Gefur út spil byggt á raunverulegum formönnum flokka Vésteinn Örn Pétursson skrifar 21. júlí 2020 21:43 Jón Þór gerir ráð fyrir að spilið verði komið út í upphafi desember á þessu ári. Vísir/Samsett Jón Þór Ólafsson, þingmaður Pírata, er með nýtt spil í burðarliðunum. Spilið er byggt á íslenskum stjórnmálum og persónur leikmanna í spilinu byggja á formönnum þeirra flokka sem nú sitja á Alþingi. Jón Þór hefur sett af stað söfnun til þess að fjármagna gerð spilsins, og gerir ráð fyrir að það komi út í síðasta lagi í upphafi desembermánaðar. Spilið, sem ber hið upplýsandi nafn Þingspilið: Með þingmenn í vasanum er uppsett af þremur mismunandi bunkum: formannabunka, málefnabunka og framtíðarbunka. Í upphafi leiks dregur hver leikmaður spil úr formannabunkanum, og leikur sem sá formaður. Síðan eru dregin tvö spil úr framtíðarbunkanum, en þar er að finna ýmsa atburði sem sækja stoðir í raunveruleika stjórnmálanna, svo sem hneykslismál, lögbönn á fjölmiðla, smjörklípur og skítkast. Í samtali við Vísi segir Jón Þór að hvert formannaspjald hafi sérstaka eiginleika, sem öðrum formönnum í spilinu séu ekki gefnir. Þannig er leikmaður sem dregur spilið Hr. Teflon, spilið sem byggt er á Bjarna Benediktssyni, ónæmur fyrir öllum hneykslismálum sem upp koma í spilinu. Eins getur leikmaður sem dregur Hauslausa herinn, spil byggt á hinum formannslausa flokki Pírata, valið sér eiginleika frá leikmanni öðru hvoru megin við sig, og segir Jón Þór það vera vísun í þá umræðu að enginn viti hvort Píratar halli til vinstri eða hægri í stjórnmálum. „Meginmarkmiðið er að klára hverja umferð með sem flesta þingmenn,“ segir Jón Þór og bætir við að leikmenn ákveði sjálfir í upphafi hversu margar umferðir verði leiknar. „Ef það er jafntefli eftir eina umferð eða jafnvel í lok spilsins þá eru bara fleiri en einn sem vinnur, sem endurspeglar svolítið raunveruleikann.“ Fjármagnað með söfnun Spilið er til sölu á Karolinafund og er fjármagnað með hópfjármögnun. „Þetta er þessi klassíska hópfjármögnun, þú borgar og bíður,“ segir Jón Þór. Þau sem hafa hug á því að kaupa spilið greiða þannig fyrir það fyrir fram en þegar söfnunarmarkinu, 800 þúsund krónum, er náð fer spilið í framleiðslu. Varðandi þá fjármuni sem safnast umfram sett markmið hafði Jón Þór þetta að segja: „Ég ákvað að reyna að hafa grunnhugmyndina á núlli. Ef það safnast nóg til að spilið sé framleitt kemur það út á núlli. Eftir það skiptist það sem er safnað í tvennt. Helmingur fer í að gera spilið veglegra með þykkari kassa, þykkari pappír, eins konar lúxusútgáfa, en hinn helmingurinn fer í minn vasa,“ segir Jón Þór. „Ef þetta gengur vel fæ ég eitthvað, ef ekki fæ ég ekki neitt.“ Keppnismaðurinn Bjarni fljótur að átta sig Jón Þór kveðst hafa sýnt þó nokkrum samstarfsmönnum sínum á Alþingi spilið og segir flesta hafa tekið því vel. Jón Þór segir að Bjarni hafi verið öskufljótur að átta sig á markmiði leiksins.Vísir/Vilhelm „Það var einn sem varð aðeins volgur yfir þessu, en sagðist þó ekki ætla að kæra mig,“ segir Jón Þór og hlær við. Hann vildi þó ekki gefa upp um hvaða flokksformann væri að ræða. Þá sagði Jón Þór að sér hefði þótt merkilegt að sjá viðbrögð Bjarna Benediktssonar, fjármálaráðherra og formanns Sjálfstæðisflokksins, þegar honum var sýnt spilið. „Hann renndi í gegn um spilabunkann og spottaði strax um hvað spilið snerist, að safna þingmönnum. Keppnismaðurinn Bjarni Ben þurfti ekki nema örfáar vísbendingar og þá vissi hann um hvað leikurinn snerist. Það segir þér bara svolítið um hver Bjarni Ben er,“ segir Jón Þór í gamansömum tón. Alþingi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Krökkunum finnst hálf hallærislegt að mamman kunni Friends þættina utan að Atvinnulíf Röntgen Domus og Orkuhúsið fá ekki að sameinast Viðskipti innlent Mun bjóða upp á sömu flugáætlun og Bláfugl áður Viðskipti innlent Viljinn tekinn til gjaldþrotaskipta Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Þarf að greiða kortareikninginn og meira til í málskostnað Neytendur Neytendur kunna að meta Landlaxinn og Landbleikjuna Samstarf Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent „Ég var skíthrædd að senda þessa tölvupósta“ Atvinnulíf Fleiri fréttir Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Sjá meira
