Tók þátt í umfangsmiklum njósnum Harvey Weinstein: „Ég var bara að vinna vinnuna mína“ Sunna Kristín Hilmarsdóttir skrifar 16. janúar 2020 10:30 Freedman í viðtalinu við BBC sem birt var fyrr í vikunni. Seth Freedman, sem starfaði fyrir einkaspjæjarafyrirtækið Black Cube, kveðst ekki vera með sektarkennd yfir neinu af því sem hann gerði í störfum sínum fyrir fyrirtækið. Freedman var einn af þeim sem kom að umfangsmiklum njósnum kvikmyndaframleiðandans fyrrverandi Harvey Weinstein, en Weinstein réð Black Cube til að vinna fyrir sig árið 2016. Fyrirtækið fékk langan lista af nöfnum á fólki sem Weinstein vildi njósna um, þar á meðal voru konur sem sökuðu hann um kynferðisofbeldi og blaðamenn sem voru að rannsaka ásakanirnar á hendur honum. Weinstein hefur nú verið ákærður fyrir kynferðisofbeldi gegn fjórum konum í Bandaríkjunum. Réttarhöld í öðru málinu fara fram þessa dagana í New York en þegar þeim lýkur þarf Weinstein að koma fyrir rétt í Los Angeles og svara til saka. Þóttist vera blaðamaður sem hafði unnið fyrir Guardian Freedman þóttist vera blaðamaður og kvaðst hafa unnið fyrir Guardian. Hann væri að vinna að stórri umfjöllun um hvernig lífið í Hollywood væri árin 2016/2017 miðað við fyrir tuttugu árum. Freedman hafði meðal annars samband við leikkonuna Rose McGowan, eina af fyrstu konunum sem sökuðu Weinstein um kynferðisofbeldi opinberlega haustið 2017. Freedman fékk upplýsingar frá McGowan sem síðan fóru beint til Weinstein. „Black Cube er einkaspæjarafyrirtæki. Allt það sem viðskiptavinir þeirra vilja er í boði og það er framkvæmt af fólki sem vanalega hefur hlotið þjálfun hjá ísraelsku leyniþjónustunni, Mossad, eða öðrum leyniþjónustum,“ segir Freedman í viðtali við BBC, fyrsta sjónvarpsviðtalinu sem hann veitir eftir að hann var afhjúpaður sem einn af njósnurum Weinstein. Fékk að vita að það væri í gangi samsæri gegn Weinstein Freedman fékk að vita að Black Cube hefði fengið nýtt verkefni í Hollywood. Vanalega fengu starfsmenn ekki að vita fyrir hvern þeir væru að vinna en í þessu tilfelli var augljóst að viðskiptavinurinn var Harvey Weinstein. „Mér var sagt að það væri samsæri í gangi gegn honum. Fjöldi fólks væri að reyna að ljúga upp á hann og setja fram alls konar neikvæða hluti um hann opinberlega, hvort sem það væri í fjölmiðlum eða innan kvikmyndaiðnaðarins.“ Freedman segir að fyrsti listinn af fólki sem Black Cube átti að njósna um hafi líklega samanstaðið af fimm karlmönnum og einni konu. „En listinn af fólki sem Harvey vildi að við færum á eftir varð alltaf lengri og lengri. Þegar mest var þá var 91 einstaklingur á listanum. Leikarar og leikkonur sem höfðu unnið fyrir hann í fortíðinni. Þetta fólk virtist ekki vera í einhvers konar plotti gegn honum en ég var bara að vinna vinnuna mína. Ég var ekki að spyrja: „Skiptir þetta fólk máli?“ Mér var bara sagt að þetta væri sá sem ég ætti að fara á eftir,“ segir Freedman. Leikkonan Rose McGowan var ein af þeim fyrstu sem stigu fram og sökuðu Weinstein um kynferðislega áreitni. Hér ávarpar hún mannfjöldann fyrir utan dómstólinn í New York þegar réttarhöldin hófust yfir Weinstein.vísir/getty Segist ekki hafa minnst á Weinstein að fyrra bragði við McGowan Nafn Rose McGowan birtist á listanum eftir uppfærslu frá Weinstein. Freedman hafði samband við hana í gegnum umboðsmann hennar og kynnti sig á sama hátt og venjulega; blaðamaður að skrifa um lífið í Hollywood. Eins og blaðamenn gjarnan gera tók Freedman viðtal sitt við McGowan upp. Upptakan rataði síðan til Weinstein í gegnum Black Cube en Freedman kveðst ekkert hafa minnst á Weinstein að fyrra bragði við McGowan. „Ég veit jafnvel ekki einu sinni hverjar ásakanirnar eru á þessum tímapunkti. Hún minnist á þetta og segir: „Þessi leikstjóri réðst á mig. Ég ætla að segja frá þessu í bókinni minn.