Gagnrýna rannsókn á meintu kynferðisbroti nágranna gegn þriggja og sex ára systrum Nadine Guðrún Yaghi skrifar 4. júní 2020 19:00 Stúlkurnar voru við leik við heimili sitt í Reykjavík þegar, að þeirra sögn, maðurinn lokkaði þær inn í íbúð. Vísir/vilhelm Lögmaður gagnrýnir rannsókn lögreglu á meintu kynferðisbroti gegn þriggja og sex ára systrum. Grunur leikur á að teknar hafi verið kynferðislegar myndir af stúlkunum en málið var látið niður falla eftir rúmlega ár í rannsókn. Fjölskyldan hefur kært málið til ríkissaksóknara. Í mars í fyrra voru stúlkurnar hjá ömmu sinni úti í garði að leika. Þær segja karlmann þá hafa lokkað þær inn til sín í nálæga íbúð í Holtahverfi Reykjavík. „Það er grunur um að hann hafi tekið klámfengnar myndir af að minnsta kosti yngri stelpunni áður en eldri stelpan nær að flýja og bjarga yngri systur sinni út úr þessari íbúð,“ segir Lárus Sigurður Lárusson, lögmaður fjölskyldunnar. Sögðu móður sinni frá næsta dag Hann segir að þær hafi ekki verið lengi inni í íbúðinni og þegar þær fóru aftur til ömmu sinnar hafi þær ekki sagt frá því sem gerðist. Degi síðar hafi þær sagt móður sinni frá atvikinu og það í kjölfarið verið tilkynnt til lögreglu. Rannsóknarlögreglumaður heimsótti þá stúlkurnar og tók af þeim skýrslu. „Þannig það virtist ætla að fara af stað rannsókn þarna strax í kjölfarið en svo gerist ekki neitt,“ segir Lárus. Skýrslutaka í Barnahúsi tveimur mánuðum síðar Tveimur mánuðum síðar eru stúlkurnar boðaðar í skýrslutöku í barnahúsi, en það var eftir að Lárus fór að spyrjast fyrir um rannsókn málsins. „Sú skýrslutaka gengur í raun mjög vel. Þær koma fram og eru samstíga í sínum framburði um stór atriði málsins og það sem gerðist þennan dag,“ segir Lárus. Mánuði síðar óskaði lögreglan eftir því að mæta á vettvang og láta stelpurnar benda á íbúðina.„En eftir það gerist í raun ekki neitt,“ segir Lárus. Foreldrar stúlknanna og hann sjálfur hafi margoft reynt að ná sambandi við lögreglu og spyrjast fyrir um gang rannsóknarinnar. Það hafi verið fátt um svör. „Fyrstu svörin sem við fáum eru í raun á þessu ári þegar við fáum þær upplýsingar að einn maður hafi verið handtekinn en við fáum engar frekari upplýsingar. Næsta sem við fáum að vita í mars á þessu ári er að það sé búið að fella rannsóknina niður,“ segir Lárus. Fundu ekki meintan geranda Hann segir að stúlkurnar hafi gefið greinargóða lýsingu á manninum. Bylgja Hrönn Baldursdóttir, yfirlögregluþjónn hjá kynferðisbrotadeild lögreglunnar segir að ástæða niðurfellingarinnar sé að rannsóknin hafi ekki leitt í ljós hver meintur gerandi er. Tíminn sem leið frá því brotið var kært og þar til stúlkurnar fóru í skýrslutöku í Barnahúsi sé í lengri kantinum en líklega hafi það verið vegna anna í Barnahúsi. Upplifa að stúlkunum hafi ekki verið trúað Stúlkurnar voru ekki boðaðar í fleiri viðtöl hjá Barnahúsi eins og venjan er í svona málum að sögn Lárusar. Með tímanum hafi þær þó farið að tjá sig meira um málið við foreldra sína og sagt þeim að mennirnir hafi verið tveir. „Af því að þær fengu ekki þessi viðtöl hafa þessar upplýsingar ekki ratað til lögreglunnar,“ segir Lárus. „Og þá höfum við átt mjög erfitt með að fá samband við rannsakendur.