Einkunnir strákanna okkar í kvöld: Aron og Alexander í heimsklassa á móti heimsmeisturunum Íþróttadeild Vísis og Stöðvar tvö skrifar 11. janúar 2020 19:44 Aron Pálmarsson var frábær í dag. Getty/ TF-Images/ Íslenska handboltalandsliðið vann stórkostlegan sigur á heims- og Ólympíumeisturum Dana í fyrsta leik sínum á Evrópumeistaramótinu í Svíþjóð, Noregi og Austurríki. Landsliðsþjálfarinn Guðmundur Guðmundsson lagði leikinn fullkomlega upp, las sína gömlu lærisveina eins og opna bók og hreinlega mátaði eitt besta lið heims. Þetta er risasigur fyrir Guðmund og íslenska landsliðið sem fær nú tækifæri til að gera eitthvað stórt á þessu Evrópumóti. Guðmundur landsliðsþjálfari gat heldur ekki fengið betri leik frá mörgum leikmönnum íslenska liðsins eins og þeim Aroni Pálmarssyni og Alexander Petersson sem báðir frá hæstu einkunn hjá okkur alveg eins og landsliðsþjálfarinn. Það voru líka fleiri að spila frábærlega enda gefum við þrjár sexur fyrir frammistöðuna í dag og fjórar fimmur. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Aron Pálmarsson og Alexander fengu báðir sex eða fullt hús en Aron var engu að síður besti leikmaður íslenska liðsins í kvöld að mati okkar. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir.Einkunnir Íslands gegn Danmörku:- Byrjunarlið Íslands í leiknum -Björgvin Páll Gústavsson, mark - 4 (9 varin skot- 36:15 mín.) Átti í erfiðleikum lengi framan af í leiknum. Náði að koma sér í gírinn á réttum tíma undir lokin. Varsla hans í lokin var eitt af því mikilvægasta hjá íslenska liðinu í leiknum. Vonandi nær hann að byggja ofan á þetta.Guðjón Valur Sigurðsson, vinstra horn - 5 (4 mörk - 59:26 mín.) Fyrirliðinn lék mjög vel og ekki síst varnarlega. Skilaði fjórum mörkum úr sex skotum, hengdi aldrei haus og virkaði hvetjandi inn á vellinum. Þetta er sá Guðjón sem við þekkjum og elskum.Aron Pálmarsson, vinstri skytta - 6 (10 mörk - 44:13 mín.) Heimsklassa frammistaða á móti heims- og Ólympíumeisturunum. Hann undirstrikaði í þessum leik að í dag er hann einn besti handboltamaður heims og kannski sá besti. Hans besti í háans herrans tíð með íslenska landsliðinu. Ekki bara sóknarlega heldur varnarlega líka.Elvar Örn Jónsson, leikstjórnandi - 4 (1 mark - 44:40 mín.) Skilaði sínu sóknarlega og það er ekki hægt að fara fram á meira. Hann var hins vegar í vandræðum varnarlega lungann úr leiknum. Oftar en ekki út úr fasa. Hann á mikið inni og virkar í mjög góðu standi.Alexander Petersson, hægri skytta - 6 (5 mörk - 58:11 mín.) Heimsklassa frammistaða í endurkomunni sem verður lengi í minnum höfð. Var stórkostlegur varnarlega og skilaði frábærum mörkum á dýrmætum tíma þegar sóknina vantaði mótvægi við Aron. Smitaði út frá sér til annarra leikmanna. Hann hafði greinilega gaman af þessu.Arnór Þór Gunnarsson, hægra horn - 5 (2 mörk - 60:00 mín.) Var frábær og þá ekki síst varnarlega. Auðvitað fékk hann ekki mikið úr að moða í horninu en hann er leikmaður sem aldrei bregst. Skilar alltaf sínu og leggur sig hundrað prósent í verkefnið.Kári Kristjánsson, lína - 5 (4 mörk - 17:24 mín.) Lék líklega sinn besta landsleik í langan tíma. Hann var frábær. Var ekki bara að skora eða fiska víti heldur bjó hann til blokkir fyrir samherja sína. Hann geislaði af sjálfstrausti.