Erlent

Leikstjórinn Alan Parker látinn

Kjartan Kjartansson skrifar
Alan Parker á alþjóðakvikmyndahátíðinni í Moskvu árið 2004.
Alan Parker á alþjóðakvikmyndahátíðinni í Moskvu árið 2004. AP/Misha Japaridze

Alan Parker, breski leikstjórinn sem er hvað þekktastur fyrir myndir eins og „Midnight Express“, „Bugsy Malone“ og „Evitu“ er látinn, 76 ára að aldri. Kvikmyndir hans unnu til tíu Óskarsverðlauna og nítján BAFTA-verðlauna.

Fjölskylda Parker segir að hann hafi látist í London eftir langvarandi veikindi, að sögn AP-fréttastofunnar.

Auk þess að leikstýra fjölda kvikmynda var Parker stjórnarformaður Kvikmyndastofnunar Bretlands og breska kvikmyndaráðsins á sínum tíma. Elísabet Bretadrottning sló hann til riddara árið 2002.

Parker var tilnefndur til Óskarsverðlauna sem besti leikstjórinn fyrir „Midnight Express“ sem fjallaði um Bandaríkjamann sem leið þjáningar í tyrknesku fangelsi. Myndin hlaut tvenn Óskarsverðlaun.

Hann leikstýrði fjölda söngleikja um ævina. Auk „Bugsy Malone“, sem skartaði meðal annars ungri Jodie Foster, gerði Parker „Fame“ og „Vegginn“ með hljómsveitinni Pink Floyd. Í „The Commitments“ fjallaði Parker um írska hljómsveit og þá leikstýrði hann söngkonunni Madonnu í hlutverki Evu Perón, forsetafrúar Argentínu, í myndinni „Evitu“.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.