Leik lokið: Portúgal - Ís­land 25-28 | Frábær sigur á Portúgölum

Ingvi Þór Sæmundsson skrifar
Ýmir Örn Gíslason fagnar sigri í leikslok.
Ýmir Örn Gíslason fagnar sigri í leikslok. EPA-EFE/ANDREAS HILLERGREN

Ísland vann þriggja marka sigur á sterku liði Portúgals, 25-28, í öðrum leik sínum í milliriðli II á EM 2020 í dag.



Íslendingar byrjuðu leikinn frábærlega og komust í 2-8 en Portúgalar unnu sig svo inn í leikinn. Staðan í hálfleik var 12-14, Íslandi í vil.



Seinni hálfleikurinn var æsispennandi. Portúgal komst yfir í fyrsta sinn í stöðunni 17-16. Ísland komst þremur mörkum yfir, 19-22, en Portúgal svaraði með þremur mörkum í röð.



Íslenska liðið var svo sterkara undir lokin og vann lokakaflann 6-3 og leikinn, 25-28. Ísland er því komið með tvö stig í milliriðli II.



Janus Daði Smárason skoraði átta mörk og þeir Guðjón Valur Sigurðsson, Alexander Petersson og Aron Pálmarsson fimm mörk hver. Björgvin Páll Gústavsson varði 16 skot (40%) í íslenska markinu.



Næsti leikur Íslands er gegn Noregi á þriðjudaginn.



Henry Birgir Gunnarsson er okkar maður í Malmö og hér má sjá hans uppgjör á leiknum.

Tengd skjöl

Bein lýsing

Leikirnir




    Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
    Velkomin á Vísi. Þessi vefur notar vafrakökur. Sjá nánar.