Lítur á niðurstöðurnar sem hvatningu til að halda áfram á sömu braut Vésteinn Örn Pétursson skrifar 28. júní 2020 01:33 Guðni Th. Jóhannesson var ánægður með niðurstöðurnar í kvöld, þótt lokatölur liggi ekki fyrir. Vísir/Bjarni „Mér líður eins og gefur að skilja mjög vel. Fullur þakklæti, fullur auðmýktar, fullur tilhlökkunar, og lít á þessa niðurstöðu, að sjálfsögðu, sem hvatningu til að halda áfram á sömu braut.“ Þetta var svar Guðna Th. Jóhannessonar, forseta Íslands, þegar hann var spurður hvernig honum liði í ljósi nýjustu talna í forsetakosningunum sem fram fóru í dag. Þegar yfir 60 þúsund atkvæði hafa verið talin er Guðni með um 90% atkvæða. Guðmundur Franklín Jónsson, eini mótframbjóðandi hans í kosningunum, er þannig með um 10% atkvæða, eins og sakir standa. Það er því nokkuð ljóst að Guðni hefur verið endurkjörinn í embætti forseta Íslands og kemur til með að gegna því næstu fjögur árin. Guðni tók við embættinu árið 2016. „Fjögur ár eru liðin og nú taka önnur fjögur ár við. Ég hlakka til, veit að ýmiskonar áskoranir mæta manni. Sumar óvæntar og ófyrirséðar, en vonandi mun okkur hér á Íslandi auðnast að bæta áfram okkar samfélag. Taka mótbyr með því að standa saman, njóta þess að vera í meðbyr og fagna því þegar sumum gengur vel, hjálpa þeim sem eru hjálparþurfi, finna það sem sameinar okkur og efla það, frekar en það sem sundrar okkur,“ sagði Guðni. Hann sagði vera miklu meira sem sameinaði íslensku þjóðina heldur en sundrar henni. Eitt af því eigi að vera embættið sem hann hefur nú verið endurkjörinn í, embætti forseta Íslands. Niðurstöðurnar komu ekki á óvart Guðni var spurður hvort hann hefði búist við því að kosningarnar færu á annan hátt, eða hvort hann hafi verið viðbúin sigri, líkum þeim sem stefnir í að hann vinni. Sagðist hann hafa notið stuðnings, velvildar og hlýhugar í embætti, allt frá því hann vann kosningarnar 2016. „Þess vegna kom það mér ekki á óvart að ég skyldi njóta mikils fylgis í aðdraganda þessara forsetakosninga. Niðurstöðurnar núna, þótt lokatölur liggi ekki fyrir, eru mjög í samræmi við vísindalega unnar skoðanakannanir, þótt vissulega séu þær þvert á skjön við ýmsar aðrar vísbendingar í aðdraganda forsetakosninganna,“ sagði Guðni. Aðspurður hvort um það bil tíu prósenta fylgi Guðmundar Franklíns kæmi honum á óvart, var Guðni með svar á reiðum höndum. „Nei, ekki þegar ég er með 90 prósent,“ sagði Guðni. Hann sagðist þá hafa átt von á því að hann hlyti stuðnings eins og skoðanir gæfu til kynna, og nefndi þar fylgi á bilinu 80 til 90 prósent. Fær harðan skráp af því að gegna embætti Guðni var spurður hvort eitthvað í kosningabaráttunni hafi komið honum á óvart, og þá sérstaklega hvort honum hafi sárnað eitthvað sérstaklega í baráttunni. „Maður fær, mér liggur við að segja ,því miður,‘ harðan skráp af því að gegna opinberu embætti á Íslandi, en um leið er það lýðræðislegur og sjálfsagður réttur borgara í samfélagi að segja skoðun sína. Ég myndi kjósa að fólk léti þá skoðun í ljós af einurð og festu, en ekki með fúkyrðaflaumi. Vonandi lærist okkur það. Ég hef trú á yngri kynslóðinni í þeim efnum, fólki sem er kannski vant því að tjá hug sinn á samfélagsmiðlum og áttar sig á því að þar ber mönnum líka að sýna kurteisi þó þeir geti sagt sína skoðun umbúðalaust,“ sagði Guðni. Forsetinn sagði þá óráðið hvort hann myndi bjóða sig aftur fram árið 2024, að öðru kjörtímabili sínu loknu. „Ég stefni að því sem fyrr að mæta hverjum degi með það í huga að rækja minn starfa eins vel og ég get, og hvort ég býð mig fram og hvort kjósendur veita mér brautargengi eftir fjögur ár, verður bara að koma í ljós.