““ Freedman segist hafa spurt hana hvað hún gerði, hvort hún hafi farið til lögreglunnar og hvort hún hafi skrifað undir skjal sem banni henni að ræða málið. Hann segir að þau hafi rætt þetta í kannski eina til tvær mínútur. „Ég læt Black Cube hafa upptökuna og þeir láta Harvey Weinstein og lögmenn hans fá hana og sjá þá að þetta er kannski það sem hún ætlar sér með þessari bók sinni. Mér er nákvæmlega sama þótt fólk vilji sitja og predika „Oh, þetta er svo hræðilegt því hún er einhver sem hefur komist lífs af.“ Það reynir ekki á neitt af þessu fyrir rétti svo ég er algjörlega hlutlaus gagnvart þessu öllu,“ segir Freedman. Weinstein kemur til réttarhaldanna í New York á dögunum.vísir/getty „Ég finn ekki til sektarkenndar út af neinu sem ég gerði fyrir Black Cube“ Þá segir hann það ekki rétt sem ítrekað hafi komið fram í fjölmiðlum að Weinstein hafi ráðið Black Cube til þess að ógna, áreita og þagga niður í fórnarlömbum hans. Ekkert slíkt hafi gerst því það væri ólöglegt. „Þöggunin, ef það var þá einhver þöggun, var fyrir mörgum árum og löngu áður en Black Cube kom inn í þetta. Fólk sem ásakaði Weinstein fór af einhverjum ástæðum ekki og skrifuðu undir samkomulag um að tala ekki.“ Spurður hvort hann finni til sektarkenndar fyrir að hringja í Rose McGowan svarar Freedman neitandi. „Ég finn ekki til sektarkenndar út af neinu sem ég gerði fyrir Black Cube. Ég meina, eins og ég sé þetta, ef þú ert leikkona sem vinnur í Hollywood og blaðamaður hringir í þig og þú ákveður að tala við hann, þannig virkar þetta einfaldlega.“ Freedman var ungur að aldri þegar hann fór að starfa sem njósnari eða einkaspæjari og segir að það séu fleiri njósnarar eða spæjarar að störfum en almenningur geri sér grein fyrir. Bandaríkin Hollywood Mál Harvey Weinstein MeToo Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Lífið heldur áfram eftir svona áfall“ Innlent Varaforsetaefni í bobba vegna hundsdráps og meints fundar með Kim Erlent Ríflega fjörutíu prósent líst illa á Katrínu Innlent Ók á tvö hundruð með lögguna á hælunum Innlent Flugvél Atlanta á tæpasta vaði í Ríad Erlent Katrín efst en Jón hrynur í nýrri könnun Innlent „Ég get ekki annað en sagt satt“ Innlent Ótrúlegustu aðskotahlutir gera óskunda í dósatalningarvélum Innlent Sigu niður í Gretti sterka og dældu úr honum sjó Innlent Hafa rukkað þá sem valda sinubruna um kostnað við útkall Innlent Fleiri fréttir Berlínarborg vill losna við glæsivillu Göbbels Flugvél Atlanta á tæpasta vaði í Ríad Varaforsetaefni í bobba vegna hundsdráps og meints fundar með Kim Kreml fordæmir ummæli Macrons og Camerons Reyna að sækja fyrsta sýnið frá fjærhlið tunglsins Hlustuðu á Trump og Cohen tala um þagnargreiðslu Danir rýmka reglur um þungunarrof Þrjátíu látnir og tuga saknað eftir flóð í Brasilíu Segja frumvarp um gyðingaandúð í andstöðu við Biblíuna Tyrkir stöðva öll viðskipti við Ísrael „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Sjá meira
