralegt brot á Max Meyer.

Í fyrstu fékk Aubameyang bara gult spjald en eftir skoðun í VARsjánni var hann sendur í sturtu.

Pierre-Emerick Aubameyang has received a straight red card for the first time in his career.

VAR upgrades the yellow. pic.twitter.com/cVCKjPIWpf

— Squawka Football (@Squawka) January 11, 2020

Arsenal komst þó næst því að skora sigurmarkið en Vicente Guaita varði í tvígang frábærlega frá Arsenal.

Lokatölur 1-1 og Arsenal áfram í 10. sætinu með 28 stig en Palace er sæti ofar með stigi meira.

FT: Crystal Palace 1-1 Arsenal

Mikel Arteta's 10-man Gunners hold on to claim a point. That's their tenth draw of the Premier League season so far.#CRYARS reaction: https://t.co/1UjxgiSGS4pic.twitter.com/e4sMPDQIzK

— BBC Sport (@BBCSport) January 11, 2020