“ Forsetakosningar 2020 Forseti Íslands Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Viktor og Kári heltast úr lestinni Innlent Halla Hrund fremst í nýrri könnun og Katrín dottin niður í þriðja sæti Innlent Segir upp hjá RÚV og snýr sér að pólitík Innlent Dramatík þegar tveimur var tilkynnt um ólögleg framboð Innlent Ástand hinnar látnu bar þess merki að henni hefði verið ráðinn bani Innlent Ætlaði að ganga frá álverinu og upp á Keflavíkurflugvöll Innlent Forsetavaktin 2024: Hver verður sjöundi forseti lýðveldisins? Innlent Ók blindfullur við Grímsvötn og hótaði að drepa alla Innlent Guðrún á Glitstöðum segir vaðið yfir vilja almennings Innlent Best ef forseti hefur ekki verið í stjórnmálastarfi Innlent Fleiri fréttir Baldurs og Felix-fáni falur Guðrún á Glitstöðum segir vaðið yfir vilja almennings Helmingurinn af búslóðinni í ruslið Fyrstu tilnefningar til Vigdísarverðlauna Evrópuráðsþingsins kynntar á Alþingi Segir upp hjá RÚV og snýr sér að pólitík Ellefu verða í framboði til embættis forseta Íslands Landlæknir fer með ákvörðun Persónuverndar fyrir dóm Stór hópur fanga sem ekki treystir stofnunum Viktor og Kári heltast úr lestinni Ástand hinnar látnu bar þess merki að henni hefði verið ráðinn bani Dramatík þegar tveimur var tilkynnt um ólögleg framboð Best ef forseti hefur ekki verið í stjórnmálastarfi Ráðherra kynnir nýtt mælaborð farsældar barna Skjálfti við Bláfjöll í morgun og óbreytt við Sundhnúk Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Plokkdagurinn mikli haldinn hátíðlegur um land allt Á ofsahraða undir áhrifum fíkniefna Efnahagsstefnan sé að ýta fólki í verðtryggð lán Ók blindfullur við Grímsvötn og hótaði að drepa alla Langt í að þeir nái sér að fullu Lögregla með eftirför í Vogahverfi Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sigurvin dró smábát í land Vill að fréttastofa RÚV biðji Maríu Sigrúnu afsökunar Lögreglan lofar góðu vegaeftirliti á Suðurlandi í sumar Sjá meira
„Mér líður eins og gefur að skilja mjög vel. Fullur þakklæti, fullur auðmýktar, fullur tilhlökkunar, og lít á þessa niðurstöðu, að sjálfsögðu, sem hvatningu til að halda áfram á sömu braut.“ Þetta var svar Guðna Th. Jóhannessonar, forseta Íslands, þegar hann var spurður hvernig honum liði í ljósi nýjustu talna í forsetakosningunum sem fram fóru í dag. Þegar yfir 60 þúsund atkvæði hafa verið talin er Guðni með um 90% atkvæða. Guðmundur Franklín Jónsson, eini mótframbjóðandi hans í kosningunum, er þannig með um 10% atkvæða, eins og sakir standa. Það er því nokkuð ljóst að Guðni hefur verið endurkjörinn í embætti forseta Íslands og kemur til með að gegna því næstu fjögur árin. Guðni tók við embættinu árið 2016. „Fjögur ár eru liðin og nú taka önnur fjögur ár við. Ég hlakka til, veit að ýmiskonar áskoranir mæta manni. Sumar óvæntar og ófyrirséðar, en vonandi mun okkur hér á Íslandi auðnast að bæta áfram okkar samfélag. Taka mótbyr með því að standa saman, njóta þess að vera í meðbyr og fagna því þegar sumum gengur vel, hjálpa þeim sem eru hjálparþurfi, finna það sem sameinar okkur og efla það, frekar en það sem sundrar okkur,“ sagði Guðni. Hann sagði vera miklu meira sem sameinaði íslensku þjóðina heldur en sundrar henni. Eitt af því eigi að vera embættið sem hann hefur nú verið endurkjörinn í, embætti forseta Íslands. Niðurstöðurnar komu ekki á óvart Guðni var spurður hvort hann hefði búist við því að kosningarnar færu á annan hátt, eða hvort hann hafi verið viðbúin sigri, líkum þeim sem stefnir í að hann vinni. Sagðist hann hafa notið stuðnings, velvildar og hlýhugar í embætti, allt frá því hann vann kosningarnar 2016. „Þess vegna kom það mér ekki á óvart að ég skyldi njóta mikils fylgis í aðdraganda þessara forsetakosninga. Niðurstöðurnar núna, þótt lokatölur liggi ekki fyrir, eru mjög í samræmi við vísindalega unnar skoðanakannanir, þótt