Bíó og sjónvarp

Kristen Stewart leikur Díönu prinsessu

Sylvía Hall skrifar
Kristen Stewart mun fara með hlutverk Díönu prinsessu í væntanlegri kvikmynd.
Kristen Stewart mun fara með hlutverk Díönu prinsessu í væntanlegri kvikmynd. Vísir/Getty

Leikkonan Kristen Stewart mun fara með hlutverk Díönu prinsessu í kvikmynd um skilnað hennar við Karl Bretaprins. Steven Knight, höfundur Peaky Blinders, mun skrifa handrit myndarinnar.

Þetta kemur fram á vef BBC þar sem segir jafnframt að sögusvið myndarinnar verður fyrri hluti tíunda áratugs síðustu aldar. Myndin mun fjalla um þann tíma er Díana uppgötvar að hjónabandið sé ekki að virka og að hún vilji verða aftur konan sem hún var fyrir hjónabandið.

„Við ákváðum að skapa sögu um ímynd og persónu, og hvernig kona ákveður einhvern veginn að vera ekki drottning,“ sagði leikstjórinn Pablo Larrain í samtali við Deadline. Hann sagði Stewart vera með betri leikkonum samtímans og hún hefði sýnt fram á það að hún gæti tekið að sér ýmis hlutverk.

„Kristin getur verið margt, og hún getur verið dularfull og viðkvæm en líka sterk á sama tíma, sem er nákvæmlega það sem við þurfum,“ sagði Larrain.

Þetta er ekki í fyrsta skipti sem Larrain leikstýrir mynd með pólitísku ívafi, en hann leikstýrði myndinni Jackie sem kom út árið 2016 og fjallaði um ævi Jackie Kennedy.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.