Seth Freedman, sem starfaði fyrir einkaspjæjarafyrirtækið Black Cube, kveðst ekki vera með sektarkennd yfir neinu af því sem hann gerði í störfum sínum fyrir fyrirtækið. Freedman var einn af þeim sem kom að umfangsmiklum njósnum kvikmyndaframleiðandans fyrrverandi Harvey Weinstein, en Weinstein réð Black Cube til að vinna fyrir sig árið 2016. Fyrirtækið fékk langan lista af nöfnum á fólki sem Weinstein vildi njósna um, þar á meðal voru konur sem sökuðu hann um kynferðisofbeldi og blaðamenn sem voru að rannsaka ásakanirnar á hendur honum. Weinstein hefur nú verið ákærður fyrir kynferðisofbeldi gegn fjórum konum í Bandaríkjunum. Réttarhöld í öðru málinu fara fram þessa dagana í New York en þegar þeim lýkur þarf Weinstein að koma fyrir rétt í Los Angeles og svara til saka. Þóttist vera blaðamaður sem hafði unnið fyrir Guardian Freedman þóttist vera blaðamaður og kvaðst hafa unnið fyrir Guardian. Hann væri að vinna að stórri umfjöllun um hvernig lífið í Hollywood væri árin 2016/2017 miðað við fyrir tuttugu árum. Freedman hafði meðal annars samband við leikkonuna Rose McGowan, eina af fyrstu konunum sem sökuðu Weinstein um kynferðisofbeldi opinberlega haustið 2017. Freedman fékk upplýsingar frá McGowan sem síðan fóru beint til Weinstein. „Black Cube er einkaspæjarafyrirtæki. Allt það sem viðskiptavinir þeirra vilja er í boði og það er framkvæmt af fólki sem vanalega hefur hlotið þjálfun hjá ísraelsku leyniþjónustunni, Mossad, eða öðrum leyniþjónustum,“ segir Freedman í viðtali við BBC, fyrsta sjónvarpsviðtalinu sem hann veitir eftir að hann var afhjúpaður sem einn af njósnurum Weinstein. Fékk að vita að það væri í gangi samsæri gegn Weinstein Freedman fékk að vita að Black Cube hefði fengið nýtt verkefni í Hollywood. Vanalega fengu starfsmenn ekki að vita fyrir hvern þeir væru að vinna en í þessu tilfelli var augljóst að viðskiptavinurinn var Harvey Weinstein. „Mér var sagt að það væri samsæri í gangi gegn honum. Fjöldi fólks væri að reyna að ljúga upp á hann og setja fram alls konar neikvæða hluti um hann opinberlega, hvort sem það væri í fjölmiðlum eða innan kvikmyndaiðnaðarins.“ Freedman segir að fyrsti listinn af fólki sem Black Cube átti að njósna um hafi líklega samanstaðið af fimm karlmönnum og einni konu. „En listinn af fólki sem Harvey vildi að við færum á eftir varð alltaf lengri og lengri. Þegar mest var þá var 91 einstaklingur á listanum. Leikarar og leikkonur sem höfðu unnið fyrir hann í fortíðinni. Þetta fólk virtist ekki vera í einhvers konar plotti gegn honum en ég var bara að vinna vinnuna mína. Ég var ekki að spyrja: „Skiptir þetta fólk máli?“ Mér var bara sagt að þetta væri sá sem ég ætti að fara á eftir,“ segir Freedman. Leikkonan Rose McGowan var ein af þeim fyrstu sem stigu fram og sökuðu Weinstein um kynferðislega áreitni. Hér ávarpar hún mannfjöldann fyrir utan dómstólinn í New York þegar réttarhöldin hófust yfir Weinstein.vísir/getty Segist ekki hafa minnst á Weinstein að fyrra bragði við McGowan Nafn Rose McGowan birtist á listanum eftir uppfærslu frá Weinstein. Freedman hafði samband við hana í gegnum umboðsmann hennar og kynnti sig á sama hátt og venjulega; blaðamaður að skrifa um lífið í Hollywood. Eins og blaðamenn gjarnan gera tók Freedman viðtal sitt við McGowan upp. Upptakan rataði síðan til Weinstein í gegnum Black Cube en Freedman kveðst ekkert hafa minnst á Weinstein að fyrra bragði við McGowan. „Ég veit jafnvel ekki einu sinni hverjar ásakanirnar eru á þessum tímapunkti. Hún minnist á þetta og segir: „Þessi leikstjóri réðst á mig. Ég ætla að segja frá þessu í bókinni minn.