Greta hlaut 160 milljóna króna verðlaun

Gunnar Reynir Valþórsson skrifar 21. júlí 2020 07:54

Greta Thunberg í Davos. AP/MARKUS SCHREIBER

Sænski umhverfisverndarsinninn Greta Thunberg hlaut í gær portúgölsku Gulbenkian-verðlaunin fyrir baráttu sína gegn loftslagsvánni.

Greta, sem er sautján ára, sagðist afar stolt af verðlaununum og bætti við að verðlaunaféinu, einni milljón evra, eða um 160 milljónum íslenskra króna, verði öllu veitt til góðra málefna.

Thunberg hefur fengið fjölmörg verðlaun og viðurkenningar síðustu ár en engin þar sem verðlaunaféið er jafnhátt. Hún hefur þegar ákveðið að hluti peninganna, eða hundrað þúsund evrur, fari til samtakanna SOS Amazonia sem berjast nú við hraða útbreiðslu kórónuveirunnar í regnskógum Brasilíu.

Amazon Loftslagsmál

Tengdar fréttir

Greta Thunberg segir loftslagsvána jafn aðkallandi og kórónuveirufaraldurinn

Loftslagsaðgerðasinninn Greta Thunberg segir ríki heimsins þurfa að læra lexíu af kórónuveirufaraldrinum og bregðast við loftslagsbreytingum með sama hætti.

20. júní 2020 12:06

Leiðtogar heimsins hafi gefist upp á að bæta framtíð komandi kynslóða

Greta Thunberg og aðrir aðgerðasinnar birtu í dag opið bréf til leiðtoga heimsins þar sem kallað er eftir því að þeir fari að líta á loftslagsvandann sem alvöru ógn við mannkynið.

16. júlí 2020 12:40

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.