Jón Þór Ólafsson, þingmaður Pírata, er með nýtt spil í burðarliðunum. Spilið er byggt á íslenskum stjórnmálum og persónur leikmanna í spilinu byggja á formönnum þeirra flokka sem nú sitja á Alþingi. Jón Þór hefur sett af stað söfnun til þess að fjármagna gerð spilsins, og gerir ráð fyrir að það komi út í síðasta lagi í upphafi desembermánaðar. Spilið, sem ber hið upplýsandi nafn Þingspilið: Með þingmenn í vasanum er uppsett af þremur mismunandi bunkum: formannabunka, málefnabunka og framtíðarbunka. Í upphafi leiks dregur hver leikmaður spil úr formannabunkanum, og leikur sem sá formaður. Síðan eru dregin tvö spil úr framtíðarbunkanum, en þar er að finna ýmsa atburði sem sækja stoðir í raunveruleika stjórnmálanna, svo sem hneykslismál, lögbönn á fjölmiðla, smjörklípur og skítkast. Í samtali við Vísi segir Jón Þór að hvert formannaspjald hafi sérstaka eiginleika, sem öðrum formönnum í spilinu séu ekki gefnir. Þannig er leikmaður sem dregur spilið Hr. Teflon, spilið sem byggt er á Bjarna Benediktssyni, ónæmur fyrir öllum hneykslismálum sem upp koma í spilinu. Eins getur leikmaður sem dregur Hauslausa herinn, spil byggt á hinum formannslausa flokki Pírata, valið sér eiginleika frá leikmanni öðru hvoru megin við sig, og segir Jón Þór það vera vísun í þá umræðu að enginn viti hvort Píratar halli til vinstri eða hægri í stjórnmálum. „Meginmarkmiðið er að klára hverja umferð með sem flesta þingmenn,“ segir Jón Þór og bætir við að leikmenn ákveði sjálfir í upphafi hversu margar umferðir verði leiknar. „Ef það er jafntefli eftir eina umferð eða jafnvel í lok spilsins þá eru bara fleiri en einn sem vinnur, sem endurspeglar svolítið raunveruleikann.“ Fjármagnað með söfnun Spilið er til sölu á Karolinafund og er fjármagnað með hópfjármögnun. „Þetta er þessi klassíska hópfjármögnun, þú borgar og bíður,“ segir Jón Þór. Þau sem hafa hug á því að kaupa spilið greiða þannig fyrir það fyrir fram en þegar söfnunarmarkinu, 800 þúsund krónum, er náð fer spilið í framleiðslu. Varðandi þá fjármuni sem safnast umfram sett markmið hafði Jón Þór þetta að segja: „Ég ákvað að reyna að hafa grunnhugmyndina á núlli. Ef það safnast nóg til að spilið sé framleitt kemur það út á núlli. Eftir það skiptist það sem er safnað í tvennt. Helmingur fer í að gera spilið veglegra með þykkari kassa, þykkari pappír, eins konar lúxusútgáfa, en hinn helmingurinn fer í minn vasa,“ segir Jón Þór. „Ef þetta gengur vel fæ ég eitthvað, ef ekki fæ ég ekki neitt.“ Keppnismaðurinn Bjarni fljótur að átta sig Jón Þór kveðst hafa sýnt þó nokkrum samstarfsmönnum sínum á Alþingi spilið og segir flesta hafa tekið því vel. Jón Þór segir að Bjarni hafi verið öskufljótur að átta sig á markmiði leiksins.Vísir/Vilhelm „Það var einn sem varð aðeins volgur yfir þessu, en sagðist þó ekki ætla að kæra mig,“ segir Jón Þór og hlær við. Hann vildi þó ekki gefa upp um hvaða flokksformann væri að ræða. Þá sagði Jón Þór að sér hefði þótt merkilegt að sjá viðbrögð Bjarna Benediktssonar, fjármálaráðherra og formanns Sjálfstæðisflokksins, þegar honum var sýnt spilið. „Hann renndi í gegn um spilabunkann og spottaði strax um hvað spilið snerist, að safna þingmönnum. Keppnismaðurinn Bjarni Ben þurfti ekki nema örfáar vísbendingar og þá vissi hann um hvað leikurinn snerist. Það segir þér bara svolítið um hver Bjarni Ben er,“ segir Jón Þór í gamansömum tón.
Alþingi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Krökkunum finnst hálf hallærislegt að mamman kunni Friends þættina utan að Atvinnulíf Röntgen Domus og Orkuhúsið fá ekki að sameinast Viðskipti innlent Mun bjóða upp á sömu flugáætlun og Bláfugl áður Viðskipti innlent Viljinn tekinn til gjaldþrotaskipta Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Þarf að greiða kortareikninginn og meira til í málskostnað Neytendur Neytendur kunna að meta Landlaxinn og Landbleikjuna Samstarf Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent „Ég var skíthrædd að senda þessa tölvupósta“ Atvinnulíf Fleiri fréttir Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Sjá meira