vissulega séu þær þvert á skjön við ýmsar aðrar vísbendingar í aðdraganda forsetakosninganna,“ sagði Guðni. Aðspurður hvort um það bil tíu prósenta fylgi Guðmundar Franklíns kæmi honum á óvart, var Guðni með svar á reiðum höndum. „Nei, ekki þegar ég er með 90 prósent,“ sagði Guðni. Hann sagðist þá hafa átt von á því að hann hlyti stuðnings eins og skoðanir gæfu til kynna, og nefndi þar fylgi á bilinu 80 til 90 prósent. Fær harðan skráp af því að gegna embætti Guðni var spurður hvort eitthvað í kosningabaráttunni hafi komið honum á óvart, og þá sérstaklega hvort honum hafi sárnað eitthvað sérstaklega í baráttunni. „Maður fær, mér liggur við að segja ,því miður,‘ harðan skráp af því að gegna opinberu embætti á Íslandi, en um leið er það lýðræðislegur og sjálfsagður réttur borgara í samfélagi að segja skoðun sína. Ég myndi kjósa að fólk léti þá skoðun í ljós af einurð og festu, en ekki með fúkyrðaflaumi. Vonandi lærist okkur það. Ég hef trú á yngri kynslóðinni í þeim efnum, fólki sem er kannski vant því að tjá hug sinn á samfélagsmiðlum og áttar sig á því að þar ber mönnum líka að sýna kurteisi þó þeir geti sagt sína skoðun umbúðalaust,“ sagði Guðni. Forsetinn sagði þá óráðið hvort hann myndi bjóða sig aftur fram árið 2024, að öðru kjörtímabili sínu loknu. „Ég stefni að því sem fyrr að mæta hverjum degi með það í huga að rækja minn starfa eins vel og ég get, og hvort ég býð mig fram og hvort kjósendur veita mér brautargengi eftir fjögur ár, verður bara að koma í ljós.“
Forsetakosningar 2020 Forseti Íslands Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Viktor og Kári heltast úr lestinni Innlent Halla Hrund fremst í nýrri könnun og Katrín dottin niður í þriðja sæti Innlent Segir upp hjá RÚV og snýr sér að pólitík Innlent Dramatík þegar tveimur var tilkynnt um ólögleg framboð Innlent Ástand hinnar látnu bar þess merki að henni hefði verið ráðinn bani Innlent Ætlaði að ganga frá álverinu og upp á Keflavíkurflugvöll Innlent Forsetavaktin 2024: Hver verður sjöundi forseti lýðveldisins? Innlent Ók blindfullur við Grímsvötn og hótaði að drepa alla Innlent Guðrún á Glitstöðum segir vaðið yfir vilja almennings Innlent Best ef forseti hefur ekki verið í stjórnmálastarfi Innlent Fleiri fréttir Baldurs og Felix-fáni falur Guðrún á Glitstöðum segir vaðið yfir vilja almennings Helmingurinn af búslóðinni í ruslið Fyrstu tilnefningar til Vigdísarverðlauna Evrópuráðsþingsins kynntar á Alþingi Segir upp hjá RÚV og snýr sér að pólitík Ellefu verða í framboði til embættis forseta Íslands Landlæknir fer með ákvörðun Persónuverndar fyrir dóm Stór hópur fanga sem ekki treystir stofnunum Viktor og Kári heltast úr lestinni Ástand hinnar látnu bar þess merki að henni hefði verið ráðinn bani Dramatík þegar tveimur var tilkynnt um ólögleg framboð Best ef forseti hefur ekki verið í stjórnmálastarfi Ráðherra kynnir nýtt mælaborð farsældar barna Skjálfti við Bláfjöll í morgun og óbreytt við Sundhnúk Ætlaði að ganga frá álverinu og upp á Keflavíkurflugvöll Halla Hrund fremst í nýrri könnun og Katrín dottin niður í þriðja sæti Vopnuð rán tíðari en fólk gerir sér grein fyrir Óttast að saga slökkviliða á Íslandi glatist Plokkdagurinn mikli haldinn hátíðlegur um land allt Á ofsahraða undir áhrifum fíkniefna Efnahagsstefnan sé að ýta fólki í verðtryggð lán Ók blindfullur við Grímsvötn og hótaði að drepa alla Langt í að þeir nái sér að fullu Lögregla með eftirför í Vogahverfi Íslandsferðin sem breyttist í martröð Fundu hræ fimm hvolpa í Mosfellsbæ Fengu aðstoð sérsveitar og Gæslunnar við handtöku við Grímsvötn Sigurvin dró smábát í land Vill að fréttastofa RÚV biðji Maríu Sigrúnu afsökunar Lögreglan lofar góðu vegaeftirliti á Suðurlandi í sumar Sjá meira