““ Freedman segist hafa spurt hana hvað hún gerði, hvort hún hafi farið til lögreglunnar og hvort hún hafi skrifað undir skjal sem banni henni að ræða málið. Hann segir að þau hafi rætt þetta í kannski eina til tvær mínútur. „Ég læt Black Cube hafa upptökuna og þeir láta Harvey Weinstein og lögmenn hans fá hana og sjá þá að þetta er kannski það sem hún ætlar sér með þessari bók sinni. Mér er nákvæmlega sama þótt fólk vilji sitja og predika „Oh, þetta er svo hræðilegt því hún er einhver sem hefur komist lífs af.“ Það reynir ekki á neitt af þessu fyrir rétti svo ég er algjörlega hlutlaus gagnvart þessu öllu,“ segir Freedman. Weinstein kemur til réttarhaldanna í New York á dögunum.vísir/getty „Ég finn ekki til sektarkenndar út af neinu sem ég gerði fyrir Black Cube“ Þá segir hann það ekki rétt sem ítrekað hafi komið fram í fjölmiðlum að Weinstein hafi ráðið Black Cube til þess að ógna, áreita og þagga niður í fórnarlömbum hans. Ekkert slíkt hafi gerst því það væri ólöglegt. „Þöggunin, ef það var þá einhver þöggun, var fyrir mörgum árum og löngu áður en Black Cube kom inn í þetta. Fólk sem ásakaði Weinstein fór af einhverjum ástæðum ekki og skrifuðu undir samkomulag um að tala ekki.“ Spurður hvort hann finni til sektarkenndar fyrir að hringja í Rose McGowan svarar Freedman neitandi. „Ég finn ekki til sektarkenndar út af neinu sem ég gerði fyrir Black Cube. Ég meina, eins og ég sé þetta, ef þú ert leikkona sem vinnur í Hollywood og blaðamaður hringir í þig og þú ákveður að tala við hann, þannig virkar þetta einfaldlega.“ Freedman var ungur að aldri þegar hann fór að starfa sem njósnari eða einkaspæjari og segir að það séu fleiri njósnarar eða spæjarar að störfum en almenningur geri sér grein fyrir.
Bandaríkin Hollywood Mál Harvey Weinstein MeToo Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Lífið heldur áfram eftir svona áfall“ Innlent Varaforsetaefni í bobba vegna hundsdráps og meints fundar með Kim Erlent Ríflega fjörutíu prósent líst illa á Katrínu Innlent Ók á tvö hundruð með lögguna á hælunum Innlent Flugvél Atlanta á tæpasta vaði í Ríad Erlent Katrín efst en Jón hrynur í nýrri könnun Innlent „Ég get ekki annað en sagt satt“ Innlent Ótrúlegustu aðskotahlutir gera óskunda í dósatalningarvélum Innlent Sigu niður í Gretti sterka og dældu úr honum sjó Innlent Hafa rukkað þá sem valda sinubruna um kostnað við útkall Innlent Fleiri fréttir Berlínarborg vill losna við glæsivillu Göbbels Flugvél Atlanta á tæpasta vaði í Ríad Varaforsetaefni í bobba vegna hundsdráps og meints fundar með Kim Kreml fordæmir ummæli Macrons og Camerons Reyna að sækja fyrsta sýnið frá fjærhlið tunglsins Hlustuðu á Trump og Cohen tala um þagnargreiðslu Danir rýmka reglur um þungunarrof Þrjátíu látnir og tuga saknað eftir flóð í Brasilíu Segja frumvarp um gyðingaandúð í andstöðu við Biblíuna Tyrkir stöðva öll viðskipti við Ísrael „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Sjá meira