Ýmir Örn Gíslason, vörn - 5 (3 stopp - 43:31 mín.) Var magnaður varnarlega og undirstrikaði í þessum leik, gegn einu besta liði heims, að í dag er hann okkar besti varnarmaður. Ótrúlegur jaxl og minnti á köflum á Gunnar Nelson í fótahreyfingunum. Skynsemin hreinlega lak af honum allan leikinn og virðist vera í toppstandi.- Menn sem komu inn af bekknum í leiknum -Janus Daði Smárason, leikstjórnandi - 4 (1 mark - 20:59 mín.) Frábær innkoma hjá Janusi Daða. Við höfum lengi beðið eftir þessari frammistöðu hjá honum með landsliðinu. Stýrði liðinu óaðfinnanlega í síðari hálfleik sem minnti mjög á frammistöðu hans með danska liðinu Álaborg í Meistaradeildinni. Nái hann að bæta sinn leik er ekki ólíklegt að Ísland gæti komist langt.Viktor Gísli Hallgrímsson, mark - 4 (3 varin skot- 18:38 mín.) Þessi nítján ára gamli markvörður er án nokkur vafa einn sá efnilegasti í Evrópu í dag. Sýndi styrk sinn þegar hann kom inn. Á mikið inni en hann á sannarlega heima í íslenska landsliðinu og verður bara betri.Ólafur Guðmundsson, vinstri skytta - 4 (1 mark - 14:11 mín.) Var í vandræðum sóknarlega og spilaði ekki mikið þar. Skilaði góðu marki úr hraðaupphlaupi og fiskaði Landin útaf með rautt. Hann er hins vegar frábær varnarlega en honum virðist á stundum skorta sjálfstraust sem er skrýtið því reynslan er mikil.Bjarki Már Elísson, vinstra horn, vinstra horn - 4 (2 mörk - 34 sek.) Það er ekki einfalt að koma inn ískaldur af bekknum til að taka vítaköst þar sem þú mátt ekki klikka. Bjarki nýtti bæði vítin sín með bravör. Allir sem hafa fylgst með þýska boltanum vita að þarna er leikmaður í fremstu röð.Viggó Kristjánsson, hægri skytta - spilaði of lítiðSigvaldi Guðjónsson, hægra horn - spilaði ekkertHaukur Þrastarson, vinstri skytta - spilaði ekkertArnar Freyr Arnarsson, lína - spilaði ekkertGuðmundur Guðmundsson, þjálfari - 6 Nikolaj Jacobsen, landsliðsþjálfari Dana, hafði áhyggjur fyrir leikinn, ekki beint af íslenska liðinu heldur kollega sínum Guðmundi Guðmundssyni. Guðmundur hafði lesið sína fyrrum lærisveina eins og opna bók. Danir vorum í vandræðum með að finna réttu svörin. Það var sama hvað þeir reyndu, Guðmundur hafði öll svör á hendi í þessari skák og mátaði Dani.Útskýring á einkunnum: 6 - Heimsklassa frammistaða 5 - Frábær frammistaða 4 - Góð frammistaða 3 - Sæmileg frammistaða - skilaði sínu 2 - Ekki nógu góð frammistaða 1 - Slakur leikur EM 2020 í handbolta Mest lesið Úr húsvarðarstarfi í atvinnumennsku Handbolti Rooney segir United losa sig við nær allan leikmannahópinn Enski boltinn Slys á æfingu fyrir fjórum árum er enn að eyðileggja fyrir Söru Sport Einbeitir sér að því að komast í NBA frekar en að spila með pabba sínum Körfubolti „Núna ætla ég að klára þetta þar sem þetta er síðasta tímabilið mitt hérna“ Sport Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Tiger trúir enn á sjálfan sig: „Líður enn eins og ég geti unnið golfmót“ Golf Gerir sér grein fyrir erfiðu tímabili: „Þið eruð bestu stuðningsmenn í heimi“ Enski boltinn „Þetta var eitt það erfiðasta sem ég hef farið í gegnum“ Sport Birna með slitið krossband og missir af úrslitaeinvíginu Körfubolti Fleiri fréttir Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld Sjá meira