“ Lárus segir að málið hafi tekið gríðarlega á fjölskylduna. „Þeirra upplifun er að stúlkunum hafi ekki verið trúað,“ segir Lárus. Miklar mannaferðir í íbúðinni Hann telur að lögregla hefði átt að nýta sér hve stutt var frá brotunum þar til stúlkurnar sögðu frá. „Samt sem áður líða tveir mánuðir þar til þolendur eru teknir í viðtal og eiginleg rannsókn fer af stað. Maður hefði haldið að í svona máli þar sem er grunur um að það séu teknar klámfengnar myndir af börnum þá skipti hver dagur máli í að reyna hafa hendur í hári mannsins og þá reyna að koma í veg fyrir dreifingu á mögulegu efni,“ segir Lárus. Fjölskyldan hefur kært niðurfellingu málsins til ríkissaksóknara. „Okkur hafa borist upplýsingar um að það sé töluvert af mannaferðum tiltekinna manna í þessa íbúð sem passar við mögulega lýsingu sem stúlkurnar gáfu af manninum,“ segir Lárus. Kynferðisofbeldi Lögreglumál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það þarf að stoppa svona menn áður en þeir drepa einhvern“ Innlent Fjölskylda í norðurljósaleit hrakin á brott af leiðsögumönnum Innlent „Hvergi í verklagsreglum að við séum að reka fólk í burtu“ Innlent Íbúar Hlíða velta fyrir sér dularfullum hvelli Innlent Ísland að tapa í slagnum um ferðamenn Innlent Svipar til gamalla óupplýstra rána Innlent Fullkomlega sáttur við ákvörðun sína en útilokar ekkert Innlent Hamfaragámur Bónus tryggir kældan mat í neyðarástandi Innlent Hætt við framboð og vonast eftir þjóðhollum og guðræknum forseta Innlent Ísland sé í torfkofanum í meðferð alvarlegra atvika Innlent Fleiri fréttir Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Haraldur mátti ekki hækka launin en Sigríður ekki heldur lækka þau Læknafélagið mótfallið lögleiðingu dánaraðastoðar „Trúði því ekki að þetta væri ég“ Sjá meira
Lögmaður gagnrýnir rannsókn lögreglu á meintu kynferðisbroti gegn þriggja og sex ára systrum. Grunur leikur á að teknar hafi verið kynferðislegar myndir af stúlkunum en málið var látið niður falla eftir rúmlega ár í rannsókn. Fjölskyldan hefur kært málið til ríkissaksóknara. Í mars í fyrra voru stúlkurnar hjá ömmu sinni úti í garði að leika. Þær segja karlmann þá hafa lokkað þær inn til sín í nálæga íbúð í Holtahverfi Reykjavík. „Það er grunur um að hann hafi tekið klámfengnar myndir af að minnsta kosti yngri stelpunni áður en eldri stelpan nær að flýja og bjarga yngri systur sinni út úr þessari íbúð,“ segir Lárus Sigurður Lárusson, lögmaður fjölskyldunnar. Sögðu móður sinni frá næsta dag Hann segir að þær hafi ekki verið lengi inni í íbúðinni og þegar þær fóru aftur til ömmu sinnar hafi þær ekki sagt frá því sem gerðist. Degi síðar hafi þær sagt móður sinni frá atvikinu og það í kjölfarið verið tilkynnt til lögreglu. Rannsóknarlögreglumaður heimsótti þá stúlkurnar og tók af þeim skýrslu. „Þannig það virtist ætla að fara af stað rannsókn þarna strax í kjölfarið en svo gerist ekki neitt,“ segir Lárus. Skýrslutaka í Barnahúsi tveimur mánuðum síðar Tveimur mánuðum síðar eru stúlkurnar boðaðar í skýrslutöku í barnahúsi, en það var eftir að Lárus fór að spyrjast fyrir um rannsókn málsins. „Sú skýrslutaka gengur í raun mjög vel. Þær koma fram og eru samstíga í sínum framburði um stór atriði málsins og það sem gerðist þennan dag,“ segir Lárus. Mánuði síðar óskaði lögreglan eftir því að mæta á vettvang og láta stelpurnar benda á íbúðina.