Tenet loks að koma í kvikmyndahús Heiðar Sumarliðason skrifar 22. júlí 2020 19:31 John David Washington leikur aðalhlutverkið í væntanlegri kvikmynd Christophers Nolans. Kvikmyndin Tenet er nýjasta verk leikstjórans Christophers Nolans, en samkvæmt spám átti hún að vera stórmynd sumarsins. Útbreiðsla Covid-19 hefur haft það í för með sér að útgáfu hennar hefur margoft verið seinkað. Kvikmyndaverið Warner Bros hefur nú gefist upp á að láta kórónuveiruna ráða för, og mun myndin koma út á svæðum sem þykja örugg. Upprunaleg áætlun Warner var að bíða veiruna af sér og gefa myndina út alls staðar í heiminum á sama tíma, líkt og tíðkast með flestar stórmyndir. Nú virðist útséð um að langt er í þann dag, því hefur kvikmyndaverið brugðist við og mun gefa myndina út á nokkrum svæðum í einu. Þetta var hátturinn á árum áður, þegar stórmyndir komu sjaldnast út á sama tíma um heim allan. Warner hafa ekki enn gefið út nákvæma dagsetningu útgáfunnar, en samkvæmt heimildum tímaritsins Hollywood Reporter mun hún vera í síðari hluta ágústmánaðar. Warner ætla þó að bíða þar til í september með að gefa hana út í Bandaríkjunum. Þar mun hún koma út hægt og rólega, og fara víðar eftir því sem fleiri fylki gefa grænt ljós á opnun kvikmyndahúsa. Þó svo að kvikmyndahús víða um heim hafi opnað aftur síðustu misserin, er það helst óttinn við ólöglegt niðurhal sem hefur staðið í vegi fyrir að kvikmyndaverin bandarísku gefi myndir sínar út. En líklegt þykir að komist Tenet í ólöglega dreifingu á netinu muni það hafa neikvæð áhrif á aðsókn á þeim svæðum sem hafa ekki enn opnað bíóin. Innanbúðarmenn í Hollywood segja þetta vera þann veruleika sem kvikmyndabransinn búi við í dag og að ekki verði beðið lengur. Engar tekjur séu að koma í kassann, því sé rekstur kvikmyndahúsa og kvikmyndavera í hættu og bregðast verði við því. Íslensk kvikmyndahús verða að teljast líkleg til að fá myndina til sýningar um leið og hún kemur út. Hér að neðan er hægt að sjá stiklu myndarinnar. Stjörnubíó Mest lesið Einhleypan: Tískuelskandi lögfræðingur með sterka réttlætiskennd Makamál Landsliðshetjur elta drauminn til Ólafsvíkur Lífið Dulúðug hvít andlit: „Nú horfi ég á þetta allt öðruvísi“ Lífið Hvernig á að klæða sig fyrir körfuboltaleik? Tíska og hönnun Eggert Gunnþór og Elsa selja einbýlið Lífið Keyptu glæsihús Atlanta-hjónanna á undirverði Lífið Staðalímyndir í sjávarútvegi: „Hvar er maðurinn þinn?“ Lífið „Hélt að við værum að trufla verðandi bónorð hjá öðrum“ Lífið Eitt fallegasta hús Reykjavíkur komið á sölu Lífið Sagði að hún kæmist aldrei á forsíðu Vogue Lífið Fleiri fréttir Staupasteinsstjarna er látin Gurra og Georg hafa eignast litla systur Joe Don Baker látinn Frumsýning: Ólafur Darri og Hera Hilmar í glænýrri seríu Óskarsverðlaunaleikstjórinn Robert Benton látinn Tom Cruise stökk úr þyrlu með myndavél Íslendinga Trump tollar kvikmyndir: „Eins og reiður, fullur pabbi sem ætlar að hætta við jólin“ Fyrsta íslenska myndin í Cannes Premiere-flokki Íslendingurinn á bak við tugmilljarða myndina: „Þetta er eiginlega fram úr öllum vonum“ Viðræður hafnar um framhald á Adolescence Rísandi stórstjarna og alvöru hjartaknúsari Bestu myndir Vals Kilmer og verstu floppin Þeir munu túlka Bítlana í myndum Sam Mendes Sjá meira