Íslenska handboltalandsliðið vann stórkostlegan sigur á heims- og Ólympíumeisturum Dana í fyrsta leik sínum á Evrópumeistaramótinu í Svíþjóð, Noregi og Austurríki. Landsliðsþjálfarinn Guðmundur Guðmundsson lagði leikinn fullkomlega upp, las sína gömlu lærisveina eins og opna bók og hreinlega mátaði eitt besta lið heims. Þetta er risasigur fyrir Guðmund og íslenska landsliðið sem fær nú tækifæri til að gera eitthvað stórt á þessu Evrópumóti. Guðmundur landsliðsþjálfari gat heldur ekki fengið betri leik frá mörgum leikmönnum íslenska liðsins eins og þeim Aroni Pálmarssyni og Alexander Petersson sem báðir frá hæstu einkunn hjá okkur alveg eins og landsliðsþjálfarinn. Það voru líka fleiri að spila frábærlega enda gefum við þrjár sexur fyrir frammistöðuna í dag og fjórar fimmur. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Aron Pálmarsson og Alexander fengu báðir sex eða fullt hús en Aron var engu að síður besti leikmaður íslenska liðsins í kvöld að mati okkar. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir.Einkunnir Íslands gegn Danmörku:- Byrjunarlið Íslands í leiknum -Björgvin Páll Gústavsson, mark - 4 (9 varin skot- 36:15 mín.) Átti í erfiðleikum lengi framan af í leiknum. Náði að koma sér í gírinn á réttum tíma undir lokin. Varsla hans í lokin var eitt af því mikilvægasta hjá íslenska liðinu í leiknum. Vonandi nær hann að byggja ofan á þetta.Guðjón Valur Sigurðsson, vinstra horn - 5 (4 mörk - 59:26 mín.) Fyrirliðinn lék mjög vel og ekki síst varnarlega. Skilaði fjórum mörkum úr sex skotum, hengdi aldrei haus og virkaði hvetjandi inn á vellinum. Þetta er sá Guðjón sem við þekkjum og elskum.Aron Pálmarsson, vinstri skytta - 6 (10 mörk - 44:13 mín.) Heimsklassa frammistaða á móti heims- og Ólympíumeisturunum. Hann undirstrikaði í þessum leik að í dag er hann einn besti handboltamaður heims og kannski sá besti. Hans besti í háans herrans tíð með íslenska landsliðinu. Ekki bara sóknarlega heldur varnarlega líka.Elvar Örn Jónsson, leikstjórnandi - 4 (1 mark - 44:40 mín.) Skilaði sínu sóknarlega og það er ekki hægt að fara fram á meira. Hann var hins vegar í vandræðum varnarlega lungann úr leiknum. Oftar en ekki út úr fasa. Hann á mikið inni og virkar í mjög góðu standi.Alexander Petersson, hægri skytta - 6 (5 mörk - 58:11 mín.) Heimsklassa frammistaða í endurkomunni sem verður lengi í minnum höfð. Var stórkostlegur varnarlega og skilaði frábærum mörkum á dýrmætum tíma þegar sóknina vantaði mótvægi við Aron. Smitaði út frá sér til annarra leikmanna. Hann hafði greinilega gaman af þessu.Arnór Þór Gunnarsson, hægra horn - 5 (2 mörk - 60:00 mín.) Var frábær og þá ekki síst varnarlega. Auðvitað fékk hann ekki mikið úr að moða í horninu en hann er leikmaður sem aldrei bregst. Skilar alltaf sínu og leggur sig hundrað prósent í verkefnið.Kári Kristjánsson, lína - 5 (4 mörk - 17:24 mín.) Lék líklega sinn besta landsleik í langan tíma. Hann var frábær. Var ekki bara að skora eða fiska víti heldur bjó hann til blokkir fyrir samherja sína. Hann geislaði af sjálfstrausti.