Leik lokið: Ís­land - Ung­verja­land 18-24 | Algjört hrun og strákarnir fara stigalausir í milliriðil

Ingvi Þór Sæmundsson skrifar
Íslenska liðið tapaði seinni hálfleiknum, 15-6.
Íslenska liðið tapaði seinni hálfleiknum, 15-6. vísir/epa

Ísland tapaði fyrir Ungverjalandi, 18-24, í síðasta leik sínum í E-riðli Evrópumótsins í handbolta. Íslendingar fara stigalausir í milliriðil II en Ungverjar taka tvö stig með sér.



Ungverjar skoruðu fyrstu þrjú mörk leiksins en Íslendingar svöruðu með 6-0 kafla. Ísland náði mest fimm marka forskoti í fyrri hálfleik en munurinn að honum loknum var þrjú mörk, 12-9.



Seinni hálfleikurinn var svo afleitur af Íslands hálfu. Liðið skoraði aðeins sex mörk gegn 15 mörkum Ungverjalands.



Ísland tapaði síðustu 16 mínútum leiksins, 8-1, og tapaði á endanum með sex mörk, 18-24.



Guðjón Valur Sigurðsson og Aron Pálmarsson voru markahæstir Íslendinga með fjögur mörk hvor.

Tengd skjöl

Bein lýsing

Leikirnir




    Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
    Velkomin á Vísi. Þessi vefur notar vafrakökur. Sjá nánar.