Kvikmyndin Tenet er nýjasta verk leikstjórans Christophers Nolans, en samkvæmt spám átti hún að vera stórmynd sumarsins. Útbreiðsla Covid-19 hefur haft það í för með sér að útgáfu hennar hefur margoft verið seinkað. Kvikmyndaverið Warner Bros hefur nú gefist upp á að láta kórónuveiruna ráða för, og mun myndin koma út á svæðum sem þykja örugg. Upprunaleg áætlun Warner var að bíða veiruna af sér og gefa myndina út alls staðar í heiminum á sama tíma, líkt og tíðkast með flestar stórmyndir. Nú virðist útséð um að langt er í þann dag, því hefur kvikmyndaverið brugðist við og mun gefa myndina út á nokkrum svæðum í einu. Þetta var hátturinn á árum áður, þegar stórmyndir komu sjaldnast út á sama tíma um heim allan. Warner hafa ekki enn gefið út nákvæma dagsetningu útgáfunnar, en samkvæmt heimildum tímaritsins Hollywood Reporter mun hún vera í síðari hluta ágústmánaðar. Warner ætla þó að bíða þar til í september með að gefa hana út í Bandaríkjunum. Þar mun hún koma út hægt og rólega, og fara víðar eftir því sem fleiri fylki gefa grænt ljós á opnun kvikmyndahúsa. Þó svo að kvikmyndahús víða um heim hafi opnað aftur síðustu misserin, er það helst óttinn við ólöglegt niðurhal sem hefur staðið í vegi fyrir að kvikmyndaverin bandarísku gefi myndir sínar út. En líklegt þykir að komist Tenet í ólöglega dreifingu á netinu muni það hafa neikvæð áhrif á aðsókn á þeim svæðum sem hafa ekki enn opnað bíóin. Innanbúðarmenn í Hollywood segja þetta vera þann veruleika sem kvikmyndabransinn búi við í dag og að ekki verði beðið lengur. Engar tekjur séu að koma í kassann, því sé rekstur kvikmyndahúsa og kvikmyndavera í hættu og bregðast verði við því. Íslensk kvikmyndahús verða að teljast líkleg til að fá myndina til sýningar um leið og hún kemur út. Hér að neðan er hægt að sjá stiklu myndarinnar.
Stjörnubíó Mest lesið Einhleypan: Tískuelskandi lögfræðingur með sterka réttlætiskennd Makamál Landsliðshetjur elta drauminn til Ólafsvíkur Lífið Dulúðug hvít andlit: „Nú horfi ég á þetta allt öðruvísi“ Lífið Hvernig á að klæða sig fyrir körfuboltaleik? Tíska og hönnun Eggert Gunnþór og Elsa selja einbýlið Lífið Keyptu glæsihús Atlanta-hjónanna á undirverði Lífið Staðalímyndir í sjávarútvegi: „Hvar er maðurinn þinn?“ Lífið „Hélt að við værum að trufla verðandi bónorð hjá öðrum“ Lífið Eitt fallegasta hús Reykjavíkur komið á sölu Lífið Sagði að hún kæmist aldrei á forsíðu Vogue Lífið Fleiri fréttir Staupasteinsstjarna er látin Gurra og Georg hafa eignast litla systur Joe Don Baker látinn Frumsýning: Ólafur Darri og Hera Hilmar í glænýrri seríu Óskarsverðlaunaleikstjórinn Robert Benton látinn Tom Cruise stökk úr þyrlu með myndavél Íslendinga Trump tollar kvikmyndir: „Eins og reiður, fullur pabbi sem ætlar að hætta við jólin“ Fyrsta íslenska myndin í Cannes Premiere-flokki Íslendingurinn á bak við tugmilljarða myndina: „Þetta er eiginlega fram úr öllum vonum“ Viðræður hafnar um framhald á Adolescence Rísandi stórstjarna og alvöru hjartaknúsari Bestu myndir Vals Kilmer og verstu floppin Þeir munu túlka Bítlana í myndum Sam Mendes Sjá meira