Ýmir Örn Gíslason, vörn - 5 (3 stopp - 43:31 mín.) Var magnaður varnarlega og undirstrikaði í þessum leik, gegn einu besta liði heims, að í dag er hann okkar besti varnarmaður. Ótrúlegur jaxl og minnti á köflum á Gunnar Nelson í fótahreyfingunum. Skynsemin hreinlega lak af honum allan leikinn og virðist vera í toppstandi.- Menn sem komu inn af bekknum í leiknum -Janus Daði Smárason, leikstjórnandi - 4 (1 mark - 20:59 mín.) Frábær innkoma hjá Janusi Daða. Við höfum lengi beðið eftir þessari frammistöðu hjá honum með landsliðinu. Stýrði liðinu óaðfinnanlega í síðari hálfleik sem minnti mjög á frammistöðu hans með danska liðinu Álaborg í Meistaradeildinni. Nái hann að bæta sinn leik er ekki ólíklegt að Ísland gæti komist langt.Viktor Gísli Hallgrímsson, mark - 4 (3 varin skot- 18:38 mín.) Þessi nítján ára gamli markvörður er án nokkur vafa einn sá efnilegasti í Evrópu í dag. Sýndi styrk sinn þegar hann kom inn. Á mikið inni en hann á sannarlega heima í íslenska landsliðinu og verður bara betri.Ólafur Guðmundsson, vinstri skytta - 4 (1 mark - 14:11 mín.) Var í vandræðum sóknarlega og spilaði ekki mikið þar. Skilaði góðu marki úr hraðaupphlaupi og fiskaði Landin útaf með rautt. Hann er hins vegar frábær varnarlega en honum virðist á stundum skorta sjálfstraust sem er skrýtið því reynslan er mikil.Bjarki Már Elísson, vinstra horn, vinstra horn - 4 (2 mörk - 34 sek.) Það er ekki einfalt að koma inn ískaldur af bekknum til að taka vítaköst þar sem þú mátt ekki klikka. Bjarki nýtti bæði vítin sín með bravör. Allir sem hafa fylgst með þýska boltanum vita að þarna er leikmaður í fremstu röð.Viggó Kristjánsson, hægri skytta - spilaði of lítiðSigvaldi Guðjónsson, hægra horn - spilaði ekkertHaukur Þrastarson, vinstri skytta - spilaði ekkertArnar Freyr Arnarsson, lína - spilaði ekkertGuðmundur Guðmundsson, þjálfari - 6 Nikolaj Jacobsen, landsliðsþjálfari Dana, hafði áhyggjur fyrir leikinn, ekki beint af íslenska liðinu heldur kollega sínum Guðmundi Guðmundssyni. Guðmundur hafði lesið sína fyrrum lærisveina eins og opna bók. Danir vorum í vandræðum með að finna réttu svörin. Það var sama hvað þeir reyndu, Guðmundur hafði öll svör á hendi í þessari skák og mátaði Dani.Útskýring á einkunnum: 6 - Heimsklassa frammistaða 5 - Frábær frammistaða 4 - Góð frammistaða 3 - Sæmileg frammistaða - skilaði sínu 2 - Ekki nógu góð frammistaða 1 - Slakur leikur
EM 2020 í handbolta Mest lesið Úr húsvarðarstarfi í atvinnumennsku Handbolti Rooney segir United losa sig við nær allan leikmannahópinn Enski boltinn Slys á æfingu fyrir fjórum árum er enn að eyðileggja fyrir Söru Sport Einbeitir sér að því að komast í NBA frekar en að spila með pabba sínum Körfubolti „Núna ætla ég að klára þetta þar sem þetta er síðasta tímabilið mitt hérna“ Sport Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Tiger trúir enn á sjálfan sig: „Líður enn eins og ég geti unnið golfmót“ Golf Gerir sér grein fyrir erfiðu tímabili: „Þið eruð bestu stuðningsmenn í heimi“ Enski boltinn „Þetta var eitt það erfiðasta sem ég hef farið í gegnum“ Sport Birna með slitið krossband og missir af úrslitaeinvíginu Körfubolti Fleiri fréttir Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld Sjá meira