„En eftir það gerist í raun ekki neitt,“ segir Lárus. Foreldrar stúlknanna og hann sjálfur hafi margoft reynt að ná sambandi við lögreglu og spyrjast fyrir um gang rannsóknarinnar. Það hafi verið fátt um svör. „Fyrstu svörin sem við fáum eru í raun á þessu ári þegar við fáum þær upplýsingar að einn maður hafi verið handtekinn en við fáum engar frekari upplýsingar. Næsta sem við fáum að vita í mars á þessu ári er að það sé búið að fella rannsóknina niður,“ segir Lárus. Fundu ekki meintan geranda Hann segir að stúlkurnar hafi gefið greinargóða lýsingu á manninum. Bylgja Hrönn Baldursdóttir, yfirlögregluþjónn hjá kynferðisbrotadeild lögreglunnar segir að ástæða niðurfellingarinnar sé að rannsóknin hafi ekki leitt í ljós hver meintur gerandi er. Tíminn sem leið frá því brotið var kært og þar til stúlkurnar fóru í skýrslutöku í Barnahúsi sé í lengri kantinum en líklega hafi það verið vegna anna í Barnahúsi. Upplifa að stúlkunum hafi ekki verið trúað Stúlkurnar voru ekki boðaðar í fleiri viðtöl hjá Barnahúsi eins og venjan er í svona málum að sögn Lárusar. Með tímanum hafi þær þó farið að tjá sig meira um málið við foreldra sína og sagt þeim að mennirnir hafi verið tveir. „Af því að þær fengu ekki þessi viðtöl hafa þessar upplýsingar ekki ratað til lögreglunnar,“ segir Lárus. „Og þá höfum við átt mjög erfitt með að fá samband við rannsakendur.“ Lárus segir að málið hafi tekið gríðarlega á fjölskylduna. „Þeirra upplifun er að stúlkunum hafi ekki verið trúað,“ segir Lárus. Miklar mannaferðir í íbúðinni Hann telur að lögregla hefði átt að nýta sér hve stutt var frá brotunum þar til stúlkurnar sögðu frá. „Samt sem áður líða tveir mánuðir þar til þolendur eru teknir í viðtal og eiginleg rannsókn fer af stað. Maður hefði haldið að í svona máli þar sem er grunur um að það séu teknar klámfengnar myndir af börnum þá skipti hver dagur máli í að reyna hafa hendur í hári mannsins og þá reyna að koma í veg fyrir dreifingu á mögulegu efni,“ segir Lárus. Fjölskyldan hefur kært niðurfellingu málsins til ríkissaksóknara. „Okkur hafa borist upplýsingar um að það sé töluvert af mannaferðum tiltekinna manna í þessa íbúð sem passar við mögulega lýsingu sem stúlkurnar gáfu af manninum,“ segir Lárus.
Kynferðisofbeldi Lögreglumál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það þarf að stoppa svona menn áður en þeir drepa einhvern“ Innlent Fjölskylda í norðurljósaleit hrakin á brott af leiðsögumönnum Innlent „Hvergi í verklagsreglum að við séum að reka fólk í burtu“ Innlent Íbúar Hlíða velta fyrir sér dularfullum hvelli Innlent Ísland að tapa í slagnum um ferðamenn Innlent Svipar til gamalla óupplýstra rána Innlent Fullkomlega sáttur við ákvörðun sína en útilokar ekkert Innlent Hamfaragámur Bónus tryggir kældan mat í neyðarástandi Innlent Hætt við framboð og vonast eftir þjóðhollum og guðræknum forseta Innlent Ísland sé í torfkofanum í meðferð alvarlegra atvika Innlent Fleiri fréttir Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Haraldur mátti ekki hækka launin en Sigríður ekki heldur lækka þau Læknafélagið mótfallið lögleiðingu dánaraðastoðar „Trúði því ekki að þetta væri ég“ Sjá meira